Ларсон кажа збогум на фудбалот

Хенрик Ларсон кажа збогум на фудбалот по одигрувањето на последниот натпревар за неговиот моментален клуб Хелсинборг.


38-годишниот швеѓанец во својата кариера постигна вкупно 415 голови играјќи за 5 клубови и тоа Хелсинборг, Феенорд, Селтик, Барселона и Манчестер Јунајтед.

Ларсон исто така беше и член на шведската репрезентација каде има 100 настапи на кои постигна вкупно 37 голови.

Ларсон во својата кариера освои 4 признанија за играч на годината во шкотскиот шампионат како дел од Селтик, два шампионски трофеи со Барселона и еден тровеј во Лигата на Шампиони како и титула со Манчестер Јунајтед за време на неговата позајмица во англискиот шампион.

На последниот одигран натпревар неговиот Хелсинборг загуби дома од Ѓургарден со 0-2.

По одигрувањето на последниот натпревар Ларсон беше блиску до солзи кога на видео бимот на стадионот се појавија видеа посветени на Алекс Фергусон, Ларс Лагербак и неговиот соиграч од репрезентацијата Златан Ибрахимовиќ.

''За секого е тешко во ваквите моменти. Јас имам смирен карактер, но во овие моменти е тешко човек да не заплаче''.

''Секогаш е убаво да се заврши кариерата на теренот на кој си го одиграл првиот натпревар. Тешко е да се заврши кариерата со пораз, но не може секогаш да се има она што се сака''-изјави Ларсон.

Aмос на позајмица

Питербороу Јунајтед го позајми голманот на Манчестер Јунајтед, Бен Амос, на еден месец, како замена за првиот голман, суспендираниот Џо Луис.

19 годишниот голман уште во сабота ќе го има своето деби за Питербороу на натпреварот против Барнсли од Чемпионшип дивизијата. Менаџерот на Питербороу, инаку син на Сер Алекс, Дарен Фергусон, за Амос вели дека тоа ќе биде голем ден и дека верува во неговите голмански способности.

„Тој ми е добро препорачан. Мојот татко има многу високо мислење за него.“, изјави Дарен Фергусон.

Судијата ги помешал Рафаел и Фабио

Судијата на натпреварот од Карлинг купот со Барнсли, Крис Фој, ги помешал близнаците Рафаел и Фабио да Силва и место на Рафаел, му даде жолт картон на брат му, Фабио при што би значело дека тој ќе отстусва на наредниот натпревар.

Рафаел го фаулираше играчот на Барнсли, Џамал Кембел-Рајс, но судијата по грешка го запишал на неговиот брат близнак, Фабио.ФА признаа дека Јунајтед испратил жалба за оваа одлука.

Близнаците по 19 години му помогнаа на Јунајтед во вторникот да победи со 2-0 против Барнсли на гости во Карлинг купот, каде што и Гери Невил заработи црвен картон.

Диего Лопез повторно на метата на Јунајтед

Голманот на Виљареал, Диего Лопез, вели дека понуда од некој тим од Премиер лигата би било тешко да се одбие.

Извори во Шпанија велат дека Диего Лопез е повторно на метата на Англискиот шампион Манчестер Јунајтед и Сер Алекс Фергусон, кој има проблеми со голманската позиција.

Ван Дер Сар полни 39 години во Четврток, англискиот репрезентативец Бен Фостер не се покажува како достојна замена за Холанѓанецот и не ги исполнува очекувањата од него.Лопез импресионира за Виљареал уште откако замина од Реал мадрид во 2007та и е именуван како една од можните замена за ВДС, меѓу кои се и Акинфеев,Жулио Цезар и Муслера.

27 годишниот Шпанец го имаше своето деби за Шпанската репрезентација во Август годинава и се верува дека за неговите услуги Јунајтед би требало да плати 15 милиони фунти .

"Знам за шпекулациите и понуда од некој тим од Премиер лигата би било многу примамливо" - изјави Лопез за The Sun.

Обертан ќе дебитира против Барнсли

Традицијата за стартување на кариерата на младите играчи на Јунајтед во Карлинг купот продолжува, Фергусон официјално изјави дека Обертан ќе стартува против Барнсли во Вторник.

Последната наша аквизиција иако потпиша на 8ми Јули, мораше да чека до крајот на Октомври за конечно да го има своето деби за првиот тим, поради повреда.Изигра досега 3 натпревари за резервниот тим.

"Дефинитивно Габриел ќе игра против Барнсли.Чекав да биде 100% опоравен за да го играм во првиот тим, не сакав повредата да му се обнови.Очекуваме многу од него.На само 16 години беше сметан за еден од најголемите таленти во Франција, и бил форсиран да игра цела година со пасивна повреда на ногата.Од тоа што го гледав, заклучив дека многу е брз и може да игра на двете крилни позиции, што ни значи многу во тимот." - изјави Сер Алекс.

Најава:Ливерпул v Јунајтед

Премиер Лига, 10то коло|Недела, 25 Октомври 2009|Почеток: 15:00h

Стадион: Anfield Road, Liverpool

Конечно пристигнува најголемото дерби во Англија, помеѓу можеби двата најголеми ривали во цела Англија и пошироко, Ливерпул и Манчестер Јунајтед.Едноставно кажано, пораз на Ливерпул би ја преставил нивната најлоша форма во последните 56 години и би имало 10 поени разлика во корист на Јунајтед.

Ливерпул минатата сезона покажаа колку голем тим се, и колку сериозно можат да се борат за титулата во Англија.Минатата сезона 2 пати го победија Јунајтед, во кои спаѓа и еден од најсрамните резултати воопшто за Јунајтед во сите конкуренции.Како и да е, ние сме во форма, го задржавме 100% рекорд во ЛШ и ја продолживме серијата од 11 натпревари без пораз.Ливерпул пак, сосема спротивно, имаат 4 натпревари изгубени по ред, неизвесни се Торес,Џерард и Џонсон и Бенитез е под голем притисок од управата на Ливерпул.Сепак формата во вакви дуели не се смета, минатата сезона иако ние имавме добра форма, тие лоша, изгубивме 1-4 на Олд Трафорд.Потценување не смее да има, иако сме мали фаворити.

