Среќна Нова 2010!

Пројде уште една година.Ова го кажувам по 7 пат откако го следам овој тим, и од таа 2003, никогаш не сум ни помислил да навивам за некој друг тим на светот.Едниот и единствен Јунајтед ми се закова во срцето и дефинитивно ќе ме следи до крај на животот.

Нека им е среќна новата 2010 година на сите фанови на Манчестер Јунајтед и оние кои што го следат блогов, многу здравје,среќа,љубов и да дае Господ ѓаволиве наши да ни ја честитаат со еден требл(копирајт на Дено :) ).

Ферги: Титулата ќе биде наша

Сер Алекс Фергусон ги предупреди ривалите од Премиер Лигата дека неговиот клуб жестоко ќе се бори за овогодинешната титула во англиското првенство.

Менаџерот смета дека со една добра серија токму во овој период Јунатед ќе може да се одлепи од Челзи и Арсенал и да ја задржи титулата на 'Театарот на соништата'.

''Лигата е многу израмнета. Помалите тимови играат добро и земаат бодови од посилните. Една добра серија може да му даде на одреден тим голема предност во исполнување на нивните замисли. Ние сме искусна екипа способни за една таква успешна серија. Сметам дека ние имаме најголема шанса за тоа да го направиме.

Уште од почетокот на сезоната ги сметам Челзи како најголема опасност за нас. Најважно сега е да се концетрираме на натпреварот со Виган како би ја намалиле предноста на Челзи на 2 поени''-заврши Ферги.

Ферги со пофални зборови за Валенсија

Фергусон со пофални зборови говори за Луис Антонио Валенсија пред соочувањето на Јунајтед со неговиот поранешен клуб Виган вечерва на Олд Трафорд.

Летното засилување на Манчестер Јунајтед, Валенсија вечерва по втор пат годинава ќе се соочи со неговиот поранешен клуб Виган во последниот овогодишен натпревар на шампионот. Ферги на денешната прес конференција го изјави следново за еквадорскиот интернационалец:

'По продажбата на Роналдо сите мислеа дека ќе не можеме да се препознаеме оваа сезона, но факт е дека имаме освоено само еден поен помалку од лани во истиот овој период. Валенсија е добар играч кој полека се вклопува во екипата. Тој е тивко момче и има своја игра.

Тој ужива да игра на позицијата десно крило. Може да биде искористен и на некое друго место во екипата како на пр. централен среден играч, позиција на која го имаме видено да игра. Можам слободно да кажам дека празнината по заминувањето на Роналдо е достојно пополнета''-изјави Фергусон.

Најава:Јунајтед v Виган

Премиер Лига, 20 коло|Среда, 30 Декември 2009|Почеток: 21:00h

Стадион: Old Trafford, Manchester

На 1 ден пред нова година ќе имаме можност да го гледаме Јунајтед, кој би посакал нешто подобро :) Тимот на Роберто Мартинез е млад и талентиран но не доволно зрел за да успее да направи некое изненадување во Премиер лигата.Имаа некои добри моменти (победа против Челзи) и лоши моменти(9-1 од Тотенхем), така да нема да биде ни малку лесно да се прошетаме само на Олд Трафорд и да издвоиме голема победа, иако им фрливме петарда на нивни терен.Челзи победија против Фулам, ќе мора да се држиме и ние за да не ни избегаат.

Конечно ни се враќаат некои од познатите имиња коишто сите сакавме да ги слушнеме на теренот.Невил,Сколс и Андерсон дефинитивно се враќаат и ќе бидат фит за овој натпревар.Одбраната конечно вратена во нормала, можеме да очекуваме дека ќе имаме 2ца класични стопери и бекови.Гигси играше минатиот натпревар, па не верувам дека ќе му даде Фергусон да игра и денес, така да можно е Обертан да добие можност.Исто, Бербатов играше лошо во натреварот со Хал, така да повеќе би играл со Овен или Велбек заедно со Руни во нападот отколку Берба.

Роберто Мартинез има состав составен од прилично добри шутери, како Н'Зогбија,Родалега и Гомез, кои дефинитивно ќе претсатвуваат закана.Минатиот пат не изиграа толку лошо иако примија 5 гола.Да не заборавиме дека успеаа да го совладаат Челзи, нешто што на малку екипи им успеа сезонава.

Можни Состави:

Kuszczak

Rafael - Brown - Vidic - Evra

Valencia - Carrick - Fletcher - Obertan

Rooney - Owen

V

Rodallega - Scotland

N'Zogbia - Thomas - Scharner - Gomez

Figueroa - Bramble - Boyce - Melchiot

Kirkland

Мој тип:

Мораме да извлечеме резултат и немаме никакво право на кикс и губење на 3 бода.

Јунајтед 3-1 Виган.

Фергусон го следи "новиот Чави"

21 годишниот Хавиер Матиља од младиот состав на шпанскиот тим Виљареал е на мета на Сер Алекс, иако тој самиот тврди дека не е под никаков договор со Јунајтед.

