Настапи на фудбалерите за своите репрезентации

Руни го постигна последниот гол за Англија, со кој ја совладаа со 5-1 репрезентацијата на Хрватска и се пласираа на Светското првенство во Јужна Африка.

Освен Руни, за Англија беа повикани и Мајкл Керик,Вес Браун и Бен Фостер но беа неискористени измени.

Флечер играше 90 минути за Шкотска којашто не успеа да се пласира на Светското првенство, бидејќи изгубија дома од репрезентацијата на Холандија со 0-1.

Антонио Валенсија се запиша истотака во листата на стрелци за Еквадор во победата од 3-1 над Боливија.

Немања Видич и Патрис Евра изиграа 90 минути еден против друг во интересниот дуел меѓу Србија и Франција кој заврши со 1-1.Зоран Тошиќ беше повикан, но беше неискористена замена.

Италија успеа да ја порази Бугарија со 2-0, во која 90 минути изигра Димитар Бербатов но не успеа да помогне на својата репрезентација да ги победи моменталните светски шампиони.

Нани изигра само 9 минути на натпреварот на Португалија против Унгарија, но неговата репрезентација забележа победа од 1-0.

Дарен Гибсон изигра 90 минути во пријателскиот натпревар на Р.Ирска против Јужна Африка, кадешто неговата репрезентација издвојува победа од 1-0.

Немаше добри вести за Џони Еванс откако неговата Северна Ирска изгуби повторно, овојпат од Словачка во Белфаст.

Фиорентина поднесува жалба до Јунајтед

ФИФА потврдува дека контактирале со Фиорентина за "крадењето" на Мишел Форнеиер од Манчестер Јунајтед

Репрезентативецот на Италијанската репрезентација под 16 години, Мишел Форнеиер (десно на сликата), играше за Јунајтед во Милк Купот на почетокот на август, каде Јунајтед победија со 1-0.

Со фактот дека италијанските тимови не смеат да понудуваат професионални договори на играчи под 18 години, англиските тимови долго време ги "крадат" италијанските таленти од нивните тимови.

Јунајтед е еден од најконсистентните тимови кои "крадат" вакви таленти од Италија, со поголеми имиња како Џузепе Роси,Федерико Македа и Давиде Петручи.

Ле Авр веќе ги пријавија Црвените Ѓаволи поради потенцијалното "крадење" на младиот французин Пол Погба, но Јунајтед веднаш изглеа со контра удар тврдејќи дека се било легално во неговиот трансфер.Сега и Фиорентина сакаат да испратата официјална жалба до ФИФА за Форнесиер.

"Можеме да потврдиме дека контактиравме со Фиорентина за потенцијалниот трансфер на Мишел Форнесиер во Манчестер Јунајтед." - изјави гласник од ФИФА.

Истотака Манчестер Јунајтед можат да се најдат под радарот на ФИФА, поради крадењето на талентираниот играч на Емполи, Алберто Масаки.

Извор

Фердинанд: Има само еден голем тим во Манчестер

Иако Сити потрошија речиси 250 милиони фунти со цел да станат главна сила во Англија и Европа, дефанзивецот на Манчестер Јунајтед вели дека тие само си го трошат времето.
Исто така Фердинанд го предупреди амбициозниот Арапски сопственик на Манчестер Сити и менаџерот Марк Хјуз дека трошењето на огромни суми за играчи не гарантира успех.

„Овој град едноставно не е доволно голем за два големи клуба“ изјавил Фердинанд.

„Сити имаат многу локални подржувачи кои што плачеа за успех изминативе години, и можеби сега мислат дека е дојдено нивното време поради сите инвестирани пари.“

„Но не секогаш парите носат и успех. Можно е, како во ситуацијата со Челзи, но тие пред Абрамович беа трети, четврти или петти во Лигата, додека ситуацијата со Сити е друга, и времето ќе покаже колку ќе бидат успешни. Ако освојат нешто оваа сезона, нека им е со среќа, но мислам дека ние ќе бидеме тие кои што ќе ги освојат големите трофеи.“

Иако нема одиграно натпревар оваа сезона поради повреда заработена на денот пред првиот натпревар, Фердинанд се надева дека ќе биде подготвен за натпреварот против Тотенхем во Сабота.

Извор

Jунајтед ги негира бенефициите на Погба

Како одговор на моменталните изјави во јавноста на претседателот на Le Havre, Жан Пјер Лувел, Јунајтед сака категорично да потврди како дел од клупската полиса и во согласност со фудбалските правила, дека не им нуди бенефиции на родителите на играчите кои потпишуваат за клубот, како на пример плус добивки или па купување на куќи.



Јунајтед денес му пиша на фудбалскиот клуб Ле Авр дека ако ваквите изјави во јавноста продолжат, дека против нив ќе биде покрената соодветна судска постапка за клевета, во врска со правилноста на трансферот на Пол Погба. Манчестер Јунајтед е задоволен што овој трансфер се одви според сите законски правила и регулативи на ФИФА и на УЕФА и е спремен судски да ја брани секоја искажана неправилност од Ле Авр или од било кое трето лице.

Истотака, треба да се спомне дека целата документација во врска со договорот на Пол Погба, веќе е одобрена од Англиската Фудбалска Асоцијација и Премиер Лигата.

Јунајтед заинтересирани за Игор Акинфеев

Англискиот трократен шампион, Манчестер Јунајтед, е заинтересиран за услугите на рускиот голман на мрежата на ЦСКА Москва, Игор Акинфеев.

Не само недоволно добар за Англија, очигледно дека Бен Фостер неможе да ги задоволи вкусовите да брани во првиот состав на гигант како Манчестер Јунатјед, па затоа Сер Алекс се сврте кон многу талентираниот Руски голман, 23 годишниот Игор Акинфеев од ЦСКА Москва.

Ван Дер Сар изјави дека најверојатно ќе ја заврши својата кариера на крајот на сезонава, и моментално е повреден 8 недели поради скршеница на прстот.Како и да е, на Сер Алекс ќе му останат само Фостер и Кушчак како опции за главен голман во тимот, и според The Mirror, Сер Алекс верува дека не се достојни за да бранат за тим како Јунајтед.

Извор

Интернационални настапи

17 играчи на Манчестер Јунајтед, викендов настапија за своите држави.

Џи Сунг Парк беше првиот црвен ѓавол којшто изигра за својот национален тим викендов, додека пак Валенсија, последниот.

Парк како капитен на Јужна Кореја, го заврши натпреварот со асистенцијата кон Сеол ко Хјеон, кој постигна гол во мрежата на Шварцер.

Флечер изигра 90 минути против Македонија, во победата од 2-0 на Хампден парк.Сер Алекс Фергусон го гледаше натпреварот од трибините.

Керик и Руни играа за Англија и двајцата, каде што врз Руни беше досуден контроверзен пенал, и Лампард погоди за да води Англија со 1-0.На почеток на второто полувреме влезе Мајкл Керик во игра, а натпреварот заврши со 2-1 за Англија.Вес Браун беше неискористена замена.

Бербатов можеби беше најистакнатиот ѓавол во интернационалните настапи, со што даде гол од пенал и намести уште 2 за победа на Бугарија од 4-1.

Џони Еванс изигра 90 минута за Северна Ирска во натпреварот против Полска.Пољаците напаѓаа со сите сили, но Еванс и неговите сонародници успеаа да се одбранат и да освојат драгоцен 1 бод.

Евра изигра 90 минути за Франција во нерешениот натпревар со Романија од 1-1, и најверојатно ќе игра во среда против репрезентацијата на Србија каде што се Тошиќ и Видич.

Македа влезе во последните минути на изгубениот натпревар од 2-1 на Италија против Велс, во категоријата U-21.Истотака и Том Клеверли го имаше своето деби во националниот дрес против Македонија во победата од 2-1.

Џон О'Шеј изигра 90 минути за Република Ирска во победата од 2-1 со доцниот гол на Роби Кин.Дарен Гибсон беше замена, но не доби шанса да влезе во игра.

Валенсија играше за Еквадор во изгубениот натпревар од 2-0 од Колумбија и Ричи Де Лает беше неискористена замена во Белгиската репрезентација.