Најава:Сандерленд v Јунајтед

Премиер лига, 37мо коло|Недела, 2 Мај 2010|Почеток: 17:00h

Стадион: Stadium of Light, Sunderland

Клучното коло за сезоната во Англиската премиер лига.Додека Јунајтед ќе играат на стадионот на светлината, играчите и фановите веќе ќе си ги знаат шансите за титула, бидејќи Челзи, во 2 часот му гостува на Ливерпул па со победа или нерешено на домаќините, Јунајтед би можеле да се изборат за првото место и да им ја украдат титулата на Челзи во претпоследното коло.Како и да е, како што рековме, must-win натпревар, без оглед на резултатот од Ливерпул.

По лошиот старт на Април со пораз од Челзи и нерешено до Блекбурн, Јунајтед се врати во игра за титулата со 2 победи против Тотенхем и Сити.Головите на Сколс против Сити и на Нани и Гигс во последните 10 минути во натпреварот со Тотенхем не донесоа во ваква позиција и докажавме дека најдобар период ни се последните 10-15 минути.Сега гостуваме на Сандерленд, кој што едноставно обожава да игра дома на Стадионот на Светлината и едвај успеавме сезонава на Олд Трафорд да извадиме нерешено, а минатата сезона требаше 17 годишниот Македа да го реши натпреварот.

Според информациите, Рио и Руни тренирале со тимот повторно и би ни биле достапни за во недела, тоа го изјави Сер Алекс на пресот, заедно со новиот договор на Невил.Еванс добро го замени Рио последните 2 натпревара и не сум сигурен колку би ризикувал Фергусон да го игра Рио.Не би требало да има големи промени во тимот кој победи Тотенхем, со можност да игра Руни во нападот наместо Бербатов.

Сандерленд имаат многу добра форма кога се работи за натпреварите на свој терен, 3 победи во последните 5 натпревари со Барнли,Тотенхем и Бирмингем.Да не заборавиме, Арсенал и Ливерпул си заминаа со празни раце од стадионот на светлината, но и да не заборавиме дека Челзи им даде 7 гола.Минатиот натпревар успеаа да го победат Хал и да го вратат назад во втората лига.Бент е во одлична форма, има повеќе од 20 голови во лигата, најдобар стрелец им е, и дефинитивно ќе претставува најголема опасност.Покрај Бент, во нападот го имаат опасниот Кенвајн Џоунс и во средината Лорик Кана.Стив Брус е еден од подобрите менаџери во лигата и е дефинитивно име кое е за почит во Англија, а воедно и поранешен играч на Црвените Ѓаволи.Алан Хатон нема да игра поради црвени картони, Џон Менсах и Енди Реид се аут поради повреда, а можно е враќање на Ли Катермол и Џорџ Меркартни.

Можни состави:

Gordon

Bardsley - Ferdinand - Turner - Richardson

Campbell - Cana - Meyler - Malbranque

Jones - Bent

V

Rooney

Nani - Giggs - Valencia

Fletcher - Scholes

Evra - Rio - Vidic - Neville

VDS

Мој тип:

Се освен победа е неуспех за нас, дури и ако Челзи победа на Енфилд, мораме да останеме да се бориме до последното коло за титулата.

Сандерленд 1 - 2 Јунајтед

Нов договор за Гери Невил

Иако требаше сезонава да ја заврши каериаерата, Гери Невил потпиша нов, едногодишен договор со Манчестер Јунајтед.

Капитенот на Манчестер Јунајтед, на денешната прес-конференција од Сер Алекс беше пофален и за неговите перформанси откако се врати по 18 месечна пауза.

Сер Алекс изјави: „Најдовме заеднички јазик со Гери и тој ќе продолжи да игра уште една година за Манчестер Јунајтед. Не го кријам задоволството од потпишаниот договор. Неговиот придонес за клубот е фантастичен.“

Манданда сонува за трансфер во Англија

Францускиот голман на мрежата на Марсеј, Стив Манданда изјавува дека сон му е да игра во англиската премиер лига, откако имаше шпекулации дека Јунајтед е многу заинтерсиран за неговите услуги.

25 годишниот голман беше мета на француските новинари и беше поврзуван со трансфер во Јунајтед, како замена за ветеранот Ван Дер Сар.Манданда е во составот на Рејмонд Доменек за репрезентацијата на Франција во Светското првенство летово, но се смета дека ќе е втор избор покрај талентираниот Хуго Лорис.

Поранешниот играч на Ле Авр, изјави дека сон му било да игра во Премиерлигашки тим.