Според неколку весници, Сер Алекс веќе имал испартено скаути во Виљареал, да го следат шпанскиот интернационалец под 21 година, на кој, како и на многу други млади таленти, му е даден големиот епитет "новиот Чави Хернандез".

Моментално игра за Б тимот на Виљареал и се верува дека многу гигнати меѓу кои и Јунајтед, се спремни да понудат 3 милиони за неговите услуги во Јануари.

"Знам за шпекулациите и тие не се реткост.Секој репрезентативец на шпанскиот тим под 21 година е гледан од голем број на скаути.Никој не ме контактирал и сонувам дека некогаш ќе играм во првиот тим на некој врвен клуб, како што е и Виљареал." - изјави Матиља.

Кога ќе се средат повредите ќе го преземеме врвот

Сер Алекс Фергусон е убеден дека неговиот Манчестер Јунајтед и сезонава ќе ја задржи титулата во англиската ПЛ и дека сево ова ќе им биде појасно на сите откако повредените играчи ќе се вратат во тимот, најкасно до крајот на идниот месец, датата на која би требало да се врати и последниот повреден Харгривс.

„Враќањето на играчите е клучно за нас. Веднаш се почувствува разликата откако се вратија Браун и Видиќ во составот. Располагаме со младина и искуство и ако секогаш ги имаме играчите на располагање, нашата константност ќе биде одржувана и ќе стигнеме до титулата.“, изјави Фергусон.

Во врска со проблемите со коленото на Бербатов, Фергусон додаде: „Димитар имаше проблеми со коленото но сега е се` во ред. Го третираме доста внимателно затоа што знаеме дека ќе ни треба многу во вториот дел од сезоната. Го одигра целиот меч против Хал и не се пожали на ништо. Нема да му треба операција.“

Го даваме Ди Мариа за 30 милиони фунти

На Манчестер Јунајтед му беше соопштено од страна на раководството на Бенфика дека Анхел Ди Мариа ќе стане играч на Манчестер Јунајтед само доколку им бидат исплатени 30 милиони фунти.

Раководството на Бенфика соопшти дека не би сакале да го изгубат нивниот најдобар играч на сред сезона за малку пари, освен ако некој не ја откопи клаузулата од 30 милиони фунти.

Како што знаеме, Бенфика ја одби неодамнешната понуда на Јунајтед за Ди Мариа од 12 милиони фунти + Нани, кој очигледно е дека не се снајде во тимот на „Црвените Ѓаволи“.

Мурињо: Сакам да го наследам Фергусон

Се верува дека причината поради која Мурињо ги одби милионите на Манчестер Сити е поради тоа што тој сака да биде наследникот на Сер Алекс Фергусон на клупата на Манчестер Јунајтед.

"Во овој момент сум во Интер и ќе бидам се` до 2012, до кога имам потпишано.“, изјави Мурињо. Но луѓе блиски до Португалецот изјавуваат дека тој сака да се врати во Премиерлигата само како тренер на Манчестер Јунајтед.

Иако Фергусон нема намера во блиска иднина да се повлече од клупата на Јунајтед, сепак, бил прашан да даде препораки кој би сакал да го наследи и негов избор бил Жозе Мурињо, кој освен него и Венгер единствено освои титули во ПЛ. Исто така, Мурињо изјави дека сака да се врати во Англија бидејќи му недостига ПЛ, поготово празничниот период кој моментално го поминуваме.

Киелини ќе ги решава дефанзивните проблеми?

Манчестер Јунајтед веќе подолго време го следат Киелини и според СкајСпортс, Ферги гледа токму во него како решение на дефанзивните проблеми.

Откако новиот менаџер на Сити, Роберто Манчини, го изјави својот интерес во 25 годишниот дефанзивец на Јувентус, и Сер Алекс се придружија на трката за потписот на талентираниот италијанец.

12 милиони вредниот Киелини би можел да ги реши проблемите на одбраната во Јунајтед, доколку се одвие овој трансфер, но и со доаѓањето да го загрози првотимското место на Рио Фердинанд.

Неговиот агент, Давид Липе изјави: "Ќе биде тешко играч важен за Јувентус како Киелини да го напушти тимот, но никој не знае што ќе се случи во Јануари.Не сум контактирал со Манчини, но не можам да негирам трансфер во Манчестер".

Најава:Хал v Јунајтед

Премиер лига, 19то коло|Недела, 27 Декември 2009|Почеток: 17:00h

Стадион: KC Stadium, Hull

Никој не видел ни слушнал се случи минатата недела на Кревен Котиџ, вртиме нова страна.Хал Сити, 17ти на табела, must win без никакви исклучоци или изговори.Бирмингем си го завршија своето, па ако не искористиме сега 3 кикса по ред на Челзи или уште полошо, да им дозволиме да ја зголемат разликата за 3 бода иако имаат киксови би било катастрофално.

