Сколс, Невил и Гигс ќе продолжат како тренери во Јунајтед

Кога Невил, Гигс и Сколс ќе ги завршат своите играчки кариери, ќе им биде понудено да останат во клубот како Солскер и да станат дел од тренерскиот тим на Јунајтед.


Сер Алекс изјави: „Тие се вистински легенди и идоли за младите фудбалери. Кога ќе ги завршат кариерите, ќе останат во клубот како тренери. Не смееме да си дозволиме такво искуство да ни се слизне од раце.“

Фергусон веќе најде замена за Рио и Вес, потпишувајќи со Крис Смолинг. „Секогаш кога купувам играч мислам за 2-3 сезони унапред, ги следам фудбалерите а Рио и Вес веќе имаат над 30 години а Немања често има кондициони проблеми. Крис Смолинг има огромен потенцијал за стопер а има само 20 години. Верувајте ми, за 2-3 сезони ќе биде незаменлива алка. Што се однесува до Диуф, потребно е да се истражат стотици напаѓачи и да се најде оној кој е способен да реши натпревар. Потоа со него се потпишува.“

Понатаму, Фергусон изјави дека Евра, О`Шеј и Флечер во иднина ќе бидат лидери во тимот. „Евра е лидер како на теренот така и во соблекувалната, понекогаш таму знае да им каже на играчите зборови со кои тие се мотивираат.“

Што се однесува до неговото пензионирање, кога му беше поставено тоа прашање, Фергусон рече: „Бев на лекар и моите здравствени резултати се како на тинејџер. Продолжуваме.“

Келн нудат 5 милиони за услугите на Тошиќ

Келн сакаат да ги осигураат услугите на Тошиќ пред почетокот на Светското првенство, на тоа укажува нивната понуда од 5 милиони евра за младиот србин.

Талентираниот србин беше на позајмица во германскиот тим од Јануари годинава и се изјасни дека сака да остане во Келн откако ги импресионираше сите во клубот.Се шпекулираше и понуда за повторна позајмица на србинот откако се сметаше дека ќесето со пари е скоро испразнето, поради парите дадени минатото лето за Лукас Подолски.

Но, според весникот Express, тие се спремни да понудат 4,3 милиони фунти (5 мил. евра) за услугите на Зоран.Истотака, тие се спремни да дадат 30% од (доколку го има) следниот трансфер на Тошиќ, заедно со секој интернационален настап или доколку донесе некој трофеј во кабинетот на Келн.

Суарез чека на понуда од Јунајтед

На Јунајтед утрово им беше соопштено дека Суарез единствено би прифатил напуштање на Ајакс доколку се работи за трансфер во црвената половина на Манчестер.

Според шпекулациите, Сер Алекс долго време го следи Уругвајскиот напаѓач Луис Суарез, кој постигна 35 гола за 33 натпревари за Ајакс сезонава.Менаџерот на Ајакс, Мартин Јол, изјави дека би сакал Суарез да остане, но вели дека не би можел да одбие примамлива понуда од Јунајтед - којашто според него би изнесувала околу 25 милиони фунти.

"Суарез е играч којшто Ајакс дефинитивно сакаат да го зачуваат во своите редови.Тој има огромен талент и даде многу голови за нас сезонава.Но, ако дојде некоја голема понуда за Суарез ќе мораме да ја разгледаме и да размислиме, тој е многу амбициозен играч" - пренесува DailyStar цитирајќи извор блиску до клубот.

Сер Алекс на интервјуто во петокот изјави дека е можно да се додаде уште еден напаѓач на Олд Трафорд летово и шпекулациите се повеќе растеа дека би направил понуда за аргентинецот Агуеро, но гласините велат дека сакал да се одлучи за поефтината варијанта - Луис Суарез.

Нов спонзор во Јунајтед

Конча и Торо, водечката Јужно Американска компанија за производство на сортни вина, во следните три години ќе биде официјален спонзор и вински партнер на клубот.


Винаријата ќе започне со дистрибуција на своите вина на Олд Трафорд од сезоната 2010/11. Посебно задоволство за оваа вест изрази и Сер Алекс: ,,Како Јунајтед, така и оваа компанија има историја, не се плашат од промени и секогаш се држат до своите корени. Сега ги обединивме двете најстрасни работи во Јужна Америка - фудбалот и виното''.