"Би требало да сакам да останам во Марсеј и следната сезона, но сакам и нов предизвик.Никогаш не знаеш кога ќе добиеш таква прилика и дали ќе има втор пат.Немам досега никаков контакт со било кој друг тим, но признавам дека отсекогаш сум сонувал да играм во Премиер лигата.Слушнав дека Манчестер Јунајтед барале нов голман.Незнам дали е моето име на нивната листа, но никогаш неможеш да знаеш што да очекуваш" - изјави Манданда за весникот JDD.

Хуманитарен меч на повидок

Сер Алекс Фергусон е задоволен а во исто време и возбуден да ги види своите херои од 99тата година кога Јунајтед освои требл на едно место, на Олд Трафорд, во чест на хуманитарен натпревар.

United Relief на 1 мај ќе биде голем ден. Дали со нетрпение го очекувате?

САФ: Да, бидејќи многу од играчите кои беа дел од тимот во 1999 година ќе бидат таму. Мислам дека ќе биде посебна прилика. Се надевам на голема посетеност, имаме голем број на фанови и фактот што не играме наредниот ден на стадионот, ќе помогне. Ја организираме оваа акција за да собереме пари кои ќе ги донираме во хуманитарни цели, а фановите ќе сакаат барем уште еднаш да ги видат на едно место Јорк, Кол, Стам, Џонсен..

Би било посебно одлично да ги видиме Јорк и Кол заедно. Какви беа тие во 99та?

САФ: Фантастични, поготово во сезоната кога постигнаа 52 гола заедно. Мислам дека беа најдобрите во Европа тоа време, неверојатно партнерство. Никогаш не видов двајца играчи кои толку брзо се поврзаа и сплотуваа таква игра од ден на ден, од меч на меч. Беа толку ефективни што беше тешко да ги заменам на теренот со Шерингем и Солскјер. Некои ми велеа дека сум среќен човек што имам 4 добри напаѓачи во исто време, но јас им велев дека тоа ми создава главоболки (се смее).

Дали мислите дека ќе се соберат доволно средства?

САФ: Тоа е главната цел. Клубот врши фантастична работа со фондацијата и со УНИЦЕФ и се надевам дека ќе бидат собрани доволен број на средства.

Ники Бат планира да се пензионира и да стане тренер

Поранешната ѕвезда на Манчестер Јунајтед која дебитираше во 1992 година и освои 6 ПЛ трофеи, 3 ФА купа и еден ЛШ трофеј со овој клуб.

Неговиот договор истекува летово и неговиот менаџер верува дека Бат има цврстина и карактер за да биде тренер. Хјутон изјави:„Ники е одличен амбасадор. Го знам уште од времето кога играше за Јунајтед каде беше еден од младите и квалитетни играчи. Тука, во Њукасл е еден од клучните играчи, капитен на клубот и е еден од оние кои ги повлекуваат конците на теренот кога тоа му е потребно на тимот.“

„Тренерска позиција во клубот не е нешто за што сме зборувале, но Ники секако дека ги има квалитетите за неа.“

Руни избран за најдобар играч во ПЛ за 09/10

На денешната церемонија, Вејн Руни како и по очекувањата беше избран од ПФА, за најдобар играч во Премиер лигата за сезоната 2009/2010, земајќи ја наградата од Рајан Гигс, минатогодишниот освојувач.

Иако беше повреден неколку пати, Вејн Руни успеа да постигне фантастични 34 гола сезонава, и го освојува овој значаен трофеј пред Дидие Дрогба,Цеск Фабрегас и поранешниот соиграч Карлос Тевез.

Руни, заедно со Евра,Флечер и Валенсија се најдоа и во најдобрите 11 на ПФА.Руни досега имаше освоено 2 пати наградата за најдобар млад играч во лигата, во 2005 и 2006, и конечно сега ја освојува и највредната од сите.Иако има само 24 години, досега Руни има освоено 3 титули во ПЛ, 2 во лига купот и 1 ЛШ на клубски план, и многу останати на индивидуален план.

Најдобри 11 за 09/10 според ПФА: Харт;Иванович,Дан,Вермален,Евра;Валенсија,Фабрегас,Флечер,Милнер;Руни,Дрогба.

