Руни во аут 3 недели, Сколс надвор 10-тина дена

Вејн Руни ќе биде во аут во следните 3 недели. Тоа го изјави Сер Алекс на денешната прес конференција пред натпреварот со Ваенсија од ЛШ.

По повредата здобиена на натпреварот со Болтон, Руни го пропушта утрешниот дуел со Валенсија и следниот натпревр на клубот во Премиер Лигата против екипата на Сандерленд.

''Руни најверојатно ќе биде аут 2-3 недели. Тој е силно момче и секогаш брзо заздравувал од повредите во минатото. Пол би требало да биде надвор од терените околу 10-тина дена.''

''Никој не сака да биде повреден. Знам дека Вејн гори од желба да игра за клубот, но за жал ќе биде спречен во тоа во следниот период'' - изјави Сер Алекс.

Ферги - Не чека тежок тест

Менаџерот на Јунајтед вели дека би било глупаво утрешниот меч со Валенсија да бие сметан како лесна задача за тимот.

Валенсија моментално е на првото место во Шпанија и нема домашен пораз на последните 11 натпревари, додека пак Јунајтед победил на само еден натпревар во последните 18 гостувања во Шпанија.

''Домашниот скор на Валенсија во Евро-куповите е доста добар. Би било глупаво тие да не ја добијат потребната почит. Шпанија отсекогаш имала екипа кои ги освојувале најсилните европски натпреварувања. Токму затоа е многу тешко да се на гостински терен против таквите екипи.'' - изјави Ферги.

Тој беше присутен на мечот кој Валенсија го одигра со Атлетико Мадрид минатата недела.

''Видов многу силен тим минатата недела. Очекуваме тежок меч, тие се први во групата и играат многу добро.''

Јунајтед во овој дуел влегува со еден поен на своето конто по ремито со Ренџерс, но менаџерот е убеден дека Јунајтед ќе се квалификува за нокаут фазата.

''Резултатот со Ренџерс беше разочарувачки, но сепак ние имаме уште 5 други натпревари во групата и треба тие да се искористат. Утрешниот меч е тежок, ама токму тие натпревари ја прават интересна Лигата на Шампиони - морате да играте со најсилните екипи од Италија, Шпанија и Германија. Тоа го прави ова натпреварување нешто посебно'' - заврши Ферги.

Right back...options, crticism, who's right?

Едно од главните оружја минатите сезони беше одбраната и сигурноста која таа ја даваше на целата екипа. Иако оваа година таа позиција во тимот до сега малку потфрли, сепак во овој пост би сакал да се осврнам на позицијата десен бек.

Секој фан на Јунајтед кој поблиску го следи тимот во последно време најчесто дебатира околу позицијата десен бек и слабостите кои помалку или повеќе влијаат на резултатите на клубот.

Најпрво, ќе започнам со сите опции кои ги имаме на располагање на таа позиција и нивното учество во тимот во досегашната сезона. Досега О'Шеј одигра 5 од вкупно 6-те натпревари во Премиер Лигата, а Џон го замени Невил на натпреварот со Евертон. Браун ги одигра (не баш најуспешно) двата Куп натпревари, а тоа значи дека останува уште еден играч кој воопшто не доби шанса во тој дел од тимот, а тоа е негова природна и преферирана позиција, а воедно и моментален фаворит меѓу навивачите за десен бек - Рафаел да Силва.

Досега Рафаел имаше само еден настап за тимот, но како лев бек, каде го замени неговиот брат Фабио кој тогаш беше повреден и со право секој ќе праша, дали доколку Фабио беше фит, Рафаел воопшто и ќе настапеше, бидејќи до сега наместо Евра во два наврати како лев бек играше токму Фабио. Најверојатно сликите од црвениот картон добиен со Баерн и наивноста која ја покажа Рафаел на тој натпревар се сеуште свежи кај Ферги и тренерскиот тим на Јунајтед.

Во овој дел сакам да направам мала анализа на играта на Рафаел и повторно да се навратам на некои негови грешки. Рафаел е десен бек кој има примарна задача да ги сопира налетите на крилата и да прави мали излети на противничката половина, а притоа да не заборави на дефанзивните задачи. Тој е млад, исклучително брз и талентиран играч кој секогаш играл онака како што ќе добие инструкции од Ферги. Иако понекогаш покажува мала незрелост во играта како оној фаул врз Белами од минатогодишното полуфинале во Карлинг купот, сепак тоа е резултат на неговите години и искуството кое допрва треба да го добие, секако со играње во првиот тим. Главна задача на еден десен бек е кога некој од противничките играчи ќе го мине тој веднаш да се врати и да помага на своите колеги од одбраната, за разлика од Рафаел кој тоа го сфаќа премногу лично и многу често добива жолти картони кога тоа се случува. Како и да е фановите сеуште многу го сакаат, а и јас спаѓам во тој процент. Ова се моите согледувања за неговите недостатоци кои со тек на време сум сигурен дека ќе ги надмине.

Ај сега да фрлиме ден look on the bright side. Сите знаеме и ги сакаме излетите на Рафаел на противничката половина, каде со неговата брзина и техника делува како крило, што е од особена корист при брзите контра-напади. Истото важи и за неговите игри во одбрана и стартовите кои ги прави што многу потсеќаат на оние на Сколс, што кога ќе бидат направени успешно изгледаат прекрасно. Повеќе од јасно е дека Рафаел има уште многу да учи, а тоа може да се случи само редовно играње во првиот тим, а Рафаел не игра токму затоа што тренерскиот тим смета дека треба да учи и токму вака се создава тој магичен круг од кој никој нема корист. Ако сакаме играчот позитивно да се развива и повторно да го видиме како дел од репрезентацијата на Бразил ќе мора да игра далеку повеќе и поредовно, инаку повторно на десната бековска позиција ќе ги гледаме О'Шеј, Браун и Невил, а доколку истите не се подобрат оваа сезона, желбите за да му се даде шанса на Рафаел ќе бидат се погласни и погласни.

Видиќ - Одбраната мора да се подобри

Немања Видиќ призна дека е загрижен по новите два гола кои клубот ги прими на гостувањето кај Болотон.

Иако Јунајтед замина со бод од Рибок стадионот, сепак загрижува играта во одбраната која сега има примено 9 гола на 6 натпревари.

''Да, загрижени сме. Минатите сезони не примавме многу. Секогаш игравме силно и не остававме многу простор на противничките играчи. Но, на последните неколку натпревари клубот прими гол на секој од нив, што е разочарувачко''

''Резултатите од саботата ни одеа во прилог, но не победивме вчера и ја пропуштивме шансата. Ова беше натпревар кој сакавме да го добиеме и доколку се споменеше реми пред почетокот воопшто немаше да прифатиме'' - изјави Видиќ за MUTV.

Керингтон со нов лик

Манчестер Јунајтед доби зелено светло за реновирање на Керингтон тренинг центарот кое ќе чини 11.5 милиони фунти.

Објектот ќе има вклучено и оддел за спортско истражување кое е окарактеризирано како 'да имаш сопствена медицинска лабораторија'.

Исто така во следните 3 години, колку што ќе трае целиот проект, Крингтон ќе добие нов фитнес и центар за рехабилитација на повредените играчи, нова просторија за прес-конференции и повеќе фудбалски терени за Академијата.

''Важно е да се има постојан напредок и визија како да се подобруваат работите'' - изјави Сер Алекс во врска со споменатото реновирање на тренинг центарот.

Фергусон се приклучува на кампањата за Сер Рајан Гигс

Сер Алекс призна дека би сакал Гигс да добие титула Сер исто како што ја има и тој.

„Рајан нема освоено само една награда досега иако верувам дека е само прашање на време кога тој ќе ја добие. Премногу би сакал да ја украсам листата на моите првотимци со Сер Рајан Гигс.“ - овие зборови ги напиша Фергусон во предговорот на новата книга на Рајан Гигс  со име „Мојот живот - мојата приказна“.

Сер Алекс напомена дека англискиот рагбист Клив Вудвард ја доби оваа награда со само три победи на СП2003 во рагби. „Не мислам да дискутирам за таа титула на Клив ни па да велам дека е не заслужена, но, по одиграни над 800 натпревари и поголем дел од нив натпревари со висок притисок мислам дека и Рајан заслужува вакво нешто.“, додаде Фергусон.

Рајан Гигс целата своја кариера ја има поминато во Манчестер Јунајтед и е играчот со најмногу титули во целата Премиерлига. Исто така тој е единствениот играч кој има 11 ПЛ титули и единствениот играч кој има играно и постигнато погодок во Премиерлигата од нејзиното формирање во новиот формат.