Задоволство изрази и маркетинг директорот на винаријата, Џанкарло Бјанкети.

Официјалната презентација на ова партнерство ќе биде одржана во Август.

The season, the happiness, the sorrow, the pride, THANK YOU

Да се направи рекапитулација на измината сезона и да се опфатат сите моменти е практично невозможно во еден пост. Но, кога сте RED DEVIL тој пост повеќе изгледа како слатко задоволство бидејќи имате на што да се гордеете, да се радувате и да се присетувате. Бидете горди на клубот, на историјата, на фановите, бидете горди што сте едни од привилегираните кои ја сознале убавината да се биде навивач на најголемиот фудбалски тим во светот.

Сезоната започна со помалку разочарување меѓу фановите на клубот. Ги изгубивме Тевез и Роналдо, а како замена беа донесени Валенсија и Овен што оправдано на почетокот предизвика мала скепса кај фановите на Јунајтед. Валенсија играч кој ретко кој очекуваше дека ќе има одлична прва сезона во Јунајтед, дека Овен ќе постигне неколку важни голови за клубот. Беше донесен и младиот Обертан како еден од најнадежните млади играчи од француската лига.

Гледано вака по крајот на сезоната може да се издвојат добрите и лошите страни кои влијаеја врз резултатите на клубот оваа година. Да го анализираме секој дел од екипата посебно.

Голмани

Слободно можам да кажам дека на оваа позиција бевме одлично покриени. Одличен прв голман и добри резервни голмани. Сите ја добија шансата. ВДС на највисоко ниво како и секогаш, Кушчак доста добро се покажа на натпреварите на кои доби шанса. Фостер доби шанса и повеќе од што требаше. Мое мислење е дека освен добриот осет да се сопре противничкиот шут другите аспекти од играта на Фостер треба сериозно да се подобрат. Прими неколку ефтини голови, ниска самодоверба, слаба координираност влијае на бледото издание на Фостер оваа година. Можам само да му посакам многу среќа и добри настапи во Бирмингем (само не со нас). ВДС е тука и се надевам Кушчак ќе остане и мислам дека треба да добива повеќе шанса другата година. За трет голман мислам дека Амос е добро решение.

Одбрана

Најмалерозниот дел од тимот. Многу повреди, кои повеќето во најлош момент. Сепак би издвоил неколку аспекти. Младите сили покажаа дека се развиваат во добра насока. Рафаел и Фабио за неколку години ќе бидат најдобри дефанзивни играчи во ПЛ, дефинитивно им треба повеќе искуство, но времето работи за нив. Позитивно ме изненади и Де Лает и мислам дека има иднина во клубот. Видиќ и Еванс мислам дека прераснуваат во добар одбрамбен пар, одлична сезона и за двајцата, се надевам помалку повреди на Видиќ во следната. Рио, кога не е повреден е еден од најдобрите играчи во одбраната во светот, ама штета што оваа година повеќе беше повреден отколку здрав. Хроничната повреда на грбот малку загрижува и мислам дека Еванс следната година ќе добива многу повеќе шанса во одбраната. Доаѓа Смолинг, играч кои искрено не ме импресионира до сега со игрите кои ги прикажува, ама штом Ферги го купи тогаш мора да видел нешто во него. Оваа одбрана е солидна и јас не би купил ниту едно ново име тука.

Среден ред

Некои ме импресионира, некои ме разочараа. Целиот начин на играта на средниот ред се трансформираше по заминувањето на Роналдо. На средниот ред му требаше лидер, играч со искуство кој ќе ја води играта. Таков немавме ама затоа тимската игра и дух беа движечката сила во овој дел од екипата. Флечер одигра фантастично, импресивен на секој меч, најдобар играч во средината и втор во тимот после Руни. За Валенсија погоре пишав дека изигра одлично и се надевам во иднина ќе увиди дек има и лева нога која исто така може некогаш да ја употреби. Старата гарда, Гигс и Сколс го дадоа потребното искуство и сигурност во тој дел од екипата и на последните дуели на клубот беа движечката сила на клубот. Злато вредни играчи кои ќе имаме привилегија да ги гледаме во нашиот дрес уште една сезона. Андерсон и Керик, најслабите алки во овој дел од тимот. Можеби Андерсон и малку немаше среќа со тешката повреди баш во тој момент кога почна да прикажува добри игри и конечно даде гол. Ефектот на Керик беше помалку од доволен. Позиционирњето, визијата на теренот едноставно ги немаше оваа година, делуваше изгубено на теренот, можеби првиот кандидат за заминуање од клубот. Парк повеќе добар во дефанзивните задачи отколку што понуди офанзивна опасност, играч со три белодробни крила, неуморен. Освен што продава многу дресови во Азија знае и да даде значаен придонес на играта. Нани ја започна сезоната многу лошо и заслужено доби 'одмор' на неколку натпревари, но затоа сум презадоволен од неговиот учинок во вториот дел од сезоната. Се нaдевам дека конечно созреа и дека игрите оваа сезона беа само загревање за уште подобри изданија идната година.