Најава:Јунајтед v Тотенхем

Премиер Лига, 36то коло|Сабота, 24 Април 2010|Почеток: 13:45h

Стадион: Old Trafford, Manchester

Откако помина перфектниот викенд за секој фан на Јунајтед, се враќаме во Премиер лигата против тимот за којшто навивавме последните 2 кола, торменторот на Челзи и Арсенал, по име Тотенхем.Како што знаеме, последните 3 натпревари со Спарси, Сандерленд и Стоук се must-win па овој натпревар претставува уште еден многу важен тест кон стремежот на Јунајтед за титулата во Премиер лигата.Дефинитивно нема да биде лесно со оглед на формата на Тотенхем и нивните последни неколку импресивни натпревари со многу силни тимови.Но, поддржката од фановите на Олд Трафорд плус враќањето на Вејн Руни би требало да ја направи оваа задача колку-толку полесна.

Нашата форма е WWLDW и пред победата над Сити сите веќе не отпишаа од титулата, па дури и некои од фановите на Јунајтед веќе го отпишаа својот тим од трката.Доколку мене ме прашувате, формата во последниве натпревари на тим кој се бори за титула во Премиер лигата не треба да се смета, се може да се случи.За составот со кој би можеле да излеземе сметам дека не е толку тешко да се состави.Голманот и одбраната скоро остануваат исти, ВДС, Видич,Рио,Евра и сега се надевам дека Рафаел ќе игра место Гери во првите 11 но не верувам дека Фергусон ќе го пушти младиот бразилец во волку важни натпрвари.Сега средината е најголемиот проблем и има најмногу за дебатирање.Флечер сигурно ќе игра, прашањето е кои ќе го придружуваат.Сколси можеби заслужи со голот во 93тата минута минатиот натпревар па би го играл и него.Керик дефинитивно не заслужува да игра според играта која ја прикажа со Баерн и претходните неколку натпревари, изигра многу лошо.Гигс или Гибсон на тоа место, можеби и Парк.Потоа, Валенсија и Нани како крила и поддржка за Вејн, кој пак би бил осамен во нападот.Се надевам дека Ферги нема да го стави Бербатов во вакви must-win натпревари.

За Тотенхем продолжува борбата за 4тото место.Ни на сон не би помислиле дека имаат шанса да победат 3 тима од големата 4ка за само 3 викенда, но сега тоа изгледа многу возможно.Откако испаднаа од ФА Купот имаат 6 од 6 бода и тоа против Арсенал и Челзи, двата натпревари со комплетна доминација на Тотенхем и многу многу импресивна игра.Герет Бејл го покажува своето вистинско лице на вистинската позиција за него.Не лев бек, туку лево крило.Фантастична игра покажана од него, па заедно со Дефо би претставувал најтешка пречка.

Можни состави:

VDS

Neville - Vidic - Rio - Evra

Fletcher - Scholes - Gibson

Valencia - Rooney - Nani

V

Defoe - Pavlychenko

Bale - Modric - Huddlestone - Bentley

Ekotto - Dawson - King - Kaboul

Gomes

Мој тип:

Ние тепаме.

Јунајтед 2-1 Тотенхем.

Ферги:"Не се пензионирам"

Сер Алекс Фергусон ги негираше шпекулациите дека ќе се пензионира на крајот од оваа или следната или таа после следната сезона или било кога од менаџерската позиција во Јунајтед.

Весниците извадија информации дека Фергусон ќе се пензионирал на крајот од следната (2010/11) сезона и дури и почнаа да стават коефеиенти за можни негови замени.Фергусон уште еднаш изјави дека нема намера да се пензионира и дека се додека се чувствува здрав, ќе седи на жешкото столче во Манчестер Јунајтед.

"Глупости.Нема никаква вистина во тоа.Нема никаква намера да се пензионирам и ако имав сигурно немаше да кажам на весниците, туку тоа ќе беа Дејвид Гил и Глејзери.Тие што ги измислуваат овие работи ќе се пензионираат пред мене."

Фергусон и Јунајтед се борат против Челзи и Анчелоти за титулата во Премиер лигата и Сер Алекс изјавува дека сеуште го поднесува притисикот којшто го носи менаџирањето на највисоко ниво.

"Мора да прифаќаш различни предизвици во животот.Јас го одбрав Манчестер Јунајтед и ќе одам до крај, сеуште се држам.Единствено нешто што би ме спречило да станам од менаџерската столица е моето здравје, кое засега е одлично" - изјави Фергусон изутринава за MUTV.

Истотака, на пресот Фергусон објави и дека Рио Фердинанд тренирал вчера, Вес Браун истотака, Харгривс бил планиран за оваа недела но повторно не тренирал последните 2 дена поради проблеми со мускулот на ногата.

Луис Фабијано:Би сакал да играм во Јунајтед

Бразилскиот напаѓач на Севиља чиј договор истекува на крајот од следната сезона изјавува дека би сакал да направи трансфер во Манчестер Јунајтед летово.