Како што спомнав погоре, Ливерпул имаат проблеми со повредите но и ние не сме којзнае колку подобри.Кај нив неизвесни за настап се Џерард, Џонсон и Торес, а се поочигледно е дека последните 2ца ќе настапат.Аквилани,Риера,Досена и Киргијакос дефинитивно се аут за овој натпревар.Кај нас, Руни и Флечер се неизвесни,Парк дефинитивно нема да игра, а Гигс и Евра се вратија од повредите.

Интересно да се спомене е дека на последните 4 гостувања Јунатјед изгубил 3 пати, последен пат победил против Ливерпул со 1-0 во 2007.Рајан Гигс има дадено 99 гола а Пол Сколс 98, би било убаво ако можат да стигнат до 100ката утре.Керик утре ќе го има 100тиот настап за тимот, додека пак Бербатов и Евра 100тиот настап во Премиер лигата.

Најдобар стрелец кај нас е Руни со 7 гола од кои 6 во Премиер лигата, кај нив е Торес со 8 гола, сите во Премиер лига.

Можни состави:

Reina

Johnson - Carragher - Agger - Aurelio

Mascherano - Lucas - Benayoun - Babel

Torres - Kuyt

V

Rooney - Berbatov

Nani - Giggs - Fletcher - Valencia

Evra - Rio - Vidic - O'Shea

Van Der Sar

Мој Тип:

Ливерпул 1 - 1 Јунајтед

Сколс претпазлив

Пол Сколс вели дека слабата форма на Ливерпул само ќе му помогне на Рафа Бенитез во дуелот на Енфилд во недела.

Ливерпул ги изгубија своите последни 4 натпревари, против Лион,Фиорентина,Сандерленд и Челзи, а тоа пак според Сколси би им било мотивација плус на играчите на Ливерпул да го победат Јунајтед кој е непоразен во сите конкуренции од 19 Август.

"Очигледно е дека имаат мал пад во формата моментално, но во овој натпревар ќе гледаат шанса да ги свртат работите.Всушност, најверојатно ова е најперфектното време за да им гостуваме, за да успеат да се вратат со формата." - изјави Сколс.

Сколс играл 26 пати во својата кариера против Ливерпул и пред неколку дена изјави и дека формата нема да се важи за овој дерби натпревар.Како и да е, Јунајтед дефинитивно ќе отпатуваат во Ливерпул за да ги освојат сите три бода, според Сколс.

"Не смее да има потценување" - Видич

Дефанзивецот на Јунајтед, Немања Видич смета дека Шампионите не смеат да влезат во неделното дерби против Ливерпул со потценување поради слабата форма на Ливерпул.

Ливерпул моментално се соочуват со нивната најлоша форма во последните 22 години откако нанижаа 4 порази по ред а Јунајтед неможа да дојдат во полошо време за фановите на Ливерпул.

Ѓаволите влегуваат во натпреварот со победата од 0-1 против ЦСКА во Москва, со што го задржаа 100% ефект во Лигата на Шампионите.Додека пак, Ливерпул, изгубија 1-2 од Лион дома и се мачат да ги поминат групите.Пораз од Јунајтед многу би им ги смалил шансите за титула и во Премиер лигата.

И покрај лошата серија и проблеми кај Ливерпул, и покрај можноста Џерард и Торес да не играат, сепак Видич смета дека никако не смеат да се потценат противниците.

"Не е добро да си премногу самоуверен, но добро е што победивме пред овој натпревар.Си вервуваме многу меѓусебно а тоа според мене е многу важно" - изјави Србинот.

Рио решен да демантира

Рио Фердинанд реши по многуте критики истакнати во јавноста во врска со неговата игра да изјави дека ќе се врати во неговата препознатлива форма многу брзо.

Рио изјави дека секоја критика му помага да стане подобар играч. „Можам да се справам со критиките и коментарите, но единствените критики кои ги прифаќам се оние на моите менаџери, Сер Алекс и Капело. Луѓето се навикнати да коментираат а по секој коментар јас сум во добивка со тоа што сум подобар играч.“, изјави Фердинанд.

Рио е обвинет и дека во последно време многу други работи (како музиката и филмот кој го копродуцира) повеќе го интересираат отколку фудбалот, но тој изјави: „ Филмот е искуство плус во мојот живот, но фудбалот е мојата пасија. Се надевам дека ќе играм уште едно 5-6 сезони. Сакам да освојам што е можно повеќе трофеи и Јунајтед е вистинското место за да го остварам тоа.“

Формата нема да е пресудна на Енфилд

Ливерпул ја имаат најлошата серија во последните 22 години, додека Манчестер Јунајтед освои 22 бода од можни 27, но Рио Фердинанд вели дека тоа нема да игра никаква улога во дербито во недела.

Рио и Јунајтед на мечот ќе пристигнат со голема самодоверба и во добра форма, додека тимот на Рафаел Бенитез изгуби 4 натпревари по ред, два во ЛШ (против Фиорентина и Лион) и два во ПЛ (против Челзи и Сандерленд).

Во врска со натпреварот, Рио Фердинанд изјави: „Мислам дека формата не е фактор во ваквите натпревари. Сите знаеме колку е големо ривалството помеѓу овие два тима, без разлика дали е дерби или меч во некој куп, формата не игра важна улога. Ќе победи оној тим што ќе одигра најдобро тие час и половина и ние се стремиме да го направиме тоа.“

Победа за Манчестер Јунајтед ќе значи оддржување на првото место во ПЛ пред Челзи, кој ако победи во сабота против Блекбурн, за 24 часа ќе ја презема првата позиција, додека пораз за осмопласираниот Ливерпул, 5ти во сезоната, би значел најверојатно крај на надежите за титулата.