Ова е делот од екипата која дефинитивно ќе треба да се засили. Како можни засилувања н мојот список би биле Милнер, Силва, Гуркуф и Велосо. Би бил задоволен кога барем еден од овие играчи би дошол во клубот. Да не ги заборавиме и младите Гибсон и Клеверли, особено вториот кој мислам дека има добра иднина во клубот и е мојот фаворит за ново чудо од младинската школа.

Напад

Се потпираше на рамењата на еден човек. Лидерот, најдобриот играч во ПЛ, ВЕЈН РУНИ. Од мене има само едно големо благодарам за Руни за се што направи за клубот и сенадевам барем на еднакво успешна сезона за него на клупски план. Нема да трошам многу зборови на Руни и ќе се осврнам на останатите играчи. Бербатов, втора не баш сјајна сезона за него. Ниска самодоверба, лош финишинг и често незаинтересиран став за играта. Ферги изјави дека Берба останува во екипата. Тоа го изјави и за Саха за месец дена потоа да го продде на Евертон. Мислам дека Бербатов ќе добие уште една make or break сезона во клубот. Се надевам дека фудбалската интелигенција која ја има подобро ќе ја искористи. Диуф треба уште време да се докаже во клубот. Велбек исто така. Мислам дека треба и двајцата да бидат дадени на позајмица чисто заради фактот што имаме премногу играчи во овој дел од тимот и тоа би го спречило нивниот развој. Македа е иднината во нападот. Ги има сите карактеристики да успее, млад, брз играч со не баш лоша техника. Со правилно водство од клубот и помошта особено од Руни ќе го направат стартер во нападот за некоја година. Хернандез не би можел да го оценам од 5 клипа на Јутјуб. Ќе го гледам на пријателскиот меч со Англија и на СП па дури тогаш можеби ќе дадам некоја оценка за него.

Овој дел од клубот би го засилил само ако некој од Бербатов или Овен бидат продадени. Имаме спој на млади и искуство што мислам дека другата година ќе се покаже подобро од оваа. Нема потреба од panic buys зошто како што реков во еден претходен мој пост другото лето ќе имаме да пополниме повеќе дупки со пензионирањето на Гигс, Сколс, Невил и ВДС, па нема потреба сега да се расфрламе со пари на трансфер пазарот.

Како за крај едно големо БЛАГОДАРАМ за играчите, стручниот штаб, Ферги и навивачите. Оваа беше добра сезона која сигурно ќе му помогне на клубот да има уште подобра идна сезона и ќе ги направи играчите уште помотивирани за нови трофеи. Јунајтед е голем и во победите и во порзите, затоа честитки до Челзи за титулата и им ветувам уште попеколна идна сезона.

Морам да ги спомнам и RED ARMY MACEDONIA со кои поминав прекрасни моменти оваа година. Се надевам идната сезона повторно ќе имаме место каде ќе се собираме за заедничко гледање на натпреварите на Јунајтед.

GLORY, GLORY MAN UNITED

Бен Фостер се договори со Бирмингем

Бирмингем со договори со Манчестер Јунајтед за трансфер на Бен Фостер и ќе треба да плати 6 милиони фунти на управата на Јунајтед.

Двата тима разговарале преку викендот и најпрво 4 милиони ќе му бидат исплатени во готово на Јунајтед а останатото ќе биде исплатено на рати преку бројот на настапи на Фостер за тимот и за репрезентацијата.