29 годишниот напаѓач досега има постигнато 90 гола во 187 натпревари за Севиља и смета дека доколку направи трансфер во Манчестер Јунајтед ќе има поголеми шанси за освојување на трофеи.

"Доколку ме прашате кој тим најмногу го почитувам тоа е Манчестер Јунајтед.Ако менаџер ти е Сер Алекс Фергусон неизбежно е освојувањето на трофеи, тоа го сака секој играч на светот." - изјави Луис Фабијано за Daily Express.

Досега Фабијано има освоено 2 УЕФА купа и 1 Копа Дел Реј со Севиља и неговата цена се смета дека е околу 15 милиони фунти.

Зајлер потпиша со Хановер

Резервниот голман на Јунајтед, Рон-Роберт Зајлер денеска потпиша за Германскиот прволигаш Хановер, потврди официјалната веб-страна на германскиот тим.

21 годишниот германец помина низ сите младински категории на Јунајтед откако потпиша за Јунајтед од Келн во 2005, 2 сезони играше за резервите но не успеа да добие шанса за првиот тим.Неговиот договор истекуваше во Јуни и Хановер се одлучи да му даде шанса.

Зајлер имаше неколку проби во Германија и Белгија сезонава, во Хановер и во Вестерло.Сега, официјално потпиша 2 годишен договор со Хановер, којшто се бори за опстанок во Бундеслигата.

Зајлер ќе биде втор избор покрај Флориан Фромовиц.Како што знаеме, поранешниот бр.1 во Хановер, Роберт Енке, изврши самоубиство на крајот на минатата година.

Флечер:Притискот е врз Челзи

Дарен Флечер се надева дека Челзи ќе потпаднат под притисокот, со што би му дозволиле на Јунајтед да дојде до 19тата шампионска титула во Премиер лигата.

Манчестер Јунајтед моментално се наоѓаат 1 бод позади Челзи и иако изгледаше дека трката за титулата е готова, Црвените ѓаволи се вратија за повторно да го гонат Челзи за шампионското место.Челзи беа сметани за фаворити уште на почетокот на сезоната, а и сеуште се, но Дарен Флечер смета дека Јунајтед можат да ја освојат титулата и дека се спремни да ја искористат секоја грешка на Челзи.

"Притисокот е на Челзи, бидејќи тие се тимот којшто води во лигата.Ние мораме да си го обработиме нашето до крај и да се надеваме на кикс на Челзи.Сметам дека во еден момент сметаа дека се е готово и дека се опуштија, иако таа позиција воопшто не беше поволна за нив и можеа во текот на сезоната да направат веќе да е завршена трката за титулата.Сега се може да се случи до крај, дефинитивно ќе се бориме до последната секунда за титулата."

"Никогаш не сметавме дека сме надвор од трката, се додека има натпревари за играње не се знае.Најразочарувачки беше ремито со Блекбурн на Ивуд Парк, титулата изгледаше многу нереално од таа позиција, но минатото коло покажа како за само 1 викенд можат драстично да се сменат работите.Мораме да се концентрираме само на нас и да победуваме во останатите натпревари.Ако не победиме, сите знаеме што ќе се случи"

Јунајтед поврзуван со Вучкич, тој поласкан од интересот

Јунајтед покажува интерес за играчот од средниот ред на Њукасл, Харис Вучкич.17 годишниот изјавува дека е поласкан од интересот од тим како Јунајтед.

17 годишниот словенец кој се смета за огромен талент во идниот премиерлигаш Њукасл, по најавите во весниците дека е Сер Алекс бил многу заинтересиран за него, изјавува дека е поласкан од интересот од тим како Манчестер Јунајтед.

Тој уште пред да дојде во Њукасл, беше на мета на Сер Алекс и имаше и една проба во Милан минатата година, но потпиша во Јануари 2009 за Њукасл.

"Ги слушнав шпекулациите дека Јунајтед се заинтересирани за мене, но ќе бидам искрен, не сум имал никаков контакт со нив.Само знам што се пишува по весниците.Но, секако, многу сум поласкан од интересот од тим голем и успешен како Јунајтед.Ќе признаам, би било многу тешко да кажам не на Сер Алекс кој е познат по развивањето на млади играчи како мене." - изјави Вучкич за Ekipa.

Вучкич има изиграно само 3 натпревари во првиот тим сезонава, но беше долго време повреден, 6 месеци поради повреда на коленото и зглобот.

Фергусон, твој е за 15 милиони!

Манчестер Јунајтед може да направи трансфер на играчот на Астон Вила, Џејмс Милнер за 15 милиони фунти ова лето, податок што го објави управата на Астон Вила.