Фергусон не заборави да спомене и дека огромна желба му е Гери Невил, Сколс и Гигс да останат во тимот како тренери по завршувањето на нивните играчки кариери.

Де Лает на позајмица во Шефилд Јунајтед

Шефилд Јунајтед ја добија битката за да го позајмат одбрамбениот играч на Јунајтед, Ричи де Лает.

Де Лает ќе претставува големо засилување за одбраната на Шефилд и се очекува да го има своето деби како позајмен играч веќе денес против екипата на Лидс Јунајтед.

Ферги верува Де Лает може да стане ѕвезда во иднина, а времето минато на позајмица може само да влијае позитивно врз неговиот развој како играч.

Јунајтед го доби Вулверхемптон во 4-тата рунда од Карлинг купот

Денес беа извлечени двојките за 4-тата рунда на Карлинг Купот.

Јунајтед за противник го доби Вулверхемптон. Натпреварот ќе се одигра на 25 октомври на Олд Трафорд.

Останатите двојки се следните:

Newcastle v Arsenal
Birmingham v Brentford
Wigan v Swansea
Aston Villa v Burnley
Leicester v West Brom
West Ham v Stoke City
Ipswich v Northampton

Preview - Bolton vs. MANCHESTER UNITED

Следниот противник на Јунјатед е тимот на Болтон, со кој играме на Рибок стадионот во недела од 13.00 часот.

Своевидно локално дерби, можеби не толку за клубовите, колку за навивачите, главно поради блискоста на двата града.

БОЛТОН

Болтон е цврста екипа која преферира класичен островски фудбал. Високи топки, имаат силни играчи како во нападот така и во одбраната. Болтон ира добро на свој терен и секогаш мора сериозно да се влезе во натпреварот со нив.

Од клупските вести за Болтон би издвоил дека за овој меч се враќаат Јаскелаинен и Кевин Дејвис кој ја одлежаа суспензијата, а во нивниот тим ќе недостигаат подолго отсутните Енди О'Брајан, Џои О'Брајан и Шон Дејвис, додека Гери Кејхил е суспендиран за овој меч.

Од формациски аспект и играчите кои ги имаат Болтон на располагање во моментов за очекување е дека Овен Којл ќе игра нешто како дијамант, каде Холден ќе игра пред Муамба, а Петров и Ли ќе играат и како крила и ќе го затвораат просторот во средината кој ќе остане поради таа формација, а и ќе можат да помагаат на нивните бекови.

Јунајтед посебно внимание ќе мора да обрне на Кевин Дејвис од кого доаѓа најголемата опасност. Ќе мора да се запре и Мартин Петров кој добро додава и секако да се внимава и на Елмандер кој добро ја започна оваа сезона.

ЈУНАЈТЕД

Кај Јунајтед конечно пристигнаа малку добри вести, особено по веста дека Керик и Харгривс е вратија на тренинзи, а Андерсон и Фердинанд успешно го минаа фитнес тестот на натпреаврот за Резервите. Ова ни е трето гостување оваа сезона и се надевам конечно на прва победа во гости сезонава. Се надевам играчите ја научија лекцијата од Фулам и Евертон и дека такви грешки нема да гледаме во иднина.

Од клупските вести немаме нови повредени ниту казнети играчи. Формацијски мислам дека Ферги ќе се задржи на 4-4-2 формацијата иако знае да извади и формација 4-5-1 кога играме на гостински терен, сепак мислам дека тоа нема да го стори на овој меч.

Од тимската селекција, не би требало да има големи дилеми околу голманската позиција, во одбраната очекувам да играат Рафаел и Евра како бекови, и Видиќ и Еванс како централни дефанзивци. Сметам дека Рио ќе биде сочуван за тешкото гостување против Валенсија од ЛШ следната среда. Средниот ред би бил составен од Сколс и Флечер во централниот дел и Нани и Гигс по крилата. Му давам предност на Гигси пред Парк само заради тоа што Парк ќе биде и тоа како потребен на формацијата која ќе се игра во Шпанија, па мислам дека ќе влезе во игра со Болтон во случај на потреба. Нападот би требал да биде составен од Бербатов и Руни, кој сите очекуваме повторно да постигнува голови.

Од нашата формација и стилот на игра кој би можеле да го практикуваме, повторно се издвојуваат Сколс, Нани, Гигс и Бербатов, Пол и Берба за успешно поврзување на средниот ред и нападот, додека пак крилата мора да добиваат топки, да влегуваат во опасната зона крилно и да ги пласираат во срцето на шеснаесетникот, тактика која ни донесе 3 гола против Ливерпул минатото коло, посебно ако Болтон настапи со Стеинсон и Робинсон како странични бекови.

СОСТАВИ

Jaaskelainen

Steinsson Ricketts Knight Robinson

Muamba

Petrov Lee

Holden

Elmander Davies

Rooney Berbatov

Giggs Scholes Fletcher Nani

Evra Vidic Evans Rafael

VDS

Харгривс назад на тренинг

Овен Харгривс вчера се врати на тренинг со првиот тим со надеж дека ова ќе е последна повреда која го одалечува од терените.

Ферги во ексклузивно интервју за MUTV изјави: ''Овен Харгривс се врати во тимот и вчера имаше тренинг со остатокот на тимот. Делуваше доста добро. Дури и јас бев изненаден од тоа како изгледаше на тренингот.''

''Ќе трерба внимателно да го мониторираме Харгривс поради неговото долго отсуство. Сепак добро е да се види Овен назад со екипата. Гледајќи го вчера на тренинг, со неговата желба и залагање ќе имам вистинска 'главоболка' при селекцијата на играчи за првиот тим.'' - изјави Ферги за MUTV.

Исто така, на тренинг се врати и Мајкл Керик по залечувањето на неговата повреда.

Ферги: Клучни ќе бидат дуелите со Челзи

Ферги вели дека победникот на дуелите меѓу Јунајтед и Челзи ќе биде крунисан за шампион на Англија.

Ланската сезона Јунајтед заврши 1 поен зад Челзи во борбата за титулата, притоа губејќи ги двата меѓусебни дуели со нив. И покрај многуте засилувања на Сити и секогаш присутната закана од Арсенал, сепак Ферги смета дека и оваа година главниот збор за титулата ќе го имаат Јунајтед и Челзи.

'Премиер Лигата е многу тешка. Јас секогаш поблиску го следам тимот што ја освоил Лигата претходната сезона. На нас и на останатите е да играме и да ја одземеме титулата од нив. Челзи ја започнаа сезоната доста добро и ги метам за најголема опасност.'

'Најважните натпревари најверојтно ќе бидат оние на кои ќе играат двата клуба. Ланската сезона ги загубивме и двата меча од нив, што беше одлучувачко на крајот' - изјави Ферги.

Бебе: Ќе успеам во Јунајтед

Бебе треба да го има официјалното деби за првиот тим на Јунајтед на денешниот натпревар од Карлинг купот против екипата на Сканторп.

По трансферот кој го направи играчот во клубот тој досега го одигра само еден натпревар за Резервите на клубот минатата недела против Стокпорт. Тој денес најверојатно ќе го има своето деби за клубот, без разлика дали како дел од првите 11-мина или од клупата.

'Ќе успеам во клубот. Сер Алекс ми кажа дека е задоволен од мене и од досегашните мои залагања и сака да тренирам уште понапорно за да ја добијам мојата шанса и во првиот тим. Не знам кога ќе бидам целосно подготвен, сепак многу од тоа зависи и кога ќе бидам повикан да играм од страна на менаџерот.' - изјави Бебе.

Ферги: Карлинг купот е шанса за младите

Со многуте млади таленто кои клубот ги има во своите редови, патувањето кај Сканторп во Карлинг Купот ќе претставува 'главоболка' за Ферги.

Ова е шанса за сите млади и играчи кои не добија шанса до сега во натпреварувањето кое Јунајтед го освојува последователно во изминатите две години.

'Играв со многу млади играчи минатата година и сите тие се покажаа добро. Ист ќе биде случајот и утре кај Сканторп. Многу од младите играчи ќе добијат шанса. Бебе тренира одлично, ќе добие шанса на утрешниот натпревар. Истото важи и за Федерико Македа.'

'Карлинг купот е одлична шанса за играчите. Желбата за да се игра на Вембли и можноста да се освои пехар е голем поттик за младите играчи.' - изјави Ферги за MUTV.

Вејн Руни го тужи Daily Mirror

Вејн Руни покрена тужба против Daily Mirror поради тоа што медиумот објавуваше стории од неговиот приватен живот.

Вејн Руни не ги тужи Sunday Mirror и News of the world кои исто така на 5ти септември ја објавија веста за проститутката, туку ги тужи Daily Mirror за објавените приказни од приватниот живот недела дена подоцна. Тужбата која ја поднесува Руни е поради нарушување на приватноста.

Ова не е прва ваква тужба од англиските фудбалери кон англиските медиуми. Најпрвин Руни ги тужеше The Sun поради тоа што изјавија дека тој си резервирал одмор на Барбадос уште додека беше во ЈАР со репрезентацијата на Англија затоа што наводно сфатил дека Англија ќе биде исфрлена. 

Минатата недела Питер Крауч поднесе тужба против The Sun поради објавување вести дека неговата девојка е бремена. 

Ферги презадоволен од Бербатов

Бербатов во извонреден стил го одигра денешниот натпревар со Ливерпул, постигнувајќи го својот прв хет-трик за клубот, прв во натпреварите со лутиот ривал по 1964 година кое тогаш му успеа на Стен Пирсон.

'Дознав дека ова е прв хет-трик за клубот постигнат против Ливерпул по повеќе од 60 години. Тоа покажува какво одлично постигнување е тоа за играчот. Презадоволен сум од Бербатов, тој е во одлична форма ова сезона.'

'Бербатов беше на мета од страна на медиумите минатата сезона. Тоа секогаш се случува кога ќе потрошите поголема сума на пари на еден играч, а тој нема да постигнува по 3 гола на секој меч. Тоа им се случува на многу играчи. Оваа сезона Бербатов ја почна на вистински начин. Имаше добра пред-сезона и сега таа форма ја пренесува и во лигата. Никогаш не сум се сомневал во неговиот квалитет, тој секогаш бил тука. Тој тоа денес најдобро го потврди на теренот.'

'Кога некој играч ќе се обиде да направи 'ножички', најчесто тој обид завршува со неуспех. Но, денес тоа не беше случајот. Беше прекрасен обид и удар на Бербатов.' - изјави Ферги за MUTV и Sky Sports.

Сколс - Мораме да ги победиме Ливерпул

Пол Сколс вели дека победа против Ливерпул секогаш била неопходна и слатка, но би била многу послатка доколку се случи тоа денеска, најмногу поради не така добриот старт на сезоната на Јунајтед.

Јунајтед веќе изгубија "сигурни" бодови на Кревин Котиџ и Гудисон Парк, против Фулам односно Евертон но Сколс вели дека сега се спремни да се вратат во акција и да го добијат вистинскиот резултат против Ливерпул.

"Кога и да играме против Ливерпул е посебно.Ова е едно од најголемите дербиња во светот и двата тима даваат се од себе за да победат и мислам дека тоа никогаш нема да се смени.Баш поради секогаш чувството е специјално кога ќе ги победиме.Но, овој натпревар е поважен од многу други досега вакви средби, поради разочарувањата од минатите две недели каде што изгубивме 4 бода." - изјави Сколс за BBC Radio Manchester.

Видич е новиот капитен

Сер Алекс Фергусон изјави дека Немања Видич ќе биде новиот капитен на Јунајтед, заменувајќи го Рио Фердинанд, барем до крајот на оваа сезона, почнувајќи од утрешното дерби со Ливерпул

Претходно неделава, Фергусон изјави дека на Гери Невил му е одземена капитенската лента, и истотака дека и Рајан Гигс не би можел да го одбере за капитен поради тоа што му е потребен некој што може да игра секое коло.

Рио Фердинанд, кој ќе треба да се бори и за капитенската лента на Англија со Стивен Џерард, поради тоа што го пропушти светското првенство, очигледно ќе треба да почне да дава повеќе од просечни преформанси и на клубски план.Тој беше капитен на тимот којшто играше против Ренџерс, кадешто беа одморени голем број првотимци за дербито утре.

"Како што кажав и порано, потребен ни е играч којшто може да игра константно од коло во коло.Немања Видич е еден од тие играчи.Тој е фит поголемиот дел од сезоната и секогаш би се нашол во првиот тим, доколку не е повреден или го одмарам пред поважни натпревари.Ја започна сезоанта како капитен против Челзи, и така и ќе остане." - изјави Фергусон за MUTV.

Видиќ потпиша нов 4 годишен договор летово и досега ги започна сите 4 натпревари во Премиер лигата за Јунајтед.

"Ова е голем успех за мене.Неможе секој да се пофали дека е капитен на Манчестер Јунајтед и сум пресреќен што сум еден од тие.Ова е огромна одговорност за мене, што секогаш сум посакувал.Но, сите ги знаеме вистнските капитени на тимот, Гери Невил,Рио Фердинанд,Пол Сколс и Рајан Гигс.Тие се вистинските лидери, сите играчи пробуваат да одат под нивните стапки" - изјави 28 годишниот Видич.

Валенсија успешно опериран

Денес Манчестер Јунајтед потврди дека операцијата на зглобот на Антонио Валенсија поминала успешно.

Валенсија тешката повреда ја доби на мечот против Ренџерс од Лигата на Шампионите кога го дислоцира и скрши зглобот на левата нога. Се очекува играчот да паузира одреден период.

'Операцијата мина добро. Посебен метален диск беше вметнат за да се стабилизира скршеницата, како и тешкото оштетување на лигаментите како резултат на дислоцирањето што секако ќе го одалечи играчот од терените во добар дел од сезоната.

Антонио останува позитивен и одлучен околу целата оваа работа'. - изјави претставник на клубот за официјалниот клупски сајт.

Гери Невил не е повеќе капитен на Манчестер Јунајтед

На денешната прес-конференција, Сер Алекс изјави дека Гери нема повеќе да ја носи капитенската лента на Манчестер Јунајтед.

Гери ја наследи капитенската лента од Рој Кин во 2005та, но последните три сезона кариерата на Гери беше многупати прекинувана од повреди. Како што е редот, негов заменик е Рајан Гигс но Немања Видиќ ја носеше капитенската лента во саботата иако Гери беше во тимот.

„Гери се` уште е капитен на клубот на некој начин со неговото искуство и влијание, но, барав да е капитен некој што е константен. Последниве три години често капитенската лента шеташе помеѓу неколку играчи, но јас сакам да имаме константен капитен што ќе игра секоја недела. Ако тој беше константен ќе останеше капитен и ќе беше во саботата. Но морам да земам во предвид многу работи.“, изјави Сер Алекс.

Исто така додаде: „Со целосна почит кон Гери и неговото време во Јунајтед, тој знае и јас знам дека не игра секоја недела а јас барам некој што го прави тоа.“

Како голем фан на Јунајтед а воедно и играч, ова не беше баш лесно прифатена одлука од Гери, но сепак тој изјави: „Не можам да кажам дека ова не ме погодува но има и за мене поголеми приоритети од капитенската лента. И така не можев да бидам константен со настапите. Но јас ќе продолжам да го давам за Јунајтед мојот максимум. Една лента на раката не ја завршува мојата љубов.“

Харгривс се враќа во Манчестер за две недели

Овен Харгривс се враќа во Манчестер Јунајтед за две недели, но сеуште е непознаница кога тој ќе биде доволно фит за повторно да заигра.

Харго беше повторно вратен во специјалната клиника во САД каде се опоравуваше со помош на специјалистот Ричард Стедман, со надеж дека проблемите со колената конечно ќе исчезнат.

Ферги потврди дека за 14 дена играчот треба да се врати во клубот, но ни самиот тој не знае кога фитнесот на играчот ќе биде доволен за тој да го направи своето деби во оваа сезона.

'Овен има добар напредок и се надевам дека во следните две недели ќе го видиме назад во клубот. Но кога повторно ќе биде спремен да игра по неговото враќање? Тоа допрво ќе го дознаеме' - изјави Ферги.

Тој додаде дека различни критериуми влијаеле за Овен да биде дел од 25-те играчи кои ќе настапат во Премиер Лигата, но не и дел од тимот за групната фаза од Лигата на Шампиони.

'Не би било логично да го вметнам во составот кога тој сеуште не е вратен. Имаме право на измена во составот во јануари, па ако дотогаш е спремен ќе може да биде пријавен' - заврши Ферги.

О'Шеј со пофалби за Бебе

Џон О'Шеј верува дека новото засилување Бебе веќе почнал да покажува знаци на напредок на тренинзите. Џон признава дека не видел многу од него, но од последните неколку тренинзи во клубот смета дека е направен правилен избор.

Одбранбениот играч на Јунајтед ја даде следнава изјава за ESPN: 'Перформансите на сите тројца нови играчи во клубот се доста охрабрувачки. Бебе дојде пред неколку недели во клубот и немав доволно шанса да го гледам на тренинзите, но од тоа што можев да го видам се работи за квалитетен финишер'.

О'Шеј смета дека сите три засилувања имаат добра шанса да се појават во првиот тим оваа сезона.

'Сигурен сум дека тие се подготвени за настап во првиот тим, а менаџерот е убеден дека ќе ја добијат својата шанса' - заврши О'Шеј.

Гери Невил : Сега го мразам Сити повеќе од Ливерпул

Одбрамбениот играч, а воедно и капитен на Манчестер Јунајтед, Гери Невил изјави дека повеќе го мрази Сити него Ливерпул.


Невил кој е омилен кај фановите поради нескриената омраза кон Ливерпул, зборувајќи за дуелот помеѓу Јунајтед и Ливерпул на Олд Трафорд наредната недела посочи колку Сити го иритираат од кога почнаа да трошат голема сума на пари изминативе две години.

"Кога бев помлад немаше сомнеж околу тоа, бев фан на Јунајтед, но Ливерпул освојуваше многу трофеи. Тоа беше ужасен период за фановите на Јунајтед. Љубомора, омраза, страст кон својот омилен тим, едноставно не сакаш да гледаш како најголемиот ривал освојува трофеи."

Ривалството помеѓу Манчестер Јунајтед и Ливерпул се уште е големо и покрај фактот што Ливерпул изминативе две децении е далеку од успесите на Јунајтед.

Како и да е градскиот ривал Манчестер Сити покажува желба за висок пласман во Премиер лигата, но со купување на звучни имиња и трошење на многу пари, кое посебно го навлекува гневот на Невил и фановите на Јунајтед.

Исто така Невил прокоментира околу крајот на неговата професионална фудбалска кариера.
"Премногу сум емоционално поврзан со клубот. Не сум сигурен дека можам тоа да го направам, иако мислам дека Гигс и Сколс би можеле. Ќе бидам трпелив, не сум засега сигурен дека можам да ја завршам кариерата," заврши легендата на Јунајтед, кој се мачи со повреди изминативе неколку сезони.

Керик во аут 3 недели

Играчот од средниот ред на Јунајтед, Мајкл Керик ќе мора да паузира 3 недели поради повреда на ахиловата тетива.

Мајкл Керик во следните 3-4 недели ќе мора да одмора и да се опоравува од повредата. Со комплетирањето на тимот и со се помалку понови повреди клубот реши да го испрати Мајкл на специјалист за поточна дијагноза која за жал ќе го одалечи од терените одреден период.

'Тој има мал проблем со ахиловата тетива. Керик го имаше овој проблем во последните неколку недели и решивме да го пратиме на специјалист. Сметам дека ова е исправна одлука која целосно ќе му го реши проблемот на играчот, посебно што немаме нови повреди моментално' - изјави Ферги.

Уште еден играч кој нема да настапи во сабота е и Андерсон кој се здоби со мал удар во ногата и многу скоро треба да се врати во полн тренажен процес.

Менаџерот исто така изјави дека Рио е подготвен за игра и дека тој не играл на вчерашниот меч на Резервите против Стокпорт за да биде што е можно поспремен за следните 3 меча против Евертон, Ренџерс и Ливерпул кој се играат во временска рамка од 8 дена.

Подоцна во составот пристигнаа и Валенсија и Чичарито па најверојатно утре ќе бидат на клупата поради долгиот и исцрпувачки пат кој го имаа по нивните интернационални обврски.

За мечот со Евертон, Ферги го изјави следново: 'Ние сме во добра форма. Мечот со Фулам беше само трет за некои фудбалери кај нас, а мора да имате одиграно барем 5-6 натпревари за да влезете во форма', алудирајќи дека мечот со Евертон доаѓа малку подоцна кога играчите се поспремни отклоку на минатото гостување.

Мајкл Овен : ќе играм еден ден повторно за Англија

Напаѓачот на Манчестер Јунајтед, Мајкл Овен е убеден дека еден ден повторно ќе го облече дресот на Англиската репрезентација.




Фудбалерот на Манчестер Јунајтед, Мајкл Овен (30) не е повикан во репрезентацијата на Англија од селекторот Капело, уште од Март 2008та, но Овен кој досега има постигнато 40 голови за Англија, изјави :

"Имам 89 настапи за репрезентацијата, играв уште од мојата 18та година. Oдиграв на ниво последните две години, па се надевам дека еден ден повторно ќе заиграм за Англија, никогаш не се знае" додаде Овен.

Нани : го живеам сонот

Нани откри се околу неговата прва посета во соблекувалната на Јунајтед за весникот inside United.



"Дојдов со мој пријател во Манчестер и ги посетивме музејот и стадионот, се сеќавам кога влеговме во соблекувалната на играчите и восхитувајќи се гледавме каде седат Роналдо, Руни, Гигс", објаснува Нани за inside United.

"Седевме во соблекувалната и замислувавме какво би било чувството да сме дел од од неа еден ден ... и две години подоцна јас дојдов тука. Прекрасно се почувстував кога потпишав за Јунајтед".

"Животот овде е прекрасен, но за мене најважно е да можам да играм фудбал за Јунајтед и да имам шанса да освојувам трофеи за овој клуб", додаде Нани.

"Научив многу овде, постар сум, поискусен и имам повеќе самодоверба. Ова e моја четврта сезона во клубот и се осеќам како дома". заврши Нани.

Сколс избран за играч на месец август

Пол Сколс е овомесечниот најдобар играч на нашиот клуб, кој и повеќе од заслужено го доби ова признание.

Пол ја започна новата 2010/11 сезона како во најдобрите денови, водејќи го тимот до 2 победи и едно реми, постигнувајќи притоа 1 гол кој воедно му беше 150-ти во неговата кариера играјќи за клубот.

Сколс пружи одлични партии со Њукасл и Фулам, втората за жал не успеавме да ја победиме. Неговите асистенции и воедно целата игра беа од круцијално значење за перформансот на целиот тим изминатиот месец.

Пол исто така убедливо победи и на анкетата на официјалната страна каде собра пет од вкупно осумте илјади гласови, убедливо пласирајќи се на првото место пред Димитар Бербатов.

На Сколси му посакуваме уште многу вакви признанија во иднина.

Потврден составот за Лигата на Шампиони

Денес од клубот беа потврдени играчите кои ќе настапат за Јунајтед во овогодинешната групна фаза во Лигата на Шампиони.

Две од трите засилувања кои пристигнаа во клубот оваа година ќе играат во првата фаза. Тоа се Крис Смолинг и Хавиер Хернандез, но за жал Бебе не е меѓу оние играчи кои ќе направат деби во најсилното европско фудбалско натпреварување. Заедно со Бебе на списокот не се ставени имињата и на Ричи де Лает и Овен Харгривс, кои би можеле да бидат пријавени од февруари кога ќе започне втората нокаут фаза, секако доколку претходно успешно биде завршена првата.

Списокот од пријавени играчи се состои од 30 имиња кои ќе имаат право да настапат во Лигата на Шампионите од кои 24 играчи се од А, останатите 6 се од Б списокот.

Еве го полниот список на играчи кои се пријавени за настап: Ван дер Сар, Кушчак, Амос*, Невил, Евра, Џ. Еванс, Фердинанд, Браун, Смолинг, Видиќ, О'Шеј, Фабио*, Рафаел*, Гил*, Нани, Андерсон, Гигс, Парк, Керик, Сколс, Флечер, Валенсија, Гибсон, К. Еванс*, Бербатов, Руни, Хернандез, Овен, Обертан, Македа*.

*Играчи од Б списокот.

Кам-бек на Фердинанд

Рио Фердинанд го направи својот кам-бек на теренот по повредата која го одалечи од терените неколлку месеци.

Тој денеска настапи за Резервите на мечот против Олдам Атлетик. Ги одигра првите 45 минути од мечот и според извештаите за мечот тој се покажал доста добро.

На мечот исто така играше и Андерсон, за кого ова е втор меч после тешката повреда, одигрувајќи ги сите 90 минути со што покажува дека е на пат да достигне целосен фитнес во најскоро време.

Мечот заврши со победа на Резервите на Јунајтед од 2-1. Головите за нас ги постигнаа Македа и Ахосе.

Фергусон презадоволен од тимската игра

Сер Алекс Фергусон изјави дека победата на Јунајтед над Вест Хем со 3-0 беше окаректизирана со индивидуална совршеност, но најголема заслуга за победата имаше тимската игра.

 

„Покажавме одлична игра и нашиот посед врз топката беше добар, тимскиот перформанс ме воодушеви најмногу. Целиот тим ја "сакаше" топката, тие се движеа додаваа. Тоа беше добар, колективен перформанс“, изјави Фергусон.

Нани ја доби наградата за играч на натпреварот исто така и Алекс Фергусон беше задоволен од неговата игра на десната крилна позиција.

„Нани постигна прекрасен гол“, изјави Ферги. „Но сега се јавува мал проблем поради тоа што Нани преферира да игра на десната страна, а формата на Валенсија е одлична“.

Нани го постигна својот втор гол за Јунајтед оваа сезона, а воедно ја направи и третата асистенција, овој пат му асистираше на Бербатов. „Голот на Бербатов беше одличен, има фантастична техника беше главниот диригент во нападот. Придонесот на Димитар и Сколс нема да остане незабележан“, додаде Фергусон.

По 13 натпревари за Јунајтед и Англија, Вејн Руни конечно постигна гол, Фергусон и покрај таа статистика не беше загрижен, напротив тој гледаше на целосниот придонес на напаѓачот. „Одлично е тоа што Вејн постигна гол, но неговиот перформанс беше најважното за мене, едноставно уживаше во играта и беше полн со енергија. Задоволни сме од тимската игра, се отваравме  на работ на шеснаесетникот што доведе и до првиот гол. Тоа ни ја зголеми самодовербата. Иако почекавме за вториот гол, не престанавме да го играме нашиот фудбал. Како и да е ние заслуживме да победиме“, заврши Ферги. 

Group C - UNITED, Valencia, Rangers, Bursaspor

Денес во Монако беа извлечени групите за овогодинешното натпреварување во Лигата на Шампиони. Манчестер Јунајтед беше извлечен заедно со Валенсија, Ренџерс и Бурсаспор.

Валенсија - Првиот противник кој го добивме. Знаеме дека Валенсија поради финансиските потешкотии ги продадоа своите први ѕвезди ова лето. Не се истата екипа од лани, но од тоа што го покажаа во подготвителниот период слободно може да се каже дека нема да бидат лесен залак за ниедна екипа.

Ренџерс - Еден од противниците кои ги посакував. Секогаш натпреварите со нив биле прекрасни за гледање, огромна борба, адреналин. Ренџерс во последните неколку години создаде солидна екипа, која го истисна Селтик од врвот на шкотскиот фудбал и бележи добри резултати во Европа. Со нетрпение ги очекувам дуелите со нив.

Бурсаспор - Најнеатрактивното име од последниот шешир, но што е тука е. Шампиони на Турција, не смеат да се потценат. Ќе гостуваме сигурно на стадион на кој ќе има неверојатна атмосфера како и на секој турски стадион.

Се надевам на добри 6 меча во оваа група и секако да завршиме на првото место.Еве го и распоредот на натпреварите

Tue 14 Sep - Rangers| Home
Wed 29 Sep - Valencia| Away
Wed 20 Oct - Bursaspor| Home
Tue 2 Nov - Bursaspor| Away
Wed 24 Nov - Rangers| Away
Tue 7 Dec - Valencia| Home

Зачленување во MUSC

Во овој пост можете да ги разгледате начините на зачленување во првиот официјален македонски фан-клуб на Манчестер Јунајтед, MUSC Macedonia

Во MUSC Macedonia може да се зачлени секој граѓанин на Република Македонија кој е навивач на МАНЧЕСТЕР ЈУНАЈТЕД, кој ги прифаќа Статутот и Програмата за работа на Клубот на навивачи и доброволно пристапува кон истото.

Секое лице помладо од 16 години МОРА кон својата пристапница да приложи согласност од родител или старател или друг законски застапник.

За едно лице да стане полноправен член на MUSC Macedonia потребно е најпрво да пополни пристапница со своите лични податоци (истите нема да бидат јавно прикажани без согласност на членот). Пристапницата се добива по електронски пат т.е. секое заинтересирано лица испраќа бланко (празен) емаил на red_army_mkd@yahoo.com, и на неговиот маил потоа во вид на атачмент му се испраќа пристапницата која се принта и пополнува (на македонски јазик). Членувањето во MUSC Macedonia чини 300 ден. кои се плаќаат еднаш годишно, а првата година со самото зачленување. Во маилот со пристапницата добивате и упатства како да ја пополните уплатницата со членарината на жиро-сметката на Клубот на навивачи. Пополнетата пристапница и копијата од уплатницата ги испраќате во плико на адресата која ја добивате на маилот.

Доколку имате проблем при пополнувањето на уплатницата ве молиме да го замолите службеникот од банката за помош. Однапред благодарам.

Со добивањето на писмото вие станувате член на MUSC Macedonia.

Како член вие ги имате следните погодности:

- членска книшка
- активно учество во работата на MUSC Macedonia
- да бира и да биде биран/а во органите на Клубот на навивачи
- да присуствува на состаноците
- да биде информиран за собирањата за заеднико следење на натпреварите на МАНЧЕСТЕР ЈУНАЈТЕД
- Попуст на продукти од официјалниот фан шоп и на карти за натпреварите на клубот на кој MUSC Macedonia организирано ќе присуствува (штом Клубот на навивачи биде признаен како local supporters club)
- редовно да биде информиран за сите преземени активности од страна на MUSC Macedonia и др. погодности утврдени со Статутот

Изглед на членските карти

Јунајтед со последна понуда за Дефур

Долго-годишната потера на Сер Алекс за белгискиот репрезентативец во редовите на Стандард, Стивен Дефур продолжува и кон крајот на летниот период, со според англиските медиуми Фергусон ќе испрател уште една, а воедно и последна понуда за Дефур

Неколку клубови од Европа го следат белгискиот играч од средината, но според шпекулациите тој моментално е најблиску до трансфер на Олд Трафорд.Сер Алекс верува дека би можел да го добие за пониска цена со оглед на тоа што многу тимови веќе завршија со потрошувањето за овој трансфер период.

Дефур досега има изјавено неколку пати дека би сакал да направи трансфер во Англија, и состојбата во којашто се наоѓа Јунајтед поради повредите коишто веќе неколку години го влечат Харгривс, би можело да значи дека Јунајтед е сеуште во потрага по играч во средината.Англискиот Skysports изјавува од нивни извори дека Јунајтед ке испрател последна понуда за талентираниот Дефур.

Дефур имаше сериозна повреда на стапалото минатата сезона со што беше во аут неколку месеци, а Сер Алекс му имаше испратено писмо во коешто му посакуваше побрз напредок во совладувањето на повредата.

Писмото испратено од Сер Алекс кон Дефур и одговорот од Стандард

Preview: Fulham vs. Manchester United

Утре во 17 часот Јунајтед го игра мечот од второто коло од Премиер Лигата на гостински терен со Фулам.


Следи традиционално тешко гостување кое најчесто влијаело врз понатамошниот тек на сезоната за нас. Сепак е второ коло и многу рано за да би влијаел на нашата сезона, сепак ова ќе бидат многу важни 3 бода за нас, за зголемување на самодовербата, за држење чекор во врвот.

Билансот од последните две гостувања кај Фулам е доста непопуларен за нас. Посебно се свежи сеќавањата од ланската сезона кога загубивме убедливо со 3-0 главно поради десеткуваната одбрана. Ниту утре нема да биде полесно за нас. Ќе треба да го дадеме максимумот ако сакаме да извлечеме нешто од овој натпревар. Фулам ќе сака да продолжи со добрата традиција и сигурен сум дека доста мотивирано и самоуверено ќе влезат во овој дуел. Марк Хјуз пред се ќе сака добра дефанзивна 4-ка која ќе треба да се справи со Хернандез и Бербатов кој се надеваме дека ќе продолжи онаму каде што застана против Њукасл. Руни најверојатно нема ни да отпатува со тимот за Лондон поради стомачен вирус кој го добил пред натпреварот.

Главната закана по нашиот гол би требало да бидат Замора и Гера, играчи на кои ќе мораме да обрнеме посебно внимание и каде Видиќ и Еванс ќе мора да одиграат на ниво против нив. Од останатите team news за Фулам би издвоил уште дека можно е Муса Дембеле кој дпојде од АЗ Алкмар да го има своето деби. Шварцер е неизвесен, па може да го видиме резервниот голман Дејвид Стокдејл на голот, а се очекува Пол Кончески да го своето деби оваа сезона.