Сеуште сме во дефанзивна криза и огромна листа на играчи кои се на листата на лекарскиот тим.Рио,Видич,Невил,О'Шеј,Еванс,Браун сите се аут и за овој натпревар, но за тоа браќата Да Силва,Рафаел и Фабио се враќаат со што барем малце ни се олеснуваат проблемите во одбраната.2 порази во последните 3 натпревари имаме и дефинитивно е време да се освестиме и да се вратиме со победа и само 2 бода разлика од Челзи.Од останатите играчи уште повредени се Македа,Нани,Бербатов,Гигс,Ван Дер Сар и Харгривс.

Хал немаат дефанзивни ниту проблеми со повредите, туку имаат проблем со преживување на сезоната.17ти на табела и потенцијалните второлигаши на чело со Фил Браун би им било попамтено да постапат како Волфс, да излезат со многу изменет состав, поради тоа што само за 2 дена, на 29 ти ќе играат натпревар против Болтон, за кој би имале дефинитивно поголеми шанси за победа него овој со Јунајтед.

Можни состави

Myhill

Mendy - McShane - Dawson - Zayatte

Hunt - Kilbane - Ghilas - Geovanni

Fagan - Cousin

V

Rooney - Owen

Obertan - Scholes - Fletcher - Valencia

Evra - Carrick - De Laet - Rafael

Kuszczak

Мој тип:

Би требало да победиме сигурно, али последниве неколку утакмици ми даваат сомнежи.

Хал 0 - 2 Јунајтед.

Oдбраната ќе се стабилизира за недела дена

Сер Алекс Фергусон изјави дека за недела дена очекува неговата одбрана да биде вратена во нормала и дефанзивците пополека да ја добиваат својата стара форма.

Иако пред тоа изјави дека повредата на Рио е сложена и дека не се знае кога точно ќе се врати во тимот, Фергусон верува дека Еванс, Видиќ и Браун наскоро ќе се вратат во тимот и Флечер и Керик ќе бидат вратени во средниот ред, каде и што играат најдобро.

„Еванс вчера почна да тренира, чувствува болка но се обидуваме да го опоравиме“, изјави Фергусон.

Видич и Евра во Најдобрите 11 за 08/09

Во гала церемонијата којашто се одржа вчера во Цирих, кадешто се избираше најдобриот играч на светот за 2009, беа одбрани и најдобрите 11 за 2009та година во кој се најдоа и дефанзивците на Јунајтед, Евра и Видич.

Со Немања Видич и Евра на стоперската и бековската позиција, останатите коишто беа во тимот се и Икер Касилијас од Реал Мадрид како најдобар голман, Џон Тери како стопер до Видич и Дани Алвес од Барса на десната бековска позиција.Во средината Чави од Барса истотака заедно со Џерард од Ливерпул, на крилата Иниеста со Роналдо, а во нападот Фернандо Торес и Лионел Меси.

"Многу сум среќен.Целиот тим имаше добра сезона исто како и мене, така да оваа награда којашто ја добивме јас и Патрис е заслуга на целиот тим." - изјави Видич.

Гигс изненаден од младинците

Рајан Гигс признава дека е изненаден од храброста на младинците во тимот. Вели дека е изненаден од тоа што на играчите не им е забрането скоро ништо затоа што имаат професионални договори и високи плати.

„Интересно е да ги гледаш помладите на тренинг како се развиваат и како работите се сменети од минатото. Тоа се играчи кои се купени на 17-18 годишна возраст и кога ќе добијат шанси за настап тие се веќе „возрасни“. Во моето време, не се случуваше никој од нас помладите ни да им извика „БУ!“ на Палистер и Брус, а сега помладите цело време трчаат наоколу и се шегуваат со сите. Но сепак, сево ова ми е убаво. Преубаво е дури да се биде цело време околу помлади од тебе, да ги подучуваш. Се` уште си ја сакам дневната рутина.“, изјави Рајан Гигс.

Бекам сонува за Јунајтед

Поранешната седмица на Манчестер Јунајтед, Дејвид Бекам, се надева дека ќе игра против Манчестер во Лигата на Шампионите кога ќе премине од ЛА Галакси во Милан зимава.

Милан спаѓаат во 6те тима коишто можат да му се паднат како противник на Јунајтед во 1/8 финалето, поради 2рото место во фазата по групите.

"Многу сакам да се паднам против Манчестер во 1/8 финалето со Милан.Откога си заминав во 2003 никогаш немам играно против нив и се немам вратено на Олд Трафорд како играч.Цели 7 години поминаа а јас немам играно никогаш против своите колеги.Јас против Манчестер, би било незаборавно нели?" - Изјави Дејвид.

Англискиот играч од средината помина цела декада во Јунајтед и ја освои Лигата на Шампионите во 1999та, пред да го направи трансферот во Реал.

Најава:Јунајтед v Волфс

Премиер Лига, 17то коло|Вторник, 15 декември 2009|Почеток: 21:00h

Стадион: Old Trafford, Manchester

Премиер лигата ќе ја збогати оваа работна недела со натпревари во Вторник и Среда, каде што Јунајтед ќе се обидат да го стигнат Челзи на врвот на табелата со можен кикс а Челзи ќе се надева дека ќе ја прекине серијата од 4 натпревари без победа.

Веќе игравме еднаш со новите премиер лигаши сезонава, но во Карлинг купот кој истотака беше на Олд Трафорд, и триумфиравме со 1-0 со голот на Велбек.Не им иде баш добро во Волфс со оглед што се наоѓаат на вториот дел на табелата и цела сезона се борат за бодови кои им се потребни за опстанок.Како и да е, на последните натпревари направија големи изненадувања победувајќи ги 1-0 Тотенхем на гости и Болтон 2-1.Поведени од оваа кратка серија, МекКарти ќе се надева дека ќе може, како што направи Вила, да направи сензационален триумф врз Јунајтед на Театарот на Соништата.

Сите знаеме како заврши натпреварот во саботата, кога имавме најголема шанса да се изедначиме со бодовите со Челзи.Лош настап во секој поглед, затворени целосно, Руни немаше со кој да игра.Би требало ова да е веќе научена лекција за Фергусон, дека никогаш не треба дома да се ислегува со само 1 напаѓач, поготово кога на клупа ги имаш Бербатов,Овен и Велбек.Се надеваме сите дека Ферги нема повторно да ги потцени противниците.Новиот освојувач на BBC Personality of 2009, Рајан Гигс, е неизвесен за овој натпревар поради, што се верува дека е, повреда на горниот мускул на ногата и е можно да не настапи за овој натпревар покрај ВДС,Рио,Харго,Рафаел,Фабио,О'Шеј,Еванс и Македа.Повторно проблеми во одбраната, но се надеваме дека нема повторно Флечер да игра како десен бек, се гледа колку само фали во средината.

Можни состави

Kuszczak

Brown - Carrick - Vidic - Evra

Valencia - Anderson - Fletcher - Obertan

Rooney - Berbatov

V

Doyle - Ebanks-Blake

Milijas - Surman - Kightly - Castillo

Elokobi - Craddock - Zubar - Mancienne

Hennessey

Мој тип:

Би требало да биде лесна победа, се разбира ако Сер Алекс не ги потцени како Вила.

Јунајтед 2 - 0 Волфс.

Не мислам на пензионирање

Фергусон, кој 2002 година беше блиску до пензионирање, изјави дека само лошото здравје би го натерало да размисли за повлекување.

Шеесет и седумгодишниот Фергусон во 2002 беше блиску до пензионирање, но неговото премислување го доведе до освојување на три ПЛ титули, две останати како и една во ЛШ.

Апетитот за успех и титули на Шкотланѓанецот и по толку години на клупата на Јунајтед изгледа се` уште се нема намалено и како што изгледа не ни размислува за пензија.

„Моето здравје ќе одлучи уште колку години ќе седам на клупата. Тоа е најважно и него го ценам најмногу, бидејќи ако го немам него, џабе ќе ми биде се` што сум постигнал“, изјави Фергусон.

Во фудбалот, Фергусон има потрошено 52 години, а во Јунајтед е менаџер цели 23 години.

Фергусон: Имам пари за трошење

Сер Алекс Фергусон истакна дека и покрај тоа што има пари за трошење, нема да ги потроши на пренапумпани цени и на фудбалери кои не вредат за парите.

„Ова е смешно. Насекаде се изјавува дека немаме пари и сакаме да земеме некој за ефтино. Нонсенс. Не е работата само да се фрлат пари на некој фудбалер. Парите се тука ако сакам да ги искористам, но не гледам добра понуда, како што не гледав баш и летото. Среќен сум со она што го имаме во клубот, иако имаме проблеми со одбраната, но до јануари верувам дека се` ќе се среди. Летово беше смешно. За фудбалери кои не вредат ни бараа астрономски суми, само затоа што сме Манчестер Јунајтед. 30.000 милиони за Бензема? Смешно. Философијата на овој клуб е да развива млади фудбалери и да ги прави ѕвезди, како што се Македа, Велбек и Диуф, од кој сум многу задоволен и за него во јануари ќе аплицираме за работна дозвола.“, изјави Фергусон.

На прашањето дали се точни шпекулациите за Кембел, Фергусон изјави дека не се и дека не знае од каде излегле тие дезинформации.

Рајан Гигс со нов трофеј во својот кабинет

Рајан Гигс и на 36 години продолжува со освојување на престижни трофеи и награди, овој пат тоа е BBC Sports Personality of 2009, којашто церемонија заврши пред неколку часа.