Според неговите досегашни настапи, Милнер се истакна на фудбалскиот терен откако беше префрлен од крилната позиција да игра на средината од теренот од неговиот менаџер, Мартин О`Нил.

О`Нил вели дека Милнер е тип на играч каков што посакува Сер Алекс и дека би бил соодветна замена за Пол Сколс. Додаде и дека нема да му пречат да си замине од клубот доколку за него биде искеширана објавената сума на пари.

No way, Jose! Останувам со Манчестер Јунајтед

Менаџерот на Манчестер Јунајтед, Сер Алекс Фергусон, изјави дека нема намера да се повлече и дека сака се` уште да остане на менаџераската позиција на Манчестер Јунајтед.

САФ го изјави ова по завршувањето на натпреварот против Сити, со што веројатно го разочара менаџерот на милански Интер, Жозе Мурињо. Се јавија гласини дека тој сака да си замине, но 68 годишниот Шкотланѓанец изјави дека нема намера да го направи тоа во блиска иднина.

Дури и Стивен Брус, менаџерот на Сандерленд негираше било какви повлекувања. „Тоа се само шпекулации, тој ќе биде во бизнисов уште долго време.“

Одлуката на Фергусон да остане ќе биде можеби лоша вест за Мурињо, кој е исто така цел и на Реал Мадрид. Но тој изјави дека не е тајна дека сака да се врати во Премиер Лигата но овој пат како лидер на Манчестер Јунајтед, откако ја одби понудата од Манчестер Сити.

Сега, прашањето е дали Мурињо ќе чека Фергусон да се пензионира за да ја искористи својата шанса да го наследи.

Кристијано:"Нема шанса Руни да си оди од Јунајтед"

Поранешната седумка на Јунајтед, Кристијано Роналдо, во уште една од своите изјави поврзани со поранешниот тим, вели дека нема никаква шанса Руни да му се придружи во Реал следната сезона.

Во последнава недела растеа шпекулациите дека Реал Мадрид ќе направат гигантска понуда кон Вејн Руни како што направија кон Кристијано Роналдо за да го привлечат да дојде и тој на Сантиаго Бернанбеу.Исто, сакаат да го донесат и Фабио Капело како менаџер место Мануел Пелегрини.

Роналдо во неговата изјава за News of The World вели дека сеуште е во контакт со некои играчи на Јунајтед и инсистира дека Вејн Руни е многу среќен во Манчестер и дека не би сакал да оди во кој било тим.

"Сеуште имам контакти и сум добар пријател со Рио,Немања и Вејн во Манчестер.Мислам дека Руни нема причина зашто би си одел од Манчестер, тој е многу среќен таму и мислам дека не би сакал да ми се придружи овде."

Исто, Роналдо смета дека и без него тимот игра многу добро и е еден од најдобрите тимови во Европа моментално.

"Многу добро се вклопија во тимот без мене, некои играчи што не добиваа толку шанса кога јас бев таму, сега почесто играат и стануваат добри играчи, и сум многу среќен за нив.Го освоија Карлинг купот и сеуште се во тесна битка за Премиер лигата.Испаднаа од ЛШ, иако сметам дека требаше да продолжат кон полуфиналето.Секогаш ќе им го посакувам најдоброто." - изјави Роналдо.

Најава:Сити v Јунајтед

Премиер Лига, 35 коло|Сабота, 17 Април 2010|Почеток: 13:45h

Стадион: City of Manchester Stadium, Manchester

Четвртото Манчестер дерби сезонава, но дефинитивно најважното без размислување, поготово за нас, фановите на Јунајтед.Do or Die викаат англичаните.Игравме многу големи натпревари сезонава, но играјќи против градскиот ривал, знаејќи дека ако изгубиме веќе дефинитивно немаме никаква ни теоретска шанса за освојување на 4тата рекордна по ред титула.Вејн ми требало да се врати за овој натпревар, откако не беше ниту на клупата на ремито на Евуд Парк, но Фергусон изјавува дека сеуште не се знае за неговиот настап, исто како и за Гигс и Рио.Сити влегуваат во овој натпревар посебно мотивирани, од двата последни натпревари со вкупен резултат од 11 - 2.Сите памтиме како заврши минатиот натпревар во лигата и сигурно фановите на Сити ќе сакаат одмазда за голот во судиското продолжение.

