Човекот со приматот најтрофејниот играч во Англија, и според многумина менаџери и најдобриот, се приближува кон својот 36-ти роденден и очекува да остане во Јунајтед до кога се чуствува способен за игра.

Се очекува, како и многу други легенди на Јунајтед од калибарот на Марк Хјуз,Брајан Робсон,Пол Инс,Стив Брус и Рој Кин, да стане менаџер на некој премиерлигашки тим.

Во интервјуто за TheMirror.co.uk, Гигс изјави:

"Целиот мој живот го поминав покрај фудбалот, и планирам по пензионирањето да останам со него.На 40 години, нема да можам да играм фудбал, иако многу би сакал, не да можам да издржам на такво ниво. Сакам да завршам на врвот и немам намера при крајот на мојата кариера да си одам во друга, послаба екипа од Јунајтед."

"Сеуште нема да се откажувам од фудбал, се чуствувам добро и здраво, што е најважно.Имам завршено неколку курсеви за тренери и би сакал да останам во фудбалот откако ќе завршам со мојата играчка кариера, но сеуште немам никаков план во врска со тоа"

"Имам многу можности да си одбирам, што ми понудуваат да останам во фудбалот, како тренер,менаџер или репортер.Сепак не сакам да избрзам како што направи Марк Хјуз."

"Се чуствувам одлично, најверојатно бидејќи не играм многу.Сер Алекс ми помага со тоа, си ја имам избалансирано играта за да можам да ја одржам кариерата.Веќе 18 години, за време на летото имам од 6-7 недели одмор, бидејќи со Велс никогаш не сме се квалификувале за некое поголемо првенство.Во 2007 се откажав од интернационален фудбал за да си ја одржам кариерата во Манчестер, не поради тоа што не сме играле во некое поголемо натпреварување."

Една работа се има многу сменето од кога Рајан бил дете.Тоа е нетолеранцијата на поразот.

"Кога бев мал, кога ќе изгубевме натпревар мислев дека е крај на светот и требаше многу долго време за да го прифатам.Но со текот на времето, како стареев, почнав да го прифаќам полесно.Сепак се е до карактерот"

"Кога ќе изгубевме, ќе седнев до Сер Алекс мислејќи дека е крај на светот, бидејќи кога играш за тим како Манчестер Јунајтед победата само се важи,ништо друго.Но, согирачите, најчесто Брајан Робсон и Стив Брус секогаш ќе дојдеа и ќе ме советуваа.Го следев нивниот пример и сега и јас така правам со помладите играчи" - заврши легендата на Манчестер Јунајтед.