Ова значи крај на фрустрирачки период за Бен Фостер кој имаше многу киксови на почетокот на сезоната кога го менуваше ван дер Сар и дури и самиот заклучи дека е вишок откако Јунајтед праќаше скаути да ги следат Иго Лорис и Мануел Нојер.

Во саботата, Фостер се збогуваше со другарите од Јунајтед во Керингтон и изјави дека се надева дека ќе биде прв избор за Бирмингем следната сезона.

САФ: Ќе се вратиме!

Манчестер Јунајтед го победи Стоук со 4:0 на последниот натпревар од ПЛ, но Челзи ја освои титулата по 3 години, откако ги победи Виган со 8:0.

„Не знаев колку е конечниот исход на мечот со Челзи се` до крајот, но на полувремето знаев дека титулата е веќе нивна. Им честитаме на Челзи, признаваме дека е заслужено да ја освоиш најтешката лига во светот. Му честитам и на Анчелоти, тој е прекрасен менаџер и добар пријател.“, изјави САФ. Но, веднаш потоа ги насочи мислите кон новата сезона.

„Ја освојувавме титулата минатите три години и беше супер, а оваа година завршивме втори. Играчите се фантастични и следната година ветувам борба за титулата до последно. Им благодариме на навивачите, следната година ќе се потрудиме да ја вратиме титулата на Олд Трафорд.“

Сезонско финале: Јунајтед v Стоук

Премиер лига, 38мо коло|Недела, 9 Мај 2010|Почеток: 17:00h

Стадион: Old Trafford, Manchester

До мене е или секоја сезона поминува се побргу и побргу?Ми се чини како вчера да беше денот кога се плашевме сите како ќе бидеме без Роналдо и Тевез во тимот и како Руни го даде победничкиот гол против Бирмингем.Не ми се верува дека е последниот натпревар сезонава.За разлика од последните 2 сезони, имаме помалце натпревари/натпреварувања за играње па сезонава за наутралците се чинеше дека е многу послободна за Јунајтед, но баш спротивното, тензиите се на највисокото ниво во ова последно коло.Титулата ќе се одлучува во последното коло, нешто што не беше случај минатата сезона, кога можевме на раат да си ги гледаме Македа,Велбек,Гибсон и Де Лает како играат против Хал.Сите ја знаеме ситуацијата, Челзи се еден поен пред нас, веќе не зависи од нас, зависи од тоа дали Виган ќе успее да извади бод или 3 на Челзи.Иако шансите се минимални, сигурен сум дека ќе пружат поголем отпор од што пружија Ливерпул.

Како и да е, за да можеме воопшто да размислуваме за создавање на ваков пресврт на настаните ни треба победа против Стоук.13ти на табелата со 44 бода и само 11 победи цела сезона(4 на гости), не би требало да ни преставуваат никаков проблем, не се борат за место во Европа,ниту за опстанок.Со двата голмани повредени, ќе им брани младиот Бегович, а минатиот натпревар успеаа да го победат Фулам со 0-1.Кај нас е потвредно дека Валенсија ќе биде отсутен на последниот натпревар сезоната, другите се повредени од поодамна.Рио изиграл половина час на меморијален натпревар за легендата Тони Кар, во дресот на Вест хем, така да би требало и тој да биде фит.

Можни состави:

VDS

Rafael - Rio - Vidic - Evra

Nani - Scholes - Fletcher - Giggs

Rooney - Berbatov

V

Fuller - Sidibe

Etherington - Delap - Whitehead - Whelan

Higginbotham - Huth - Shawcross - Wilkinson

Begovic

Мој тип:

Ние победуваме со сигурност, се зависи од резултатот на Стемфорд па би го типувал тој натпревар.Челзи имаат 1 победа од последните 5 натпревари во последниот ден, а 3 од нив завршиле 1-1.

Челзи 1 - 1 Виган :)))

Нов договор за Џони Еванс

Сер Алекс Фергусон потврди дека е потпишан нов 5 годишен договор со дефанзивецот Џони Еванс.

Договорот следеше како резултат од секој ден се поголемата важност на Еванс за Манчестер Јунајтед и неговите одлични игри во дресот на „Црвените Ѓаволи“. Сер Алекс изјави дека е постигнат договор со Џони и упати пофални зборови за него, велејќи дека се работи за извонреден дефанзивец кој заслужува да го носи дресот на Јунајтед.