Разорачувачки 2 недели за нас, испаѓање од Лигата на Шампионите, пораз од Челзи и нерешено со Блекбурн.Веќе титулата 90% е во рацете на Челзи, иако има уште 4 кола заедно со ова до крајот, не верувам дека Челзи би прокоцкале 4 бода предност.Доколку Руни биде фит сигурно пак ќе искочиме со 4-5-Руни формацијата, не ни сакам да помислам што ќе ни се случи ако пак играме со Бербатов.Мораме да се надеваме дека Валенсија и Нани ќе изиграат перфектно по крилата, заедно со Флечер на средината.Ќе мораме повторно да се молиме во Руни, како и цела сезона, да игра феноменално и да ги затне Сити заедно со Тевез.

Сити се во брилијантна форма.11 голови за 2 натпревари е фантастичен гол-скоринг рекорд,а и одбраната се чини дека им е многу подобрена од последниот наш натпревар.Борба за 4то место, фантастична форма, играње против градскиот ривал дома.Не постои поголема мотивација која некој тим би можел да ја има моментално, ќе играат со сите сили дефинитивно.Тевез и Адебајор во фантастична форма, Џонсон ќе мора да игра против Евра, Де Јонг и Бери во средината ќе додадат уште суровост во средината.Онуоха даде 2 гола со Бирмингем па можно е и него да го видиме во одбрана со Гаридо,Туре и Компани.

Можни состави:

Green

Onuoha - Kompany - Toure - Garrido

Johnson - De Jong - Barry - Bellamy

Adebayor - Tevez

V

Rooney

Valencia - Fletcher - Scholes - Gibson - Nani

Evra - Rio - Vidic - Rafael

VDS

Мој тип:

Очекувам многу тесен натпревар, многу голови,борба на теренот и до крај на натпреварот.Сити нема да сакаат да изгубат повторно поготово кога Јунајтед е во мизерна форма, и сигурно дека ќе се борат за тоа толку посакувано 4то место кое носи во Лигата на Шампионите.Сите Манчестерски дербиња се неспоредливи за фановите на Јунајтед и Сити, поготово откако шеиците инвесираа во Сити.

Сити 2-2 Јун... шо се заебаам бе, ќе ги згазиме 0-5 :D

Нов договор за Пол Сколс

Манчестер Јунајтед ја има честа да соопшти дека е потпишан нов едногодишен договор со Пол Сколс.

Во врска со потпишувањето, Сер Алекс изјави: „Пресреќни сме што Пол се одлучи да потпише уште еден договор со нас. Неговата форма оваа година ја рефлектира неговата способност да одигра уште една сезона на ниво. Имаше информации дека сака да се повлече, но кога ќе го видите како ужива додека тренира и игра гледате колку многу сака да продолжи да игра фудбал.“

На сето ова, Пол Сколс додаде: „Среќен сум што потпишав уште еден договор. Се чувствувам одлично и уживам во играта. Сакам да му заблагодарам на САФ, тренерската постава и на фановите за нивната безрезервна поддршка.“

Се чека на триото

Состојбата на тројцата клучни играчи Вејн Руни, Рио Фердинанд и Рајан Гигс се надгледува постојано и Фергусон смета дека сите тројца ќе настапат на дербито на Истлендс.

Вејн Руни последните неколку дена се однесувал одлично на тренинг но Сер Алекс сака да биде уверен дека тој е 100% фит за натпреварот. „Проблемот е што сите тројца сакаат да играат. Но мораме да бидеме уверени дека Вејн е сигурно спремен. Истово се однесува и за Рајан и Рио иако тие работеа помалку на тренинзите од Вејн. Незгодно е да се здобијат повреди сега, но барем одработија плус тренинзи. Овен Харгривс исто така ќе биде во план за мечот, но се` уште ништо не се знае.“, изјави Фергусон на денешната прес конференција.

Јунајтед нуди 15 милиони фунти за Хуго Лорис

Сер Алекс Фергусон продолжува со потрагата по замена за ветеранот Ван Дер Сар, и медиумите сметаат дека овојпат на метата е првиот голман на Франција и Лион, Хуго Лорис.

Фергусон ќе биде присутен на натпреварот помеѓу Лион и Бордо следниов викенд, кадешто ќе може да го види младиот французин во акција.Досега многупати се има докажано дека е огромен талент и дека е одличен голман, со тоа го придружува и фактот дека е прв избор на француската репрезентација која ќе настапи на Светското првенство летово.

Јунајтед уште одамна се заинтересирани за Лорис и се смета дека Фергусон побарал совет за замена на ВДС од тренерот на голманите Ерик Стил и тој му го посочил токму Лорис.Се верува дека Јунајтед ќе направат понуда од 15 милиони фунти за французинот кон неговиот тим Лион пред почетокот на Светското првенство.