Велскиот крилен играч е најтрофејниот играч во Англискиот фудбал со 11 Премиер лигашки медали во својот кабинет.Сега, тој стана петиот фудбалер којшто ја освоил оваа награда после Боби Мур(1966),Пол Гаскоњ(1990),Мајкл Овен(1998) и Дејвид Бекам(2001).

Гигси освои 29,4%(151.842 гласа) од гласовите од публиката, додека на второ место се најде Ф1 шампионот Џенсон Батон со 18,74% од гласовите и Џесика Енис со 15,58% од гласовите заврши на третото место.

"Во светот на фудбалот не е вообичаено еден 36 годишник да игра сеуште фудбал и тоа во тим како Манчестер Јунајтед за 20 години, но се додека уживам, се надевам дека ќе поминуваат годините поспоро.Слушнав дека Алекс ќе ми понудел нов договор на мене и на Пол, па по се изгледа ќе биде уште една година." - изјави насмеанот Гигси.

Нови договори за Гигс и Сколс

Сер Алекс Фергусон изјави дека ќе им бидат понудени 12 месечни договори на легендарните Пол Сколс и Рајан Гигс, кои имаат играно заедно цели 15 години.

Едни од најлегендарните играчи во историјата на Јунајтед, Сколс и Гигс, ќе имаат шанса да потпишат нов договор најверојатно на почетокот на Јануари, кој ќе 12 месеци, до Јануари 2011.

Гигси, моменталниот ПФА Играч на годината, минатиот месец го постигна својот 100ти Премиер лигашки гол и рекордер во настапи за Јунајтед.Сколс настапува кон 35тата година и сеуште покажува дека има улога во тимот, со неговите неколку значителни и препознатливи бомби од далечина кои резултираат во голови.

Фергусон смета дека тие сеуште си ја вршат својата работа на највисоко ниво и дека треба да ја одложат пензијата.

"На Рајан ќе му биде понуден нов договор, што значи дека сеуште веруваме во него, иако ќе полни 37 години следната сезона.И Пол знае дека ќе му биде понуден договор и на него." - изјави Сер Алекс.

Интервју со Љајиќ за неговиот откажан трансфер

На 3ти Декември годинава, беше откриено на официјалната страна на Јунајтед дека е откажан трансферот на српскиот талент Адем Љајиќ.Весникот "Danas" направи кратко интервју за да дознаеме што навистина се случило.

Пред неколку дена, асистентот на Ферги, Мајк Фелан, изјави дека проблемот не било тоа што Љајиќ не бил доволно талентиран, како што пишува на официјалната страна, туку поради работната дозвола.

"Приказните за мојата стагнација во развивањето како фудбалер и дека тоа е причината што не направив трансфер во Манчестер се тотално невистинити.Ако Јунајтед не беа заинтересирани за мене и не задоволни од мојот напредок последнава година, немаше да бидам заедно со Фергусон пред 2 месеци кога ги вршев моите последните тестови за да можам да направам трансфер во Англија"

"Причината е поради тоа што неможев да извадам работна дозвола и многу ми е жал што пропадна трансферот.Како и да е, веќе слушнав дека имало неколку заинтересирани тимови за мене, а и дека менаџерот(на Партизан) сака да ме продаде бидејќи тимот стои лошо на финансиски план" - изјави младиот Адем за српскиот весник "Danas".

Најава:Јунајтед v Астон Вила

Премиер Лига, 16то коло|Сабота, 12.12.2009|Почеток: 18:30h

Стадион: Old Trafford, Manchester

27 лигашки натпревари без пораз, 12 од последните 13 натпревари со победа е статистиката карактеристична зашто овој натпревар ѓаволите би требало да го добијат.Јунајтед против Вила, Олд Трафорд, пак.Сите ја памтиме завршницата минатата сезона, кога пред Стретфорд Енд, 17 годишниот Македа, од обичен средношколец стана херој на гигант како Јунајтед.

По поразот од Челзи, Јунајтед сврза 4 последователни победи, иако имаме дури 12 играчи повредени.За утеха ни доаѓа враќањето на Берба,Руни и Гигс, кои не играа против Волфсбург, и можеби најважниот, Немања Видич.Одбраната ни е целосно деформирана, Евра,Видич и Де Лает се единствени фит одбрабени играчи, но како и последните 2 натпревара, Сер Алекс и против Вила најверојатно ќе искочи со Керик и Флечер во одбраната.

Вила засега супер се држат на табелата, имаат 4 натпревари без пораз и изиграа многу добро против Челзи и Ливерпул.Џејмс Колинс се враќа за нив колово, но затоа како повредени ги имаат Вилфред Боума,Крег Гарднер и Куртис Дејвис.Катастрофална серија имаат на Олд Трафорд, ќе бидат сигурно мотивирани за да извадат барем бод.Секако не смеат да се заборават Ешли Јанг и Габриел Агбонлахор, кои беа и на мета на Јунајтед, дека може да ни предизвикаат проблеми како минатата сезона.

Можни состави

Kuszczak

Fletcher - Carrick - Vidic - Evra

Valencia - Gibson - Anderson - Giggs

Owen - Rooney

V

Agbonlahor - Heskey

Young - Milner - Petrov - Downing

Warnock - Dunne - Cuellar - L.Young

Friedel

Мој тип:

Вила дефинитивно нема што да бара на Олд Трафорд, во форма сме и во серија, иако со 12 повредени играчи, Вила нема да знаат од кај да излезат на Олд Трафорд.

Јунајтед 3 - 0 Вила

Нема позајмица за Фостер

Сер Алекс Фергусон негираше дека во јануари ќе го испрати Бен Фостер на позајмица.

Иако во моментов Едвин ван дер Сар е полесно повреден, Бен Фостер не настапуваше како негова замена, туку извонредниот Полјак Кушчак, кој настапи на 4 натпревари. Поради ова, се појавија гласини дека Фостер можеби во јануари ќе биде позајмен со цел да си го зачува местото во англиската репрезентација, но Фергусон се појави со демант.

„Ништо нема да се случи со Бен. Тој е тука и тука и ќе остане.“ Фергусон изјави и дека се` уште го чека ван дер Сар на конечна одлука дали ќе го продолжи договорот на уште 12 месеци. „Едвин обично од време на време зборува со нас и ни кажува отприлика што сака да прави, но се` уште не ни соопштил дали сака да брани уште една сезона. Во моментов тој има повреда, но не е ништо сериозно и ќе биде на голот од следната недела.“

Нов 4 годишен договор за Велбек

Манчестер Јунајтед на нивната официјална страна, денеска потврди дека младиот Англичанец, кој е роден во Манчестер, Дени Велбек, се согласи да потпише нов 4 годишен договор, кој ќе го држи во тимот до 2013.

"И ние и Дени сме пресреќни.Го гледаме него како еден од најголемите таленти кои дошле од академијата.Ќе има голема иднина во тимот и среќни сме што потпиша нов договор за да си ја осигура иднината." - изјави Сер Алекс.

"Навистина многу сум среќен.Никогаш не сум размислувал да играм за друг тим во мојата кариера, со играњето за тим како Јунајтед ми се исполни детскиот сон.Уживам секоја минута тренирајќи со тимот, во добри односи сум со сите играчи и не гледам причина зашто би го напуштил Јунајтед.Сакам да им се заблагодарам на Сер Алекс,фановите и целиот тим за подржката што ја добивам" - изјави Дени.

Четворица се враќаат против Вила

Фергусон најверојатно ќе ги има услугите на Немања Видич,Рајан Гигс,Вејн Руни и Димитар Бербатов на наредниот натпревар од Премиер лигата, против Астон Вила на Олд Трафорд.

Вејн Руни(мускулот на ногата),Бербатов(колено),Видич(грип) не играа на натпреварот со Волфсбург кој Јунајтед го добвија со 1-3, а истотака и Гигси беше одморен, но сите 4ца ќе бидат спремни за натпреварот со екипата на Мартин О'Нил во Сабота.

Сепак, Сер Алекс ќе треба да прави ротации во одбраната, на која уште фалат 7 играчи.

"Очекуваме Видич дека ќе биде спремен до Сабота.Рајан дефинитивно е фит, и истотака сметам на услугите на Димитар и Вејн.Би требало да искочиме со одбрана составена од Флечер,Керик,Видич и Евра." - изјави Сер Алекс.

Јунајтед, сега за сега, се во добра форма, поготово во лигата.Само 2 поени позади Челзи, 3 победи по ред од кои 2 на гости, со постигнати 11 гола и само 1 примен и тоа од пенал.

Фергусон: Овен заслужува место во репрезентацијата

Мајкл Овен вчера прикажа одлична игра и го постигна својот прв хет трик по 4 години, со кој на Јунајтед му го обезбеди првото место во групата и нов рекорд од 15 мечеви на гости без пораз, иако на Јунајтед му недостигаа 15 првотимци.

Но она што е значајно е фактот што Овен со овој хет трик му испрати порака на Фабио Капело да го вклучи во англискиот состав за СП наредната година. Во последниве две години, Овен има само еден настап за репрезентацијата.

Скромниот Овен, кој наредниот понеделник ќе наполни 30 години, изјави: „Можеби мојот хет трик ќе биде главен натпис во весниците, но ова беше одлична тимска изведба. Играв подлабоко, затоа што ни фалеа премногу првотимци и моравме да и помагаме на одбраната. Среќен сум што завршивме на првото место во групата и вториот меч од осминафиналниот двобој ќе го одиграме дома.“

За синоќешниот натпревар, со изјави ги почести новинарите и Сер Алекс Фергусон. „Најпрвин, најважното од се` е Манчестер Јунајтед. Второ, како што докажа многу пати, кога се работи за позиционирање и финиширање, Овен е еден од најдобрите напаѓачи денес. Дали можеме да го очекуваме во стартниот состав? Апсолутно, тој има големо влијание на теренот. Тој е фантастичен, секогаш е во шеснаесетникот и ја растрчува противничката одбрана. Јас сум премногу задоволен од неговите изведби.“

Што се однесува до повредените играчи, за саботниот меч на Јунајтед, ќе се вратат Видиќ, Руни и Бербатов.

Руни и Бербатов нови членови на болницата, О'Шеј и Еванс аут до Нова година

Јунајтед моментално ја преживевуваат една од најголемите кризи поради повреди во тимот, со вкупно 12 играчи повредени, но се не само во одбраната, и напаѓачите Руни и Бербатов се повредени.

Сер Алекс Фергусон се соочува со еден од најголемите кризни периоди во неговата кариера во Јунајтед, со што беше принуден да повика само 19 играчи против Волфсбург, од кои 13 се играчи од средината.

Уште полошо е, тоа што Јунајтед има и тежок натпревар против Астон Вила во Премиер лигата во Сабота, и ќе има големи маки да извади состав којшто би можел да го победи Волфсбург во Германија.

Нова вест е дека Џони Еванс и Џон О'Шеј ќе бидат аут до Нова година, за кои се сметаше дека имаат само минорни проблеми со мускулот на ногата.Јунајтед ќе мораат да се надеваат дека Вес Браун и Видич ќе се вратат за натпреварот со Вила, за да не мора Фергусон повторно да игра со играчи од средината во одбрана.Руни и Берба не отпатуваа за Германија поради повреди на ногата и коленото.

"Нема добри вести во врска со повредените играчи.Морав да оставам неколку играчи во Манчестер, па сега ќе морам да размислувам како да составам доволно добар тим против Волфсбург."

Иако имаме големи проблеми во одбраната, со само еден фит дефанзивец, и нападот, Сер Алекс не е толку загрижен поради тоа.

"Ќе започнеме со 1 дефанзивец!Јунатјед е секогаш првиот тим којшто пробува да импровизира нешто, така да ќе започнеме само со Евра во Вторник" - се шалеше Фергусон.

Најава:Волфсбург v Јунајтед

Лига на Шампиони, Група Б|Вторник, 7 Декември 2009|Почеток: 20:45h

Стадион: Volkswagen Arena, Wolfsburg

Последен натпревар од групата Б за нас, да се биде или не за Волфсбург.Сами си ја комплицираа работата со изгубениот натпревар од ЦСКА пред 2 недели, така да сега им треба најмалце 1 поен на Волксфаген стадионот против Англискиот шампион Јунајтед за да ја поминат групата.

Минатиот натпревар, Џеко им донесе водство на Волфсбург против Јунајтед на Олд Трафорд, но потоа примија 2 гола и Јунајтед се пласираше во 1/8 финалето.Формата им е многу лоша со 1 победа,2 нерешени и 2 изгубени во последните 5 натпревари.

За разлика од нив, ние сме први на групата, но изгубениот натпревар од Бешикташ дома минатото коло сами си ја влошивме ситуацијата.Со цела одбрана повредена освен Евра, дефинитивно ова ќе биде многу тежок натпревар, со оглед на тоа што Јунајтед веќе 3 недели по ред игра натпревари во работна недела.4 победи од последните 5 натпревари за Јунајтед, придружени со неколку големи победи од по 3 и 4 гола разлика, иако буквално без одбрана, Јунајтед игра добро и на трите фронта.Вкупно 12 играчи повредени, Гигс и Руни се одмараат, а Харгривс сеуште не е спремен да настапи, можат ли ѓаволите да триумфираат во Германија?

Можни состави

Benaglio

Barzagli - Costa - Simunek - Madlung

Kahlenberg - Josue - Misimovic - Santana

Dzeko - Martins

V

Welbeck - Owen

Park - Scholes - Anderson - Valencia

Evra - Carrick - Fletcher - Gibson

Kuszczak

Мој тип:

Ќе биде многу тешко дефинитивно, со оглед на тоа одбраната составено од 3ца играчи од средината или пак некој од резервите.Волфсбург 1-1 Јунајтед

Руни ја преспал ждрепката за СП

Напаѓачот на англиската репрезентација и Манчестер Јунајтед, Вејн Руни призна дека спиел за време на ждрепката за групната фаза за СП 2010 во Јужна Африка и дека конечните групи ги дознал 5 часа откако биле извлечени.

Извлекувањето на групите се одржа минатиот петок токму кога Руни патувал за Лондон пред саботниот натпревар на Јунајтед со Вест Хем. Тој подоцна дознал дека неговата репрезентација е извлечена во група заедно со Алжир, Словениа и САД.

По пристигнувањето во Лондон Руни решил да земе мал одмор кој резултирал со негово пропуштање на здрепката, па морал подоцна да биде известен за тоа како се одвивала целата ждрепка.