Ферги импресиониран од Акинфеев

Менаџерот на Манчестер Јунајтед, Сер Алекс Фергусон ги подгреа шпекулациите околу можниот трансфер на голманот на ЦСКА Игор Акинфеев во англискиот шампион.


23-годишниот руски голман имаше добар натпревар против Јунајтед, со една извонредна одбрана по ударот со глава на Нани во второто полувреме.

Имајќи во предвид дека најверојатно Ван дер Сар ќе се пензионира на крајот од оваа сезона, а Фостер и Кушчак сеуште не се докажани како голмани кои би можеле да го заменат Холанѓанецот, се повеќе се подгреваат шпекулациите околу Акинфеев како можна замена на голот на Манчестер Јунајтед.

Во изјава дадена после натпреварот Ферги злезе со пофалби до Красиќ и Акинфеев, изјавувајќи го следново: ''Несомнено Красиќ ни создаде проблеми. Тој е многу талентиран играч. Освен овој играч сметам дека и голманот на противникот беше одличен и импресивен'' - изјави Ферги.

Најава:ЦСКА v Јунајтед

Лига на Шампиони,Групна фаза|Среда, 21 Октомври 2009|Почеток: 18:30h

Стадион: Luzhniki Stadium,Moscow

Евра,Гигс,Руни,Парк и Флечер беа меѓу оние кои што не отпатуваа за Москва, а и Видиќ и Бербатов се неизвесни.Во добра форма сме, но со премногу примени голови.Немам големи очекувања од овој натпревар најмногу поради тоа што следната недела играме против Ливерпул на Енфилд и не би сакал уште некој друг да се повреди.

Досега изигравме 2 натпревари во ЛШ и тоа 2 победи, против Бешиткаш во Турција и против Волфсбург на Олд Трафорд и завршија со резултат 1-0 и 2-1.Моментално сме први во групата, 3 поени над ЦСКА и Волфсбург.ЦСКА пак, ќе гледаат да извлечат нешто од овој натпревар откако изгубија од Вофлсбург и го победија Бешикташ, со можност да бидат први на табелата.Истотака интересно е тоа што е повикан братот на Џони,Кори Еванс

Во отпатуваните се:

Ван Дер Сар,Кушчак,Фостер;Невил,Рафаел,О'Шеј,Фердинанд,Видич,Браун,Џ.Еванс,Фабио;Сколс,Вал

енсија,Керик,Андерсон,Нани,К.Еванс;Македа,Велбек,Овен,Бербатов.

Можен состав:

VDS

Rafael - Rio - Evans - O'Shea

Nani - Anderson - Scholes - Valencia

Owen - Welbeck

Мој тип:

ЦСКА 1-1 Јунајтед

4ца Ѓаволи неизвесни за дуелот на Енфилд

Петорица играчи не отпатуваа во Москва, а само 1 од нив (Евра) е сигурен дека ќе биде фит за дербито против Ливерпул во недела.

Сер Алекс потврди дека Евра, кој мала повреда на петата, ќе биде целосно опоравен во Четврток и дефинитивно ќе игра на дербито против Ливерпул во недела.Но, Јунајтед можно е да играат на Енфилд без Руни,Гигс,Флечер и Џи Сунг Парк.

Треба да се случи чудо за да игра Парк, според Сер Алекс.На него била диагностицирана повреда која би траела 2 недели.Инаку, медицинскиот тим на Јунајтед работи прекувремено за Вејн Руни да игра во Ливерпул.

"Се бориме со се што можеме за Руни да игра.Ќе биде тешка борба но се надевам дека ќе може да игра" - изјави Ферги.

"За Гигс истотака сеуште незнаеме за каква повреда се работи, а Дарен Флечер е истотака неизвесен откако се повреди во репрезентативниот натпревар за Шкотска.Се надевам дека ќе бидат фит овие играчи, бидејќи ќе бидат многу потребни за голем натпревар како што е тој во Недела." - изјави Шкотот.

Фергусон обвинет за коментарите кон Вајли

Алекс Фергусон е обвинет од страна на ФА за непрописно однесување по коментрите упатени кон судијата Алан Вајли


Менаџерот на Јунајтед еднаш веќе се извини на судијата Вајли, но тоа беше недоволно за да избегне евентуална казна од англиската ФА.

Ферги сега има период од две недели на располагање за да побара сослушување по овој предмет.

Ферги ги изнесе овие коментари после ремито на Јунајтед од 2-2 со екипата на Сандерленд на домашен терен на 3 октомври.

Тој го обвини Вајли ''дека е неспособен да суди таков меч'' и го протолкува движењето на судијата при постигнувањето на вториот гол на Сандерленд како ''едвај да му е потребен одмор''.

"Притисокот не стигнува до мене" - Диуф

Напаѓачот на Јунајтед кој е моментално на позајмица во тимот од кој што ќе дојде на Олд Трафорд, Маме Бирам Диуф, вели дека трансферот во Јунајтед воопшто не го сменил како играч.

21 годишниот напаѓач играше добро на почетокот на сезоната, но со 4 гола во 12 натпревари, формата за разлика од минатата е изменета.Тој потпиша со Ѓаволите но останува во Молде сезонава, со можност Јунајтед по потреба да го донесат во Јануари.Откако го направи трансферот не игра во истата форма, но тој тврди дека трансферот во тим како Јунајтед не го менува како играч

"Немам никаков контакт со Јунајтед откога потпишав за нив.Ниту сакам да имам, тоа само би ме збунило, моментално сум фокусиран само на Молде и доигрувајќи го остатокот од сезоната.Не ни зборам со соиграчите за Јунајтед,повеќе мислам за тимот отколку за мене.Не се фокусирав ниту да бидам прв стрелец, повеќе гледам тимот да освои некој трофеј." - изјави Маме Бирам Диуф за Nattavisen.

Руни очекува интересна сезона

Вејн Руни верува дека Челзи и Ливерпул се најголемите конкуренти за титулата во Премиер лигата сезонава.

Иако освои многу трофеи и тој и тимот кој доминира веќе 20 години во Премиер лигата, Манчестер Јунајтед, 23 годишниот напаѓач сака да додаде уште трофеи во својот кабинет.

Тој изјави дека очекува тешка битка за титулата во Премиер лигата оваа сезона и освен според него најголемите фаворити(Ливерпул и Челзи) смета дека Сити се имаат многу зајакнато и Арсенал ја почнаа сезоната добро.

"Челзи се многу силен тим, е дефинитивно ќе бидат во првите 3 екипи.Ливерпул исто, сметам дека тие ни се 2та најголеми ривали сезонава.Сити истотака ја почнаа сезоната убаво, купија нови и квалитетни играчи и според мене тие со Арсенал ќе водат голема битка сезонава." - изјави Руни за Daily Star.

Гигс и Евра неизвесни за гостувањето во Москва

Сер Алекс Фергусон можеби ќе треба да патува за Москва без Гигс и Евра, откако по натпреварот со Болтон и двајцата се пожалиле на ситна повреда.

Гигс, кој полни 36 години следниот месец, беше повреден на натпреварот со Болтон каде што уште еднаш покажа дека игра како во своите 20ти години.Сер Алекс Фергусон изјави дека тој ги надминал сите лимити и се чини дека со текот на годините станува се подобар и подобар.

Патрис Евра истотака имал мала повреда на ногата и можно е да не отпатува за Москва

"Двајцата се неизвесни, незнам ниту јас дали ќе патуваат за Москва." - изјави Ферги.

Победата над Болтон ги крена Јунајтед на врвот на Премиер лигата повторно, откако требаа да издржат голем притисок од Болтон во последните 15 минути.

Фергусон - Рио ќе се подобри

Фергусон е сигурен дека Фердинанд ќе се врати во старата форма, притоа признавајќи дека ова е можеби најтешкиот период за фудбалерот во неговата кариера како играч на Јунајтед.


Фердинанд имаше слаб старт на сезоната како за Јунајтед така и за репрезентацијата, проследен со повреди и неколку слаби натпревари на играчот.

Фергусон признава дека Рио се наоѓа во слаба форма во моментот, но дека верува во него и во неговите можности тој повторно да се врати во старата форма.

''Тој не се нашол во ваква позиција откако е член на Јунајтед. Тоа можеби претставува невообичаено искуство за него, но јас сум сигурен дека тој успешно ќе го преброди овој период'' - изјави Сер Алекс Фергусон

Јунајтед со понуда до Силва,Валенсија во трошоци

Фантастичната тројка во Валенсија, Давид Силва,Давид Виља и Хуан Мата беа поврзувани со големи трансфери во клубови од Премиер лигата и некои поголеми европски тимови, но никој не очекуваше дека ќе успеат да ги задржат сите тројца.

Како и да е, познатиот колумнист Гилем Балаг, од неговиот долг престој во Валенсија, тврди дека финансиските проблеми на тимот се далеку од готови и дека претседателот поставил ултиматум до менаџерот Унаи Емери во рок од 10 месеци на било кој начин да дојде до 50 милиони евра за да може да се анулираат сите задолжувања.

Ако дестинацијата на Давид Виља по се изгледа ќе биде Барселона, помладиот шпанец Давид Силва се повеќе се поврзува со трансфер во англискиот шампион Манчестер Јунајтед.

Агентот на Силва известува дека имаат добиено 2 големи понуди од кои една се верува дека е од англискиот шампион.

Руни најверојатно аут за дуелот со Ливерпул!

Ѕвездата на Манчестер Јунајтед,Вејн Руни, е повлечен од следните 3 натпревари на Јунајтед не поради повреда, туку поради што неговата жена Колин, очекува секој момент да се породи.

Првото дете на Вејн и Колин се очекува да биде родено најкасно до Сабота, а Англичанецот и ветил на жена си дека ќе биде со неа секој момент.

Тој веќе се повлече од составот на Фергусон за натпреварот со Болтон, и официјално е познато дека тој е повреден.Но сепак, очигледно дека не е така.Тој нема да патува ни за Русија каде што Јунајтед и гостува на ЦСКА Москва, бидејќи тоа би го одалечило од Колин.

"Секако дека сакам да бидам со неа кога ќе се роди бебето" - изјави Руни.

Најава:Јунајтед v Болтон

Премиер Лига, 9то Коло|Сабота, 17 Октомври 2009|Почеток: 16:00h

Стадион: Old Trafford, Manchester

Конечно завршија интернационалните натпревари и конечно недела исполнета со Премиер лигашки фудбал.Да се потсетиме.Моментално сме втори на табелата под Челзи, но со многу примени голови и, сега за сега катастрофална одбрана.Ни беше многу тешко да чуваме мрежата недопрена сезоната и Фостер бранеше полошо од времето од Бартез.Рајан Гигс дефинитивно беше играч за месец Септември, без никакво сомнение.Не играше против Сандерленд за да си го добие заслужениот одмор и се виде колку фалеше.Не игравме добро без него и по интернационалните настапи сигурно ќе игра во првиот состав против Болтон.Нани и Валенсија сеуште се немаат сеуште доволно уиграно па сега е шансата да искористат тоа.Да не заборавиме дека во текот на следните 10 дена играме уште 2 многу важни натпревари, кои освен овој со Болтон се со ЦСКА на гости и со Ливерпул на гости, така да Сер Алекс сигурно ќе гледа да одмора неколку играчи сега или во дуелот со ЦСКА, така да се надеваме дека Обертан и Тошиќ ќе бидат повикани за некој од натпреварите.Бербатов вчера доби ќерка и не отпатува за Англија така да најверојатно ќе бидеме без него истотака.Руни нема да игра поради мала повреда а ВДС и Рафаел се вратени од повредите.

Болтон пак, немаат добар старт со само 2 победи во 7 изиграни натпревари сезонава.Но, изиграа фантастично против поголеми тимови како Ливерпул и Тотенхем и им нанесоа големи проблеми.Тие не се погодени премногу од интернационалната пауза поради тоа што малку играчи се повикани за репрезентациите.Истотака имаат и голема инспирација, бидејќи не изгубија во ниеден од последните 4 натпревари.Последниот натпревар меѓу Јунајтед и Болтон беше игран на 17 Јануари, на Рибок стадионот и Јунајтед победи со 1-0.

Формата на Јунајтед: W W W W D

Формата на Болтон: L W D W D

Повредени играчи

Јунајтед

В.Руни | Истегнување на листот | Отсуствува само на овој натпревар

О.Харгривс | Повреда на колената | 3ти Ноември '09

Болтон

Ј.Елмандер | Повреда на ногата | Многу неизвесен за овој натпревар

С.Дејвис | Скршеница на коленото | Јуни '10

Џ.О'Брајан | Повреда на коленото | Непознато

Можни состави

VDS

O'Shea - Vidic - Rio - Evra

Valencia - Fletcher - Anderson - Nani

Giggs

Owen

V

Lee - Davies

Taylor - Muamba - Cohen - Gardner

Samuel - Cahill - Knight - Ricketts

Jaaskelainen

Мој тип

Јунајтед 3-0 Болтон

Андерсон среќен во Јунајтед

Бразилскиот играч од средниот ред вели дека тој е среќен во Манчестер Јунајтед.


После слабиот старт на Андерсон во овогодинешната сезона во Премиер Лигата, каде настапи само еднаш на првите 4 натпревари, бразилецот полека ја враќа старата форма.

Во септември играчот настапи на 5 натпревари каде и го постигна својот прв официјален гол за Јунајтед во Премиер Лигата на натпреварот со Тотенхем.

Андерсон повторно признава дека тој моментално ужива во клубот.

''Се чувствувам среќен тука. Секој има периоди кога не може да се пронајде себеси, но јас се чувствувам како дома сега. Јас сум во Манчестер веќе 3 години. Сите од клубот се однесуваат одлично со мене. Ние сме како едно големо семејство.''

Оваа изјава на Андерсон особено радува имајќи го предвид фактот дека во летниот преоден рок од клубот заминаа Карлос Тевез и Кристијано Роналдо кои беа блиски пријатели со Андерсон.

Ферги во контакт со Стивен Дефур

Сер Алекс Фергусон го објавува интересот на капитенот на Белгискиот прволигаш Стандард Лиеж, Стивен Дефур, откако му испратил неколку пораки.

Талентираниот белгиец кој моментално е надвор од терените поради скршеница на ногата, привлече интерес од неколку врвни екипи до сега, како Арсенал,Јунајтед,Ливерпул и Евертон чија понуда од 9мил. фунти беше одбиена летово.

Лиеж не се принудени да го продадат нивниот капитен поради тоа што веќе има потпишано нов договор до 2013 и поради лошата повреда за која ќе биде во аут 6 месеци и нема да смее да прави трансфер во зимскиот преоден рок.

Пораката кон него од Сер Алекс која дошла и до медиумите гласи:

"Драг Стивен, слушнав за твојата тешка повреда и во името на Манчестер Јунајтед ти посакувам целосно и брзо закрепнување од истата.Сигурен сум дека во моментов имаш многу прашања и дека се чуствуваш лошо.Ќе го следам прогресот на твојата повреда и ќе останам во контакт со твојот тим за билокакви новости."

Одговорот стигна експресно од Дефур.

"Писмото беше адресирано кон Стандард и според ова можам да заклучам дека Ферги официјално прикажува интерест.Вниманието е добра работа, но не сакам луѓето да мислат дека веќе сум во Манчестер, не сум ни блиску.Но, ако има понуда, секако дека ќе ја разгледам многу внимателно" - изјави белгиецот за Het Laaste News.

Јунајтед се поблиску до Акинфеев

Рускиот голман на мрежата на ЦСКА Москва, Игор Акинфеев, кој е на метата на Сер Алекс веќе 6 месеци, е најблиску до станување на наследник на Ван Дер Сар.

Сеуште не е официјално ниту сигурно, но се поголема е веројатноста во Декември, Ван Дер Сар да објави дека ја завршува кариерата на крајот на сезоната и да му го отстапи местото на 23 годишниот Акинфеев.

Сер Алекс бара квалитетен голман откако Бен Фостер не го оствари очекувањата со неколку катастрофални грешки кои што го чинеа Јунајтед многу.Се верува дека преговорите ќе започнат откако ВДС ќе каже дали ќе ја завршува кариерата.

Се верува дека ЦСКА веќе одбиле понуда вредна 20 милиони евра за него од друг европски тим, и дека Јунајтед ќе треба да платат голема сума на пари за да го донесат на Олд Трафорд, но како што и тој самиот изјави, можноста за играње во тим како Јунајтед не доаѓа секогаш.

Гери Мегсон го брани Сер Алекс

Менаџерот на Болтон, Гери Мегсон даде изјава со која го поддржува и брани Фергусон за неговата постапка кон судиите.

Фергусон, лут од ремито од 2-2 со Сандерленд, го критикуваше судијата Адам Вајли, изјавувајќи дека не е доволно добар судија за да суди во Премиер лигата,твредјќи дека требало некои играчи од Сандерленд да добијат картони.

По овие изјави, Сер Алекс официјално се извини кон Вајли и кон ФА и потенцираше дека немал никаква намера да направи личен напад кон судијата, туку да отвори дебата за судењето во Премиер лигата.

"Ферги неможе да направи ништо повеќе.Во нервоза направи изјава според која мене е многу точна, се извини и беше критикуван поради извинувањето.Но, ако Алан Лејтон(шефот на судиите) мисли дека дека е премногу, и да се извиниш, и да не, пак ќе си добиеш казна" - изјави Мегсон за Manchester Evening News.

Фергусон треба да се врати од краткиот одмор во Њујорк денес, и да оди на разговор со ФА.

Честер се враќа дома

Младиот дефанзивец на Манчестер Јунајтед, Џејмс Честер кој беше пратен на позајмица во Аргајл, се враќа во Манчестер поради повреда на коленото.

20 годишниот стопер си го повреди коленото на победата од 2-1 врз Скантроуп и беше приморан да се врати во Манчестер на прегледи.

"Џејмс е навистина разорачан поради повредата, навистина уживаше додека беше тука." - изјави менаџерот на Аргајл, Пол Старок.Со повредата на Честер, на Старок му останува уште Кристиан Тимар како единствен стопер во тимот, бидејќи сите останати се повредени.

Честер одигра 2 цели натпревари за првиот тим и ги импресионираше фановите и персоналот на Аргајл.

Ван дер Сар со подршка за Фостер

Ван дер Сар е сигурен дека Бен Фостер ќе се докаже во дресот на Јунајтед.

Фостер го заменуваше повредениот Ван дер Сар за времето додека тој беше повреден, наидувајќи притоа на сериозна критика за неговата прикажана игра во тој период.

Холанѓанецот, кој се очекува да биде подготвен за саботниот натпревар со Болтон, верува дека Фостер ќе успее во клубот, давајќи му притоа целосна подршка на својот колега.

''И јас имав слични проблеми кога бев помлад. Токму тоа те изградува како човек и играч''

''Бен ја поседува потребната сила и карактер за да го надмине овој лош период. Тој е силно момче. Ми се допаѓа и не се сомневам дека ќе успее во тоа''-изјави Ван дер Сар за Manchester Evening News.

Ферги ќе се извини на ФА

Менаџерот на Манчестер Јунајтед, Алекс Фергусон ќе се извини на ФА во обид да избегне да биде казнет за вербалниот напад на судијата Алан Вајли на натпреварот против Сандерленд.






Шкотскиот стратег го искажа својот гнев кон судијата Вајли по ремито од 2-2 на Јунајтед со Сандерленд на 3 октомври, кога арбитерот го нарече 'неспособен', па и покрај официјалното извинување на Ферги упатено кон Валји, сепак од него е побарано дополнително објаснување за таквиот чин.


ФА му даде краен рок на менаџерот на Јунајтед до петок и формално да се извини, па потоа федерацијата ќе одлучи дали Фергусон ќе биде обвинет за непримерно однесување.

"Ги одбив Барса и Јунајтед" - Шевченко

Украинскиот напаѓач Андриј Шевченко, тврди дека одбил понуди од Барселона и Манчетер Јунајтед пред 11 години, за да се приклучи на Милан.

Шевченко одигра 7 сезони во Милан, од 1999 до 2006, пред да напраи мега трансфер во Челзи, каде што буквално си ја упропасти кариерата.Неколку пати беше враќан на позајмици во Милан, надевајќи се дека ќе си ја врати својата форма, но безуспешно.Моментално игра за неговиот прв и домашен тим, Динамо Киев.

33 годишниот напаѓач, кој што промаши пенал во првото полувреме на натпреварот Украина - Англија, изјави дека кариерата можело да му биде многу поинаква.

"Имав можност да игра за Барса и за Манчестер кога имав 22 години, но го одбрав Милан.Со нив освоив се, од Лигата на Шампиони до Златната топка(Ballon d'Or).Се гордеам на својата кариера.Ништо не трае засекогаш, имам 33 години и размислувам да се откажам од фудбал.Барем ми се исполни желбата, да ги играм последните минути фудбал на теренот каде што ги изиграв првите" - изјави Шевченко за магазинот "Фокус"

"Вермален ме импресионираше, но Јунајтед ќе бидат шампиони" - Брајан Робсон

Легендата на Манчестер Јунајтед, Брајан Робсон е многу импресиониран од стоперот на Арсенал, Томас Вермален, велејќи дека е еден од најдобрите играчи сезонава, и посочувајќи дека Јунајтед сепак ќе ја освојат четвртата титула по ред.

Поранешниот менаџер на ВБА,Шефилд Јунајтед и Мидлзброу и моменталниот на националниот тим на Тајланд откако беше прашан кој играч најмногу го импресионирал сезонава, тој без размислување го кажа името на стоперот на Арсенал, Томас Вермален.

"Искочи од никаде, секоја чест за Венгер и за овој пронајдок, ќе стане еден од главните играчи на Арсенал во следните години."

"Ако бирам за некој од Јунајтед, тоа дефинитивно ќе биде Патрис Евра" - изјави Робсон.

Робсон истотака предвиде и дека Јунајтед ќе ја освојат титулата и оваа сезона, најмногу поради трансфер банот на Челзи и Африканскиот куп на Нации кој ќе се одигра во Јануари.

"Го гледам Јунајтед како едвај успева да им ја одземе титулата на Челзи, и тоа најмногу ќе биде поради трансфер банот кој го имаат и поради многу главни играчи кои ќе им фалат за време на Африканскиот куп на Нации." - заврши легендарниот играч на Ѓаволите.

Џони Еванс не отпатува за Чешка

Џони Еванс беше повлечен од составот на Северна Ирска, кој требаше да се соочи со Чешката репрезентација во квалификациите за СП 2010, поради повреда на зглобот на ногата.

Дефанзивецот на Манчестер Јунајтед, Џони Еванс станува осмиот играч што менаџерот на Северна Ирска, Најџел Вортингтон, го повлекува од составот.

Иако сеуште имаат мали шанси за обезбедување бараж место во 3тата група, Еванс не ќе биде таму да им помогне, и остана дома место да отпатува во Прага.21-годишниот се појави во изгубениот натпревар на Виндзор Парк против Словачка, што ќе остави Ирците со многу мали шанси за бараж.

Покрај Еванс, моментално се повредени Харгривс и Руни, додека пак Фостер,Рафаел,Обертан и ВДС се вратени во тимот на Сер Алекс.Сериозноста на повредата сеуште не е позната.

Руни повреден

Вејн Руни е повлечен од составот на Англија за натпреварот против Белорусија во среда поради повреда на мускулот на ногата.

Руни ги изигра сите 90 минути за Англија во поразот од 1-0 од Украина во Саботата и беше опишан како "неверојатен" од страна на Фабио Капело.Но, тој се врати во Манчестер поради повреда на мускулот на ногата, откако беше така советуван од медицинскиот тим на Англија.

Јунајтед се надеваат дека повредата не е многу сериозна бидејќи пред нив имаат тешка недела со натпревари против Болтон,ЦСКА Москва и Ливерпул.

"Националниот тим на Англија тренираа во неделата по натпреварот со Украина.Но, по извршениот преглед на неговата нога, Руни беше советуван да се врати во Манчестер." - изјави ФА на нејзината официјална страна.

Обертан и Рафаел стартуваат за Резервите!

Конечно ќе можеме да го видиме и младиот французин Габриел Обертан на терените.Одбран е во првите 11мина за Резервите во натпреварот против Олдхем во Манчестер Сениор купот.

Францускиот крилен играч го немаше 3 месеци поради повредата на 'рбетот но дефинитивно ќе почне во првите 11 на Оле Гунар Солскјаер за резервите и ќе ја почне неговата кариера како Ѓавол.

Рафаел да Силва истотака се врати по повредата на рамото поради која беше аут цела пред сезона.Тој ќе му се придружи на неговиот брат Фабио, Скот Вотон и Оливер Гил во одбраната.Бен Амос ќе биде голман.

Мети Џејмс,Сем Хјусон,Оливер Норвуд и Роби Бреди ќе бидат во средниот дел на теренот, на кој ќе биде придружен и Обертан како напаѓчки играч од средината.Фебиан Бренди ќе биде осамен во нападот.

Голманот кој е на проба од Порт Вејл, Даниел Лојд Вестон е на клупа заедно со Вилиам Кин,Магнус Еикрем и Џошуа Кинг.Натпреварот започнува во 20:00h а линкови за гледање ќе бидат најверојатно поставени во Четот.

Формација:

Amos

Rafael - Wotton - Gill - Fabio

M.James - S. Hewson - Norwood - R.Brady

Obertan

F.Brandy

Капело го повика Фостер

Селекторот на англиската репрезентација, Фабио Капело, го повика Бен Фостер за да го замени казнетиот Роберт Грин.

Роберт Грин е суспендиран со натпревар неиграње откако на мечот против Украина, направи фаул и беше исклучен со директен црвен картон по само неколку минути игра. Како негова замена, влезе голманот на Портсмут, ветеранот Дејвид Џејмс, кој ќе биде на списокот на Капело за следниот англиски натпревар, но Капело за следниот натпревар го повика и Бен Фостер, па останува да видиме дали ќе брани Џејмс или пак Фостер ќе го направи својот трет настап за репрезентацијата на Англија.

Англија успеа да се квалификува на светскиот шампионат во Јужна Африка во 2010, но сака да ги заврши квалификациите со победа на наредниот натпревар.

Агонијата на Обертан при крај

Габриел Обертан, новиот играч на Манчестер Јунајтед, конечно се очекува да стапне на фудбалските терени во црвениот дрес покасно овој месец.

Репрезентативецот на Франција под 21 година тренираше со првиот тим цела недела без никакви проблеми, откако се врати од повредата на 'рбетот.

Обертан потпиша 4 годишен договор за Јунајтед летово за сума од 3 милиони евра, но сеуште нема направено настап за тимот поради повредата.Поранешното крило на Бордо, почна да тренира на почетокот на минатата недела и Сер Алекс Фергусон се надева дека ќе може да смета на неговите услуги во следните 2 недели.

Обертан може да игра многу позиции, но иднината во Јунајтед му е најверојатно во крилната позиција.Ги помина неговите први 3 месеци во новиот тим на рехабилитација и ја пропушти турнеата во Азија на тимот.

Ван Гал требало да го замени Фергусон

Поранешниот менаџер на Аз Алкмар и моменталниот менаџер на Баерн Минхен, Луис Ван Гал откри во својата биографија која ја промовираше минатата недела, дека се согласил да го замени Сер Алекс Фергусон на менаџерската позиција во Јунајтед.

Но...

"Тоа се случи пред Светското првенство 2002 година.Бев во контакт со Јунајтед преку Питер Кенјон и тој ми кажа дека Сер Алекс сакал да се пензионира."

"Го очекував моментот кога тој ќе си замине и веднаш,истиот ден, јас да го заменам.Но на крај, сепак Сер Алекс не се откажа" - напиша Ван Гал во неговата автобиографија.

Во овој период, истотака се шпекулираше и за Свен Горан Ериксон како замена за САФ, кој тогаш ја однесе Англија во Светското првенство во Јапонија и Јужна Кореа.За неговата автобиографија, Ван Гал, беше критикуван и од легендата на Барселона и на бугарскиот фудбал, Христо Стоичков.

"Не се пензионирам сеуште" - Ван Дер Сар

Ветеранот на голот на Манчестер Јунајте сака да продолжи да игра.

Најстариот играч во Јунајтед, 38 годишниот Едвин Ван Дер Сар, ги негира шпекулациите дека на крајот на сезоната ќе ја заврши својата голманска кариера, изјавувајќи дека никогаш не кажал кога ќе ја завршува својата кариера.

"Никогаш не сум соопштил на ниеден медиум дека ќе се пензионирам на крајот од сезоната." - изјави за Manchester Evening News.

Истотака испрати порака до Фостер дека си го сака број 1 местото на голот на Јунајтед.

"Си го сакам назад моето место.Додека играв за резервите во Вторникот беше идеално бидејќи ми требаше изигран натпревар за да знам дека сум сигурен да продолжам да бранам за првиот тим." - изјави Едвин.

Тој исто имаше и пофални зборови за него и дека не треба да се грижи за неколкуте почетнички грешки.

"Бен го има карактерот да го преживее тоа што го помина.Тој е многу силен тип и имам големи симпатии за него." - заврши Ван Дер Сар.

Интернационални настапи [10-11.10.2009]

Дојде и оваа недела, каде што нема да имаме Премиер лигашки фудбал да гледаме, но затоа играчите ќе играат за своите земји и ќе пробат да се квалификуваат за Светското првенство 2010.

Играчите кои што не се повикани за репрезентациите се: Едвин Ван Дер Сар(повреда),Бен Фостер(повреда),Гери Невил,Пол Сколс,Рајан Гигс(пензиониран од интернационален фудбал),Овен Харгривс(повреда),Габриел Обертан(повреда),Дарен Флечер,Мајкл Овен(повреда) и Томаш Кушчак.

За оние репрезентации кои веќе се квалификувани, можат да експериментираат и да им дадат шанси на некои играчи кои што не играат често во првиот состав.

Нани ќе се надева дека ќе може да направи чудо за да и помогне на својата репрезнтација да ги победи следните 2 натпревари со што ќе имаат шанси да се квалификуваат за Светското првенство.Играат дома против Унгарија и Малта.

Патрис Евра ќе игра за Франција во натпреварите со Фарски острови и Австрија, додека пак Видич и Тошич се повикани за репрезентацијата на Србија за да играат против Романија и Литванија.

О'Шеј и Гибсон се повикани за двата решавачки натпревари на Ирска против Италија и Црна Гора неделава.Само 4 поени им требаат за да ги исфрлат Светските шампиони од Светското првенство.

Бербатов е повикан за репрезентацијата на Бугарија која очекува победи против Кипар и Џорџија.Антонио Валенсија истотака ќе игра за репрезентацијата на Еквадор, откако им помогна со гол во победата од 3-1 против Боливија, и тоа ќе играат против Уругвај и Чиле.Еванс ќе игра за репрезентацијата на Северна Ирска во последниот натпревар против Чешка во среда.

Руни,Фердинанд,Керик и Вес Браун се надеваат дека ќе го одржат 100% скор на Капело со натпреварите против Белорусија и Украина иако веќе се квалификуваа.Андерсон е повикан за репрезентацијата на Бразил но тешко дека ќе игра поради големиот избор на играчи кој го има селекторот Дунга и поради тоа што веќе се квалификувани за Светското првенство.Исто како и Андерсон, така и Парк, повикан но тешко дека ќе игра.

Eвра претчувствува..

Патрис Евра верува дека на Манчестер Јунајтед му е судено да се сретне со Реал Мадрид оваа година во ЛШ.

Двата клуба добро ја започнаа евро турнејата оваа сезона во ЛШ и по само два одиграни меча изгледаат како сериозни кандидати за пласирање во 1/8 финалните мечеви. Како и да е, ако Реал и Манчестер завршат на првите места во своите групи, системот на формирање на двојките нема да дозволи овие тима да се сретнат се до 1/4 финалето.

Но францускиот интернационалец Патрис Евра верува дека оваа сезона, Манчестер Јунајтед, кога и да е, ќе играат против Реал Мадрид. „Знам дека ќе играме со Реал Мадрид. Не ме прашувајте од каде ми е ова, инстинктот ми вели така, но сигурен сум дека ќе играме“, изјави Евра. Ако ова се оствари, тогаш 28 годишниот лев бек кој според многумина е најдобар во светот на својата позиција, ќе ја има неверојатната задача да го запре Кристијано Роналдо. Сепак, Евра, вели дека не е толку загрижен поради тој факт.

„Еднаш играв против него кога настапував во У21 репрезентацијата. Исто така, не заборавајте дека до пред неколку месеци секојдневно тренирав со него и против него. Знае и тој дека ќе биде многу тешко. Роналдо ми беше добар пријател и жално е што не` напушти, но во Јунајтед никој не е ѕвезда - самиот клуб е ѕвезда.“

Харгривс се надева дека конечно ќе завршат кошмарите

Овен Харгривс откри дека се двоумеше дали воопшто ќе може да се врати да игра фудбал повторно, по повредата на колената поради која ја пропушта целата мината сезона.

Кариерата на Харго беше во прашање откако во почетокот на 08/09 сезоната имаше сериозна повреда на едно од колената која потоа се влоши и мораше да оди кај специјалист за да може повторно да заигра фудбал.Англискиот репрезентативец сеуште се опоравува од повредата и се верува дека ќе се врати при крајот на месецов при што треба да се направат уште 2 операции.

Тој признава дека имало моменти кога се плашел дека никогаш нема да заигра повеќе, но сега е оптимист и едвај чека да се врати на терените за да помогне на Јунајтед во блиска иднина.

"Многу размислував за мојата кариера додека бев повреден и како ќе продолжам натаму.Но никогаш не ни помислував сериозно да се откажувам од фудбалот."

"Враќањето во Манчестер беше голем чекор.Сега е и многу полесно кога имаш соиграчи и луѓе од Јунајтед што те подржуваат и се со тебе.Се враќам за да дадам се од себе и да освојуваме титули.Не се враќам за еден натпревар или за еден ден, се враќам за да играм уште 7-8 години." - изјави во интервјуто од Manchester Evening News.

Млад голман на проба во Јунајтед

Младиот голман на второлигашот Порт Вејл, Даниел Лојд-Вестон ќе биде на проба со тимот една недела.

На 18 годишниот голман му е дадена проба во тимот од 2 натпревари со академијата, откако импресионираше неколку пати во тимот на Порт Вејл.

Лојд-Вестон, кој се врати на клупата на Порт Вејл бидејќи се врати првиот голман Џои Анјон, се надева дека ќе може да го импресионира Сер Алекс со настапите за академијата.

Се очекува да настапи натпреварите од Академската лига и Сениор купот во следните недели.