Ширење на кампањата

Во последно време низ Манчестер почнаа да излегуваат разноразни билборди и плакати во зелено-жолта боја кои се дизајнирани бесплатно од фан на Манчестер Јунајтед.

„Тоа што сакаме да го постигнеме е да собереме колку што можеме повеќе идеи и да извршиме притисок врз Глејзери за продавање на клубот. Мислам дека со тоа тие ќе бидат изненадени кога ќе видат колку им значи клубот на фановите и дека сево ова не е шала. Моментално нашата кампања има 151.000 следбеници, но Јунајтед има околу 330.000.000 фанови во светот и оваа кампања има потенцијал да се зголеми.“, изјави Џастин Кернис, креаторот на билбордите.

Оваа вест дојде во истата недела кога Црвените витези дошле до финансиски план како да го откупат клубот на крајот од сезонава и фановите се надеваат дека продавањето на клубот ќе се случи што побрзо.

Евра:Рафаел ќе стане легенда на Олд Трафорд

Патрис Евра му даде поддржка на младиот бразилски бек, Рафаел да Силва, изјавувајќи дека има потенцијал да биде еден од најдобрите бекови коишто Јунајтед ги имал, доколку продолжи вака и дека црвениот картон ќе му биде само од добро.

"Црвениот картон на толку важен натпревар и конечниот исход од истиот натпревар, ќе му помогнат многу на Рафаел за да стане голем играч.Кога ќе се здобие со искуство ќе стане различна класа.Му го знам менталитетот, многу е сличен на мене.Има многу желба за истакнување и е гладен за успеси.Ова беше само еден дел од неговото развивање, сигурен сум дека еден ќе стане еден од најдобрите бекови на Јунајтед, и легенда на Олд Трафорд" - изјави Патрис.

Најава:Блекбурн v Јунајтед

Премиер лига, 34 коло|Недела, 11 Април 2010|Почеток: 14:30h

Стадион: Ewood Park, Blackburn

По разочарувачкиот пораз од Баерн се враќа на работа во Премиер лигата, во трка по 4та последоватолна титула.Не смееме да тагуваме многу за тој пораз дека може да не кошта уште една титула, бидејќи од сега па до крај секој натпревар е must win.Многу потешко и поопасно излгедаат натпреварите со Сити и Тотенхем, но ни Блекбурн не се за потценување, поготово откога ремизираа со Челзи на истиов стадион.Со победа, би се искачиле на првото место и повторно притисокот ќе биде на Челзи, коишто не играат викендов поради полуфиналето од ФА Купот.

Формата ни е WWWWL со пораз од Челзи минатото коло.Исто, Ферги изјави дека дефинитивно нема да игра Вејн Руни бидејќи на натпреварот со Баерн ја обновил повредата на истиот зглоб и ќе се врати следната недела со Сити.И јас би го направил истото, мораме да го чуваме Руни за натпреварот со Сити кој ни е најважен и тежок во овие последни 5.Најверојатно повторно ќе мора да го гледаме Бербатов во прв состав, иако јас би преферирал било кој друг на тоа место освен него.Но, ако Нани и Валенсија играат како со Баерн, тогаш би можело пак да започнеме со 4-4-3, со средина од Флечер,Гибсон и Сколс.

Блекбурн се истотака во солидна форма, имаат неколку добри резултати во последните натпревари и формата им е LDWWD и дефинитивно најзабележително е ремито со Челзи и победата во дербито со Барнли.Гостинската форма не им е добра, но дома тие се едни од најтешките тимови за да се игра против.Минатиот натпревар со Портсмут започнаа со Робертс во нападот, и сега е можно да почнат Калинич или Ди Санто на негово место, другите би требало да останат исти.

Можни Состави:

Robinson

Salgado - Jones - Givet - Olsson

Diouf - Samba - Dunn - N'Zonzi - Pedersen

Roberts

V

Nani - Berbatov - Valencia

Scholes - Fletcher - Gibson

Evra - Vidic - Rio - Neville

VDS

Мој тип

Доаѓа крајот на сезоната, нервозен сум пред секој натпревар бидејќи мораме да ги победиме сите доколку сакаме да имаме шанса да освоиме лигата.Очекувам да се дигне формата и сите играчи на повисоко ниво и ќе речам дека ќе имаме многу тешко издвоена победа.

Блекбурн 0 - 2 Јунајтед

Манчестер Јунајтед си го најдоа новиот Солскер

Манчестер Јунајтед во Хавиер Ернандез сигурно ќе добијат играч од типот на Оле Гунар Солскер, изјавува поранешниот напаѓач на Евертон и на Манчестер Сити, Адриан Хит, кој бурно ја следи мексиканската лига.