''Спиев до 22 часот. Стигнавме со воз во Лондон некаде околу 17 часот. Јас легнав да гледам телевизија. Сум заспал и групите ги дознав дури 5 часа по нивното извлекување.

Сметам дека имавме добра ждрепка. САД ги победија Шпанија на Купот на Конфедерации. Натпреварот со нив ќе биде тежок. Не знам многу за репрезентацијата на Алжир, но сигурен сум дека менаџерот ќе има доволно информации за нив во Ј. Африка.''- заврши Руни.

Фелан не негира потпис на Џеко

Асистентот на Сер Алекс Фергусон, Мајк Фелан, изјави дека Манчестер Јунајтед би испратил понуда до Волфсбург за услугите на Босанецот Един Џеко.

Џеко летово беше блиску до потпис за Милан, Арсенал беа исто така заинтересирани за неговите услуги, но Волфсбург го задржа во своите редови. Тој продолжи да импресионира и оваа полусезона, дури и на Олд Трафорд погоди за Волфсбург.

„Сигурен сум дека многу тимови го бараат Џеко во своите редови. Дали сме ние еден од нив? Ние цело време бараме таленти и сигурно дека сме меѓу тие тимови. Се покажа како голема закана на Олд Трафорд, тој е висок и вешт фудбалер, идеален за Премиер Лигата.“

Што се однесува до откажаниот трансфер на Адем Љајиќ, Фелан му порача: „Сигурен сум дека Адем е разочаран, но сигурен сум дека тој ќе стане уште подобар и ќе ја докаже својата големина, има светла иднина пред себе.“

Огромни проблеми во одбраната

Јунајтед ја има една од најлошата серија повреди на одбраната во последните години, кои можеа да се видат и на Аптон Парк, иако Јунајтед направи голема победа од 0-4.

Сер Алекс Фергусон има огромни проблеми во составувањето на екипата, и најверојатно ќе треба да игра без 7 играчи против Волфсбург, од кои 6 се одбрабени.Само Немања Видич е неизвесен поради грип, и Сер Алекс се надева дека ќе може да смета на него во натпреварот во Вторник.

Заедно со Видич повредени се и Рио,О'Шеј,Рафаел,Фабио и Џони Еванс, а Браун и Гери Невил беа принудени да бидат заменети во натпреварот со Вест Хем.Де Лает и Евра се моментално единствени одбранбени играчи коишто се фит.

"Ова е премногу, скоро сите играчи од одбраната ни се повредени.Немања Видич не настапи денес поради грип, па Невил морав да го играм како стопер, но и тој излезе по само половина час игра.Исто и Вес мораше да искочи на крајот."

"Незнам што ќе правиме во Вторник, како ќе извадам 4 фит дефанзивци.Се надевам дека Немања ќе биде фит, за да можам да го играм со Керик во одбраната." - изјави Сер Алекс.

Најава:Вест Хем v Јунајтед

Премиер Лига, 15то коло|Сабота, 6 Декември 2009|Почеток: 16:00h

Стадион: Upton Park, London

По убедливата победа минатата недела на гости на Фратон Парк против Портсмут, се надеваме сите дека ова е почетокот на една добра серија којашто ќе потрае долго време, за да бидеме во чекор со Челзи кои веќе имаат 5 бода предност.Вест Хем сеуште се мачат во долниот дел на табелата, но формата им се поправа во последните неколку натпревари и под менаџер како легендарниот Џанфарнко Ѕола укажува, дека иако на хартија би требало да победиме, ќе биде тежок и интересен натпревар.

Добра вест за нас е тоа што нивниот најдобар стрелец, Карлтон Кол, се повреди и ќе биде аут до нова година, што е голем минус за Чеканите од Лондон.Не сум сигурен кој би можел да го замени Кол, би требало да е еден од Луис Хименез, кој е позајмен играч од Интер, и младиот талентиран напаѓач Зејвон Хинес, кој најверојатно ќе игра покрај Гилермо Франко.

Кај нас пак, откако младинците добија шанса во Карлинг купот заедно со Видич,Бербатов и Браун, очекувам Јунајтед да излезе со најсилен можен состав.Како и секогаш, тешко е да се предвиди каков состав Ферги ќе извади, со оглед на ротациите кои ги има на 90% од натпреварите.Да се потсетиме, минатата година Гигси ги реши Вест Хем на Аптон Парк со оној фантастичен гол, кој верувам сите го памтите.

Можни Состави

Green

Spector - Gabbidon - Da Costa - Ilunga

Collison - Parker - Kovac - Stanislas

Franco - Jimenez

V

Berbatov - Rooney

Giggs - Fletcher - Carrick - Valencia

Evra - Vidic - Brown - O'Shea

Van Der Sar

Мој Тип:

Верувам дека Вест Хем ќе ни направат проблеми, но без Кол не сметам дека се доволно способни да не тепаат, така да сметам дека ќе биде интересен натпревар и накрај ќе успееме да ги победиме минимално.

Вест Хем 1 - 2 Јунајтед.