Раководството на Манчестер Јунајтед е решено да ги замоли навивачите на клубот да прекинат со навредите кои му ги упатиле на Арсен Венгер кога на дербито на Олд Трафорд тој беше исклучен и пратен на трибините на неколку моменти до крајот.


Навивачите на неколкупати извикале: „Седи доле, педофилу“, со што Јунајтед, а посебно Дејвид Гил се разочарани од ваквиот однос на навивачите, па Гил во октомври, кога ќе се оддржи состанок на неколку од главните навивачи на Јунајтед, ќе биде на тој состанок и ќе ги замоли за што помалку навреди при навивањето.

Јунајтед за овој проблем доби поплаки од навивачите на Арсенал, но не се сигурни дали овој проблем ќе биде целосно решен, затоа што на стадионот има премногу луѓе и не е лесно да се контролираат сите. Филип Таунсенд, директорот за комуникации во Јунајтед, вели дека многупати упатувале апел кон навивачите преку MUTV, преку навивачки форуми, медиуми, но навредите исто така биле и релативни, затоа што некогаш нешто што не е ни навреда за некој навивач на Јунајтед е огромна навреда за некој навивач од Арсенал.

Но, на оваа жалба не остана без коментар ни Фергусон. Тој изјави: „Ако фановите на Арсенал за жалат за ова, што треба да направам јас? Во последниве години другите навивачи навистина претеруваат со скандирањето валкани работи кон Јунајтед. Дури и ја вмешуваат трагедијата во Минхен, што не е нималку мала работа во споредба со навредите на Венгер. Затоа, најдобро ова да го оставиме на полицијата, а ние да се фокусираме на играта.“

Извор