„Хавиер е познат како Кикарито, но не треба на него да гледате како на мал поради неговата игра. Тој има одлично движење низ теренот, добро се снаоѓа во воздушните дуели и скоро секогаш е успешен во дриблинзите со противничките бекови и стопери. Едноставно, кога го гледате како игра, имате чувство дека во секој момент ќе погоди, исто како кога го гледавте Оле.“, изјави Хит.

Хит, исто така додаде: „Кикарито требаше да игра уште одамна за репрезентацијата, но не беше повикан поради тоа што беше многу млад, но се појави и ги демантираше сите со 4 гола во 4 настапи. Нема да му биде проблем да игра на Олд Трафорд со таква атмосфера, бидејќи е навикнат на атмосферата на навивачите на Чивас, бидејќи во Мексико фудбалот е многу популарен спорт.“

Фергусон планира нови засилувања

Главниот извршител на Манчестер Јунајтед, Дејвид Гил, денес посочи дека е можно ова да биде многу интересно лето и дека би можело да има нови засилувања.

Сабајлево имаше шпекулации дека Давид Виља бил понуден на Јунајтед за сума од 40 милиони фунти, но Сер Алекс морал да ја одбие поради финанските проблеми создадени од газдите на клубот, фамилијата Глејзери.Како и да е, Soccernet дознава дека Фергусон ја одбил понудата поради тоа што тој смета дека за негови години (28), Давид Виља е преценет.

Истотака се дознава дека Фергусон летово ќе бара нов напаѓач во тимот и нов голман.Вчера веќе беше донесен еден млад напаѓач од Мексико, Хавиер Хернандез и веќе одамна е осигуран потписот на Крис Смолинг од Фулам.

"Сеуште ги кроиме плановите за следната сезона.Веќе го купивме Крис Смолинг од Фулам и едвај чекаме да пристигне во Јули.За понатаму ќе видиме, можно е да биде интересен трансфер период" - изјави Гил за MUTV.

Последните шпекулации ги носат Бензема,Виља и Џејмс Милнер на Олд Трафорд, а Бербатов,Андерсон и Керик аут од тимот.

Интервју со новото засилување - Ел Чичарито

Во ексклузивно интервју за MUTV, новото засилување Хавиер Хернандез, познат под надимакот Чичарито ко објаснува својот трансфер на Олд Трафорд како "остварување на сонот".

За почеток, Хавиер какво е чувството да потпишеш за Јунајтед?

Се ми е како сон, се чувствувам многу среќен.Навистина уживав во неделава помината во Манчестер - стадионот,атмосферата во клубот и историјата се неверојатни и сакам да доживеам големи успеси тука.

Присуствуваше на натпреварот со Баерн - какво беше чувството на Олд Трафорд?

Чувствува многу работи и, како што реков, го остварив својот сон.Атмосферата беше фантастична поготово фановите кои сите заедно пееја.Беше фантастично да се види.

Каков играч си ти?

Сакам само да уживам во тоа што го правам.Сакам да победувам секој ден и се надевам дека ќе можам да направам големи работи тука.

Се запознавте веќе со Сер Алекс - какви ти се првичните имперсии од новиот менаџер?

Тој е одлична личност и најверојатно најдобриот тренер на сите времиња.Сите импресии од тимот и градот се неверојатни.

Твоето семејство сигурно е многу возбудено за твојот трансфер во Манчестер...

Да, секако.Моето семејство се моите најголеми фанови и секогаш биле со мене, и во добро и во лошо, во секоја одлука ме поддржувале и сега се пресреќни.

Јунајтед во Јули годинава ќе играат во Мексико - каков пречек да очекуваме?

Најдобра можна.Во мојата земја Манчестер Јунајтед има најголем број фанови и се смета за најголемиот тим и пречекот ќе биде неверојатен, можам да ве осигурам.

Јунајтед го купија напаѓачот Хавиер Хернандез

Потврдено од официјалната страна, Јунајтед го купија 21 годишниот напаѓач на Чивас и Мексиканскиот репрезентативец Хавиер Хернандез.

Манчестер Јунајтед самошто потврди дека го купија напаѓачот на Чивас де Гуадалхара, Хавиер Хернандез за сеуште непозната цена.21 годишниот напаѓач има импресивен рекорд на голови во мексиканската лига и има одиграно неколку натпревари за репрезентацијата.

Тој веќе ги помина лекарските прегледи во Манчестер и уште се чека за работната дозвола за да биде комплетиран трансферот.Истотака, како резултат на ова, