Чичарито најбрз на Светското Првенство

Новиот играч на Јунајтед, Хавиер Хернандез кој е познат по надимакот Чичарито досега е најбрзиот играч на светското првенство, достигнувајќи брзина од 32,15 км/h.

Мексиканскиот напаѓач им дава огромна надеж на фановите на Јунајтед дека во иднина може да биде одличен напаѓач и партнер на незаменливиот Вејн Руни со податоците кои велат дека тој на натпреварот со Аргентина достигнал брзина од 32, 15 км/h со што го надмина грчкото дуо кое дотогаш беше на врвот, Аврам Пападопулос (31,57) и Константинос Катсуранис (31,50).

Манчестер Јунајтед потпиша со Лук Мекалог

Иако сеуште непотврдено од официјалниот веб сајт, Северно ирските медиуми и Северно ирската фудбалска федерација го потврдија трансферот на младиот 16-годишен одбрамбен играч Лук Мекалог.

Мекалог, поранешен капитен на репрезентацијата на Северна Ирска под 16 и 17 години потпишал 2-годишен договор на почетокот на минатата сезона.

''Сон на секое момче е да игра во Англија, а ако тоа е Јунајтед тогаш задоволството е уште поголемо''-изјави Мекалог.

Видео од играчот во боите на Јунајтед на следниов линк.

Македа останува во Јунајтед сезонава

Федерико Македа нема да оди на позајмица во друг клуб, потврди денеска неговиот агент Џовани Биа.

18 годишниот италијанец, беше мета на неколку клубови од Серија А коишто сакаа да го донесат во својот тим на позајмица во рок од 1 година, но неговиот агент Џовани Биа ги отфрли тие шпекулации и изјави дека Македа ќе остане во клубот сезонава дефинитивно, и дека на Јунајтед им се потребни неговите услуги.

"Манчестер Јунајтед немаат намера да го позајмуваат Македа на кој било тим, и поради ова ја отфрлам било која можност за трансфер во друг тим оваа сезона" - изјави Биа.

Македа ќе има голема конкуренција во нападот сезонава, доколку останат сите останати напаѓачи.Дури 6 други играчи играат на неговата позиција, Руни,Бербатов,Овен,Диуф,Чичарито,Велбек.

Џо Кол го одбива Арсенал за да потпише за Јунајтед

Поранешниот играч на Челзи, Џо Кол, според последните шпекулации донел одлука да го одбие понудениот договор од Арсенал за да потпише со Манчестер Јунајтед

Според весниците во Англија, Џо им кажал на свои блиски другари дека е повеќе склон кон трансфер во Манчестер, отколку да остане во Лондон но со екипата на Арсен Венгер.Пред неколку недели скоро беше сигурно според весниците дека ќе потпише за Арсенал, и дека жена му не сакала да се преселува од Лондон поради раѓањето на нивното прво дете.

Каде и да отиде, Кол ќе биде вклучен во еден од најголемите трансфери на слободни играчи во последните години, откако Челзи на својата официјална страна потврдија дека Џо Кол заедно со уште 2ца негови соиграчи заминуваат како слободни играчи летово.Се верува дека Челзи неможеле да ги задоволат потребите на Џо во новиот понуден договор.За трансфер на Кол сигурно ништо нема да се знае до завршувањето на Светското првенство.

Тошиќ потпиша за ЦСКА Москва

Манчестер Јунајтед на официјалната страна потврди дека Зоран Тошиќ го напушта тимот и потпиша за рускиот прволигаш ЦСКА Москва

Според најавите трансферот кошта 5 милиони фунти, и играчот ќе се приклучи на рускиот тим по завршувањето на Светското првенство во кое што тој настапува за Србија.Се верува дека Тошиќ ќе претставува замена за Милош Красиќ во ЦСКА, кој според шпекулациите, во блиска иднина ке замине во некоја од поголемите лиги.

Во меѓувреме била одбиена и понуда од Келн.

Рио:Проколнат сум

Агентот на Рио Фердинанд, Фил Захави, даде изјава во името на дефанзивецот, во која вели дека Рио се чувствува проколнато поради сите повреди коишто му се случија во последната година

"Мислам дека некој ми има испратено клетва.Навистина се чувствувам така, проколнато.Сеуште не ми се верува дека ова ми се случи, преразочаран сум." - гласеше цитатот на Захави испратен од Рио.

"Но, од една страна добро е што оваа повреда нема никаква поврзаност со оние претходно коишто го мачеа во Манчестер.Оваа е тотално различна и е резултат на немање среќа.Рио се осеќаше многу добро и беше спремен да ја води Англија како капитен на светското првенството.Навистина многу долго чекаше за овој настан и сега му се случува ова.Но, тој е многу силен играч и човек со многу добар карактер и сигурен сум дека и после ова ќе се врати, па зашто не и на светското првенство во 2014?" - додаде Захави.