Кај нас работите се појасни. Мала неизвесност има за Евра, кој се здоби со мал удар на дуелот со Баркодовите, но се очекува да биде фит за утре. Фановите на нашиот клуб се надеваат на неколку работи -

1. Одбраната да одигра на потребното ниво
2.. Продолжување на добрите игри од минатонеделниот дуел
3. Деби гол на Хернандез

Очекувам да ги видам Хернандез и Бербатов во нападот, Во средниот ред очекувам да го видам горе-доле истиот од минатиот натпревар. Се надевам дека Сколс ќе изигра добро утре, бидејќи последните две години не може да се препознае себеси кога играме со овој противник на негов терен. Во одбраната би можело да има промена каде Рафаел би дошол на местото на О'Шеј, кој имаше слаб натпревар со Њукасл. ВДС е сигурен стартер.

Состави:

Schwarzer

Kelly Hangeland Hughes Pantsil

Duff Etuhu Murphy Davies

Zamora Gera


Hernandez Berbatov

Nani Scholes Fletcher Valencia

Evra Vidic Evans Rafael

VDS

Да ве потсетам дека членските книшки од првата тура се готови и утре на заедничкото следење на мечот ќе бидат поделени на оние членови кои ќе присуствуваат.

New signings...no value...crazy market

Во овој пост би сакал да издвојам неколку зборови околу трнфер пазарот, новите засилувања, клупската политика, трансфер метите...

На 1 јуни кога всушност и започна трансфер периодот голем дел од фановите бараа нови засилувања, некои заради тоа што завршивме втори во лигата, други зошто мислеа дека само така т.е. со големи засилувања може да се врати малку загубента гордост од минатата сезона. Повеќето нивните надежи за некои мега трансфери ги темелеа верувајќи дека клубот ги има оние 80 милиони фунти од продажбата на Роналдо или барем дел од нив. Јас одговорно тврдам дека тие пари ние никогаш нема да ги видиме бидејќи веќе се потрошени за исплата на камати поради задолженоста на клубот.

Трансфер периодот за нашиот клуб редовно во последно време имаше неколку random ситуации кои не не избегнуваа. Првата беше дека ќе имаме трансфер сага за заминување на некој наш играч (во Реал нормално), трансфер мети чие пристигнување нема да се знае се до 31 август и мал милион шпекулации околу нови играчи.

Секој фан кој малку подолго го прати клубот и неговата трансфер политика ќе забележи дека во последните години има отстапки од горенаведените примери. Последните неколку трансфери буквално дојдоа многу изненадно т.е. поентата ми е дека ние фановите бевме изненадени бидејќи се носеа играчи со кои најмалку или воопшто не бевме поврзувани, играчи за кои англискиот печат воопшто и не беше запознаен, а сепак дојдоа кај нас. Последен играч кои со кој медиумите беа запознаени и на големо шпекулираа дека би можел да ни се придружи е Антонио Валенсија. Останатите играчи потоа кои дојдоа во клубот беа помалку неочекувани т.е. не се создаде некоја голема попмпа околу нивниот можен трансфер.

Примeрот со Овен, сабајлето излезе шпекулација дека би можел да ни се придружи, за до вечерта manutd.com да го потврди истиот. Нани и Андерсон беа донесени во ист ден без притоа да видиме некои посериозни шпекулации. Обертан исто така, само неколку дена имаше некои шпекулации и тој пристигна. Истото важи и за овогодинешните 3 засилувања. Буквално не прочитавме ништо во медиумите пред тие да станат наши играчи.

Токму следниот дел од постот ќе го посветам на овогодинешниот трансфер пaзар во клубот. Мое лично мислење е дека помина доста успешно кога ќе се земат сите фактори на број и моето мислење ќе го образложам. Најпрво важно беше да се сопрат сите можни шпекулации за наши играчи кои би го напуштиле клубот. Јунајтед го направи вистинскиот потег, Видиќ го продолжи договорот и ја доби платата која ја заслужува, Руни стави потпис на нов договор, беше осигурано останувањето на старата гарда на уште една година. Од овој аспект клубот изигра добро и јас немам никаква замерка.

Второ, требаше да се направи добар баланс на екипата особено со воведувањето на новото правило за состав од 25 играчи со дополнителните услови за кои сум сигурен дека сте запознаени. Некои играчи требаше да бидат продадени, некои да бидат испратени на позајмици. Според мене продажбата на Фостер беше правилен избор, сумата од 6 милиони фунти е сосема солидна, имаме двајца одлични голмани во ВДС и Кушчак и добра 3-та замена во младиот Амос. Тошиќ иако можеби не доби вистинска шанса сепак земавме добри 9 милиони фунти за него, а и ги имаме Нани, Обертан, сега и Бебе, Гигс и по потреба Клеверли и Парк кои би можеле да играат по таа позиција. Би ги издвоил младите Велбек, Кинг, Џејмс кои се на позајмица и тоа првиот во солиден премиерлигаш, а другите двајца во екипа каде би можеле вистински да се развијат во играчи кои сите се надеваме дека ќе ги видиме. Младиот Клеверли на мое големо задоволство ќе добие шанса да се бори за место во тимот, исто така и Македа кој се надевам ќе покаже дека може сериозно да се смета на него. И тука клупската политика се покажа добра.

Новите засилувања. Ако посериозно ја проанализираме ланската сезона ќе видиме зошто токму Ферги се одлучи за овие засилувања, и тоа по едно во одбраната, средниот ред и нападот. Ќе почнам со одбраната. Лани имавме многу повреди во овој дел, на натпреварот со Фулам, Де Лает и Флечер беа централни бекови, се е тука јасно. Незгодната повреда на Рио за жал сеуште е присутна и загрижувачка. Токму затоа Ферги мораше да се осигура тоа да не се случи оваа година. Одбраната дополнително ја засили со Крис Смолинг. Со тоа добивме уште една опција во одбраната која би спречила да се случат ситуации како ланските. Крис е добар млад играч кој со тек на време ќе прерасне во играч на кој сериозно ќе сметаме во одбраната. Ни требаше таков тип на играч и клубот донесе таков проспект на играч. Нема зошто да не бидеме задоволни од трансфер политиката во овој дел од тимот.

Нападот. Тука повеќе од јасно беше дека нападот (па и целиот тим) беше и презависен од Руни. Овен е склон кон повреди, Македа е сеуште млад, а Бербатов некогаш брилијира, а некогаш се губи на теренот. Јасно беше дека ќе треба играч кој ќе му го олесни товарот на Руни, па и на Бербатов (во отсуство на Руни). По донесувањето на Хернандез и после игрите на Светското и во нашиот дрес досега би се обложил дека преку 90% од нашите фанови се задоволни од него (барем до сега) и не би сакале да видат друг напаѓач на негово место, или мaтематички прикажано Хернандез>Бензема како најсериозна шпекулација за овој дел од тимот. Мое мислење е дека конечно нападот е оформен одлично и головите би требало да доаѓаат во поголем дел и да бидат порамномерно распределени помеу напаѓачите. Mission successfully completed и тука.

Среден ред. Намерно го оставив овој дел на крајот. Средниот ред е токму најозборуваниот и дел кадешто фановите бараа и се надеваа на некое мега засилување, а поочајните на било какво засилување. Централниот дел од средината од многумина се карактеризира како најслабата алка во моменталниот состав. На изненадување на сите беше донесен анонимниот Бебе, кој игра како крило. Цената можеби е малку висока за играч кој само 5 недели играл во клуб од првата португалска лига, но Ферги мора да верува многу во неговите скаути од тој дел на Европа и на Карлос Квеироз по чија препорака играчот е тука. Но, да не заборавиме дека овој играч има многу талент или како што англичаните би рекле raw talent. Тоа би значело дека играчот е сеуште во рана фаза на својот развој и дека освен можноста да игра како крило Бебе може да се прилагоди и на позицијата офанзивен играч од средината, или позицијата за која мислиме дека треба да се засили. Со добар распоред на тренинзи, со одлични тренери тоа не би требало да биде претешко да се оствари. Дајте му шанса на играчот, јутјуб клипови и фудбал менаџер се оскудни извори за оцена на некој играч и неговите квалитети.

А за играчи како Озил и останати ѕвезди немојте да жалите ни најмалку. Сакате такви играчи да имаат 2 добри сезони кај нас, по после да почнат да кокетираат со Реал Мадрид или Барселона и да прават се за да добијат трансфер? Јас не сакам. I'd rather give Bebe a chance.

BELIEVE

Македа не си оди никаде

Сер Алекс Фергусон изјави дека напаѓачот Федерико Македа не си оди никаде, дури ни на позајмица.

„Тој е еден од играчите на кои мораме да сметаме наредната сезона. Арогантен е и надуен, на тренинзи постојано се расправа со другите играчи и го брани своето его. Но тој има само 18 години а ние цело време го забораваме тоа. Цврст е и со исклучителен талент.

Со тек на времето станува се` подобар и подобар. Чезаре Прандели постојано комуницира со нашиот тренерски состав во врска со неговиот развој и е свесен за неговите можности. Нема шанси тој да си замине некаде, останува тука да го гледаме“, изјави Фергусон.

The journey begins...

Конечно после долги 3 месеци клупскиот фудбал се враќа на сцена, започна Премиер Лигата, најинтересното и највозбудливото национално првенство во светот. А со тоа започнува патот и јуришот на нашиот Манчестер Јунајтед по титулите пред се во домашното првенство и по европската круна.

ПРЕДСЕЗОНА

Ниеден тим со амбиции како нашите не може ни да замисли да биде конкурентен на ниеден фронт без добра подготовка и неколку добри мечеви под низвните нозе. Глобалната популарност на клубот и огромниот број на фанови претставуваат значаен дел од имиџот на клубот. Оваа година главниот дел од пред-сезоната се одржа во САД, притоа одигрувајќи 5 натпревари со Селтик (3-1), Филаделфија (1-0), Канзас Сити (1-2), MLS All Stars (5-2) и натпреварот со Чивас (2-3) во Мексико. Последен натпревар од подготовителниот натпревар беше одигран со најдобрите играчи од ирската премиер лига (7-1).

Резултатите во овој дел од подготовките за мене беа неважни, напротив воигрувањето, фитнесот, кондицијата беа аспектите кои беа посакувани да се темпираат за стартот на сезоната. Иако без главните ѕвезди кои настапија на Светското, Јунајтед покажа дека младинците заедно со останатите играчи од тимот се доволно добри достојно да го престстават клубот. Се направија многу комбинации и претумбации на составот се со цел да се најде вистинската формација. Се одиграа мечеви, со повеќе или помалку солидни противници, од кои некои дадоа сериозен отпор па дури нашите играчи доживеаја 2 порази. Се на се добра пред-сезона кои играчите ги врати во натпреварувачка форма, се доби подобра слика за тимот и шанса за младите да се изборат за место во тимот.

ТИМОТ

ГОЛМАНИ

Дел од тимот од кој јас сум задоволен и мислам дека не би требало да имаме проблеми тука. ВДС покажува дека и покрај годините сеуште изгледа доста свежо, подвижно, добри рефлекси и прикажа добри игри во пред-сезоната. Иако најави дека ќе се пензионира во Јуни, сепак не ми би ме изненадило ако го продолжи договорот на уште една дополнителна година. Кушчак, одлична замена за ВДС, секогаш се труди кога е во тимот, посебно ме радува што е решен да се бори за местото бр. 1 со Едвин. Секогаш имам доверба и не сум премногу нервозен кога Томаш е на голот. Се надевам дека ќе добие повеќе шанса оваа година посебно во ФА и Карлинг купот. Амос, по продажбата на Фостер и на младите Хитон и Зилер беше јасно дека младиот Бен Амос ќе ја преземе улогата на трет голман во клубот. Се работи за голман на репрезентацијата на Англија под 21 година кој беше на позајмица во Норвешка и сега конечно се врати во матичниот клуб, каде се надевам ќе се покаже и ќе докаже дека во крајна нужда клубот ќе може сериозно да смета на неговите услуги на голот.

ОДБРАНА

Најмалерозниот дел од екипата лани. Оваа година се надевам дека ќе поминеме подобро со повредите (искрено полошо од лани и не би можело). Рафаел, одличен млад играч, десен бек кој секој натпревар за клубот го игра се подобро и подобро. Можеби му фали малку искуство, но мислам дека оваа сезона ќе добие далеку повеќе време во игра од лани и се надевам дека сериозно ќе се наметне кај Ферги за десната бековска позиција. Фабио, конечно Евра доби квалитетна замена по таа позиција. Верувам дека ова момче е наследникот на Патрис, учи од најдобриот, се наоѓа во клуб кој го цени и кај кои ги има сите услови да успее. Се надевам ќе го гледам почесто како дел од првиот тим на клубот. Видиќ, столбот и срцето на одбраната. Не би трошел премногу зборови на него, туку само ќе му посакам успешна сезона. со што помалку повреди и да продолжи со неговите игри во клубот како до сега. Фердинанд, хроничната повреда кај овој играч е нешто за што треба да сме загрижени. Кога тој е здрав е еден од најдобрите дефанзивци во ПЛ и светот. Му посакувам брзо опоравување од повредата и едвај чекам повторно да го видам партнерството Вида-Рио. Еванс, одличен млад дефанзивец, дефинитивно ќе добие голема минутажа оваа година и сигурен сум дека ќе ја оправда довербата. Формираат добра двојка со Видиќ. Смолинг, едно од новите засилувања оваа година, висок, добра подвижност, одлично игра со глава. Млад дефанзивец, кој се уште има многу да учи, но талентот и желбата се тука, а времето работи за него. Се наоѓа во вистинскиот клуб и верувам дека ќе прерасне во солиден играч од кој ќе гледаме многу одлични изданија во нашиот дрес. О'Шеј, играчот кој игра на буквално сите места во одбранта, злато вреден играч со големо искуство. Се надевам нема да има посериозни повреди ова сезона и ќе го даде придонесот за екипата кakо секогаш до сега. Невил, капитену што побрзо врати се во тимот, твојот дух и харизма се и тоа како потребни во соблекувалната. Можеби нема да го гледаме многу на теренот, ама сигурен сум дека кога ќе игра тоа ќе го прави во негов стил, со многу жар и борба на секој дел од теренот. Браун и Де Лает, играчи кои очекувам да прикажат солидни игри кога ќе добијат шанса од Ферги.

СРЕДЕН РЕД

Најозборуваниот дел од тимот минатата сезона, а и на почетокот на оваа. Минатата сезона имавме многу претумбации во средината, оваа година очекувам поголема воиграност и добро искористување на искуството од лани како играчите би покажале дека и покрај сите скептици и нивните верувања и критики оваа сезона токму средниот ред ќе биде главниот мотор на екипата. Сколс, легендата на клубот, како и досега голем дел од товарот ќе падне на него. Верувам дека и покрај годините и оваа година ќе биде лидер на другите играчи и пример за младите. Во отсуство на неколку играчи очекувам да игра во прваат постава. Гигс, што да се каже за овој играч, а не е веќе кажано. Верувам дека оваа сезона ќе гледаме многу асистенции, голови и добри игри кога ќе игра. Флечер, момчето кое за кратко време стана миленик на секој навивач на Јунајтед. Неговата борбеност, стил на игра, пожртвуваноста го прави еден од најбрите играчи од средниот ред во Премиер Лигата. Keep on the good work lad! Валенсија, еден од моите омилени играчи во клубот. Секогаш се труди да даде максимум, трча, се враќа да помогне на одбраната, од неговите асистенции ќе зависат многу работи оваа година. Нани, се надевам ќе ја покаже зрелоста од лани и дека конечно ќе блесне со целиот сјај. Од него очекувам 10+ голови во ПЛ и добар дел од асистенциите. Парк, неуморната машина од средината кој секогаш го дава максимумот ама баш во секоја прилика која ја има. Благодарен играч со борбеност на која многу други играчи можат да и позавидат, очекувам повторување на добрите сезони кој овој играч ги одигра за клубот. Керик, дефинитивно make or break сезона за него. Ако ги повтори слабите игри од лани не му бега трансфер во јуни. Играта од Комјунити Шилдот дава надеж дека може да ја врати формата од пред 2 сезони. Гибсон, ќе добие повеќе шанса од лани, се надевам ќе видиме уште некоја бомба од него годинава. Според мене ќе треба да покаже малку повеќе од лани и се надевам дека ќе има напредок. Обертан, од дечкото очекувам многу оваа година, периодот на адаптација мислам дека е завршен и дека годинава ќе покаже дел од раскошниот талент и техника кои ги поседува. Имаше добра пред-сезона, се надевам таа форма ќе ја видиме и во лигата. Клеверли, слободно можам да кажам мојот омилен млад играч во клубот (заедно со близнаците). Изигра одлично во Вотфорд лани кога беше позајмен, може да игра и централно и на левото крило, постигнува голови, завидна техника. Ова се само дел од причините зошто Ферги го задржа во тимот, наместо да го позајми како што многу очекуваа. Андерсон, кога ќе се врати на теренот ќе биде буквално како ново засилувањ за екипата. Може многу да понуди, јас сега за сега само му пожелувам што побрзо враќање во тимот. Бебе, трансфер кој морам да кажам дека дојде неочекувано во овој трансфер период. Искрено никогаш пред ова немав слушнато за овој играч. Има интересна животна приказна до сега, се надевам ќе биде уште поинтересна и исполнета со успеси кај нас. Не можам да кажам нешто повеќе за него, ќе почекам прво да го видам на теренот пред да дадам било каква оцена за него. Засега ќе го кажам само очигледното. Се работи за млад, цврст, одлично граден играч, со одлична брзина и по се изгледа солидна техника.

На крајот, на Харгривс му порачуавм да истрае во овие тешки моменти за него и да не се откаже. Тешко дека некогаш ќе го видиме стариот Харго, ама наше е да веруваме дека барем повторно ќе го видиме во како дел од тимот.

НАПАД

Лани скоро целиот товар падна врз Руни и како никогаш до сега покажа дека е лидерот на теренот и дека игра со целото свое срце и душа на теренот. Сигурен дека ќе го надмине лошиот период од Светското и дека ќе продолжи таму каде што застана лани. Бербатов, трпението на сите со него ни е пред сам крај. Како и да е, колку фановите и да се скептични сепак тие потполно го подржуваат и се надеваат дека ќе ги покаже игрите од Тотенхем. Мора да покаже поголема желба и мотивираност и дефинитивно да постигне повеќе голови сезонава. Хернандез, играч кои фановите веднаш го засакаа и стана миленик на фановите. Млад, брз, експлозивен играч од кој се очекува многу оваа година. Се надевам ќе стане голем играч кај нас и ќе го носи црвениот дрес уште многу години и секако да биде добра подршка за Руни во нападот. Овен, се врати по тешката повреда, напорно тренираше и на мое големо задоволство е спремен за новата сезона. Еден од најдобрите финишери во лигата со чие искуство ќе биде драгоцено. Македа, ова може да биде година кога Федерико ќе покаже дека е играч за иднината на кој и тоа како можат да сметаат во клубот. Добра пред-сезона за него, постигна убави голови. Шансата повеќе ќе ја бара во Карлинг и ФА Купот и сигурен сум дека и Ферги е свесен дека клучно за неговиот развој е што повеќе да игра за клубот и дека тој ќе ја добие таа шанса.

Им посакувам многу среќа и добри игри на сите играчи испратени на позајмици, добра сезона на Резервите и Академијата.

RED ARMY MACEDONIA

Како и лани, така и оваа година организаираното следење на мечевите на Јунајтед продолжува, сега на ново место. Очекувам уште поголем број на наши фанови да присуствуваат на собиранките. Оваа сезона настапуваме поорганизирано, со нови реквизити, Здружение на граѓани и се надевам ќе имаме уште поголеми успеси од лани. Клубот има прекрасни навивачи во Македонија, ми претставува задоволство што познавам голем дел од нив и што се дружиме сите заедно.

За крај нема да завршам со некоја од познатите Glory, GLory Man United или Love United, Hate Glazer, кои нели секако се подразбираат, туку тоа ќе биде со еден цитат на Сер Мет Базби кој мислам дека многу добро се вклопува во моменталната ситуација на клубот:

...You're gonna do us all proud. When you put on those red shirts just remember, you can do it, you can win this thing. If I could choose anywhere I wanted, from Hungary, West Germany, Italy, Spain, all of South America, I'd still pick every single one of you. You're Manchester United, go over there and get stuck in...

Уште еден напаѓач - Бебе потпиша за Јунајтед

Пред неколку минути, Јунајтед на својата официјална страна потврди дека потпишал нов 20-годишен напаѓач, под надимакот Бебе, од португалскиот третолигаш Виториа де Гимараеш.

Според официјалната страна, тој веќе ги поминал медицинските прегледи и сите персонални договори кои требало да се потпишат, се потпишани.

Тиаго Мануел Диас Кореиа (многу попознат како "Бебе") се шпекулира дека потпишал за сума од 7,4 милиони фунти, поточна за откупната клаузула којашто ја барал португалскиот клуб.На Фергусон му бил препорачан од поранешниот асистент, Карлос Квеирош, којшто беше да го посети изминатава недела во Португалија.

Истотака интересен факт е и дека Бебе потпиша за португалскиот клуб пред само 5 недели, и изигра само 45 минути во дресот на Гимараеш.За него се вели дека е брз, технички надарен напаѓач, со многу силна десна нога и доста силен удар со глава, на што се надодава и неговата височина од 188cm.Реал Мадрид заедно со Барселона и Челзи беа истотака заинтересирани за овој играч.Бебе станува 8миот напаѓач во составот на Јунајтед, со Руни,Бербатов,Овен,Македа,Чичарито,Велбек и Диуф како конкуренција.

Клеверли може да биде новиот Сколс

Чувството за гол е една од главните причини зошто Сер Алекс се одлучи да не го испрати Том Клеверли на позајмица во некој од клубовите во Премиер Лигата.

Клеверли лани беше избран за играч на годината од страна на Вотфорд, клуб за кој настапи како позајмен играч, со учинок од 11 голови на 33 натпревари што секако е одличен учинок посебно за играч од средината на теренот. Тој продолжи со добрите игри и во дресот на Јунајтед на турнејата во Северна Америка постигнувајќи 2 гола на натпреварите со Селтик и MLS All Stars.

И самиот Фергусон призна дека можноста Клеверли да постигнува голови од средината на теренот, нешто слично како Сколс, е можеби главната причина зошто го оставил Том да се бори за место во тимот оваа година.

'Том е извонреден млад играч кој може да игра на повеќе позиции во тимот. Тој е мобилен играч кој може да игра и како централен и како крилен играч од средниот ред. Исто така лани во Вотфорд потврди дека може да постигнува и голови.

Деновите кога очекувавме Сколс да постигнува по 15 голови во една сезона се поминати. Како и тогаш така и сега ни требаат голови од тој дел на теренот. Том има извонредни квалитети како играч кој постигнува голови, па затоа и останува.' - изјави Ферги.

Флечер: Фергусон знае што е најдобро за тимот

Дарен Флечер изјави дека доаѓањето на Чичарито во тимот е уште еден знак дека Сер Алекс знае многу добро што прави на трансфер маркетот.


„Менаџерот знае што е најдобро за тимот. Знае за што е способен овој тим и што можат играчите да направат. Младите играчи од лани сега се постари за една година а новите засилувања од лани исто така поминаа веќе една сезона и се поискусни. Сите сме сигурни дека неколкуте разочарувања од лани ќе придонесат за многу поубава сезона од лани.“, изјави Флечер.

Во врска со Чичарито, Флечер додаде: „Хавиер е прекрасен човек, веднаш се вклопи во тимот. Зборува многу добро англиски па јазичната бариера не е проблем. Со него имаме уште една опција во нападот. Тој има премногу самодоверба и не се плаши од противничката одбрана. Тоа е одлично. “

Велбек и Диуф на позајмици

Според Skysports и други извори во Англија, двајцата млади напаѓачи на Јунајтед веќе имаат потпишано договори со Сандерленд и Блекбурн, за едногодишна позајмица.

Сер Алекс пред некој ден изјави дека е можно Диуф и Велбек да одат на позајмица доколку стигне понуда од некој премиер лигашки клуб, и според последните шпекуcации и двајцата играчи веќе потпишале за Сандерленд (Велбек) и Блекбурн (Диуф).

Велбек минатата полусезона ја помина на позајмица во Престон, тимот на којшто менаџер е синот на Фергусон, додека пак за 22 годишниот Диуф ова ќе биде шанса да се здобие со искуство во Премиер лигата.Тој минатата сезона се приклучи на Јунајтед во Јануари и настапи 6 пати во дресот на Јунајтед, постигнувајќи го единствениот гол против Барнли.

Видиќ: Никогаш не сакав да заминам

И покрај големиот број на шпекулации кои кружеа околу евентуалниот трансфер на Немања во некој друг клуб, тој денес изјави дека бил изнендаден од нив.

Од клубот неодамна изјавија дека Видиќ го продолжи својот договор, а Видиќ инсистира дека тоа тој отсекогаш бил задоволен како дел од семејството на Олд Трафорд.

'Не знам зошто луѓето мислат дека одлуката сум ја донел тешко. Јас секогаш велам дека сум среќен тука. Никогаш не сум зборувал за мојата иднина. Иако имаше многу шпекулации, јас никогаш не сум изјавил дека сакам да заминам. Тоа не е ништо ново. Јас сум многу среќен што сум тука'-изјави Видиќ по вчерашната победа над Airtricity League XI.