Претходно, Еванс беше испраќан на позајмици во Сандерленд да се стекне со Премиерлигашко искуство.

Покажан излезот за Фостер

Англискиот голман, Бен Фостер, даде изјави со кои навестува дека сигурно ќе го напушти Манчестер Јунајтед летово со цел да ја оживее повторно неговата кариера која е во стенд бај 10тина месеци.

„Никој играч што играл во овој тим не посакал да го напушти и ако дојдете тука, сигурно нема да сакате да си одите. Но јас сакам да настапувам, не само да се влечам наоколу, така да, ако тимот посака да ме продаде, би си заминал без проблеми. Ако некој даде понуда и ја прифатат, нема да има реперкусии од моја страна.“, изјави Фостер.

Во врска со СП, Фостер додаде: „Нема шанси сега Капело да ме земе мене во составот кој ќе патува летово. И да ме одбере, нема да е фер со оглед на одличните перформанси на другите англиски голмани како што се Харт и Грин. “

Тројната круна за Руни

Во крунисување на неговата најдобра сезона, Вејн дома си замина со полни раце трофеи, меѓу кои се Сер Мат Безби трофејот за најдобар играч на сезоната, најдобар гол на сезоната и повторно најдобар играч, овојпат излгласан од своите соиграчи

Ова не е првпат за Руни да ја освојува најпрестижната награда на церемонијата, 2006 беше истотака голема сезона за него, но неспоредлива со оваа којашто завршува.34 гола во сите натпреварувања, во сезона во којашто имаше и доста повреди, се докажа како главна улога откако замина Роналдо и го замени него и неговите голови.Руни е првиот англичанец после Теди Шерингам којшто ја освоил оваа награда, и тоа со 83% од гласовите, со Патрис и Антонио на второто и третото место.За освојувањето на наградата Сер Мет Базби, Руни изјави:

"Пресреќен сум што ја освоив наградава.Специјално и неспоредливо е чувството кога ќе те изберат за најдобар, во било што, не само фудбалот, и навистина сум горд што играм тука.Фановите не следат секаде низ островото и Европа и плаќаат многу пари за да го прават тоа.Поддржката којашто ја имаме е неверојатно, ги имаме најдобрите фанови на светот."

"Ако играме дома и натпреварот не оди во наша полза и ни треба гол, фановите ни ја даваат потребната поддржка, којашто некогаш претставува клучна.Можеш да го почуствуваш тоа на теренот, кога ќе го слушнеш твоето име на усните на над 70000 фанови.Исто и на гости, секогаш се со нас, за мене нема подобри фанови во светот"

Доколку Вејн успее да ја освои уште еднаш оваа награда ќе биде вториот на кој што му успеало такво нешто, наследувајќи го Кристијано Роналдо кој освои во 2004,2007 и 2008.Оваа награда за него претставува персонален хет трик откако беше избран за најдобар играч според ПФА и според новинарите(FWA).Истотака, и вчера вечер тој освои хет трик од награди, и заедно со оваа ги придодаде и наградите за најдобар гол (против Арсенал на Олд Трафорд) и за најдобар играч според своите соиграчи.

"Бев малку изненаден кога слушнав дека освоив за гол на сезоната.Сметам дека победничкиот гол на Мајкл Овен требаше да освои.Но, сметам дека оној против Арсенал е најдобриот којшто го постигнав сезонава.Повеќето голови ми беа само како завршеток на акциите направени од останатите играчи, па добро беше да бидам и самиот инволвиран во една акција.Акцијата беше перфектна, бев преморен откако го постигнав голот" - призна Вејн.

"Секогаш е добро чувството кога ќе дадеш гол против тим како Арсенал.Дојде во вистинско време, да не крене на водство од 2-0 бидејќи тие почнаа да не притискаат."

Иако тешко би било Јунајтед да се закити со 4ти шампионски медал по ред, Руни вели дека е задоволен од својата сезона.

"2009/10 е дефинитивно мојата најдобра сезона во клубот.Играв добро и што е најважно цело време на ниво, дадов 34 гола.Дадов истотака многу голови со глава, коишто воопшто ги немаше пред оваа сезона и за тоа сум многу среќен.Секој гол е добар, но за мене е специјално кога ќе дадам со глава, знаејќи дека не сум највисокиот играч во тимот" - заврши Вејн.

Ричи де Лает - Најдобар играч од резервите за 09/10

По крунисувањето на Вил Кин со наградата најдобар млад играч за оваа сезона, во конкуренција од Магнус Еикрем и Оливер Гил, наградата за најдобар резервист ја доби белгиецот Ричи де Лает

Откако и на анкетата на manutd.com Ричи имаше убедлива предност, вчера на церемонијата тоа и се потврди.Покрај номинираните Магнус Еикрем и Оливер Гил, Ричи де Лает ја доби наградата за најдобар резервист, откако беше изгласан од Оле Гунар Солскјаер и останатиот персонал на резервниот тим.Ова е трета година по ред дефанзивец да ја освојува оваа награда, откако во 07/08 ја освои Ричард Екерсли а минатата сезона Џејмс Честер.Додека играа за резервите, некои од сегашните или поранешните првотимци на Јунајтед ја имаат освојувано оваа награда, како Џон О'Шеј,Дарен Флечер и Ники Бат.

Брзината,силата и редовната форма на де Лает во срцето на одбраната на резервниот тим му ги дадоа потребните гласови за да ја освои оваа награда.

"Ричи претставува фантастичен играч и се повеќе и повеќе се докажува откако го купивме од Стоук.Секој настап во првиот тим го има заслужено, може да игра на многу позиции, има добар шут и може да биде вистински лидер во тимот" - изјави Солскјаер за Ричи.

Откако во Јануари 2009 година дојде на позајмица во Јунајтед, уште во летото беше финализиран неговиот трансфер и му беше продолжен договорот до Јуни 2012.Беше импресивен во 6 настапи за првиот тим и успеа да се избори за дебитантски настап за Белгиската сениорска репрезентација.

"Нормално, многу сум среќен, имаме добра сезона.Двата трофеи, како и Сениорскиот куп на почетокот на сезоната претставуваат добар учинок.Што е следно?Ќе продолжам да давам се од себе во тренинзите.Сите во клубот си помагат меѓу себе, мора да ги следиш наредбите и да се надеваш дека ќе бидеш избран од Сер Алекс." - заврши Белгиецот.

Вил Кин - Најдобар млад играч за 09/10

На традиционалната церемонија на којашто се одбираат најдобриот млад,резервен и првотимски играч, заедно со најдобриот гол, првата награда и трофеј му припадна на 17 годишниот Вил Кин, кој ја освои наградата Jimmy Murphy, за најдобар млад играч на сезоната

17 годишниот англичанец ја освои наградата пред Скот Вотон и Ники Ахозе, за која гласаа сите коишто се во персоналот на академијата.Наградата го добила своето име според легендарниот асистент Џими Марфи на уште по легендарниот менаџер Сер Мет Базби.Директорот на академијата и поранешниот играч на Јунајтед, Брајан МекКлер, ја презернтираше наградата на Кин, потенцирајќи дека иако многу тимови пробуваат со пари да си ја создадат иднината, талентите сами си доаѓаат во Јунајтед.Нервозниот но пресреќен Кин, изјави дека за него ваква награда претставува престиж и дека е еден од најдобрите моменти во неговиот живот.

"Ова е фантастично, пресреќен сум.Навивам за Јунајтед цел живот, секогаш сум сонувал за ова, почесен сум со наградава" - изјави Вил.Денот неможеше да биде подобар за младиот Вил, откако неколку часа пред доделувањето на наградите го постигна победничкиот гол на победата од 2-0 на младиот состав на Јунајтед врз Евертон со што и академијата си ја осигура титулата, како што направија и резервите минатата недела.

13те гола на Кин во првата негова сезона во академијата на Манчестер, заедно со фантастичните all-round преформанси и пробивањето во резервниот состав покажува дека тој заслужено ја освои наградата.

"Вил е вистински талент, преформансите што ги прикажува докажуваат за тоа, сите што го гледале можат да го потврдат тоа.Навистина е фантастичен и постигна неколку фантастични гола за академијата и резервите, но неговиот однос на и надвор од теренот, заедно со тимската игра и харизма којашто ја поседува се неверојатни за 17 годишно момче." - изјави Пол МекГинис, еден од директорите на академијата.

Честитки до Вил, Пол и Ники, заедно со останатите коишто придонесоа за академијата на Јунајтед.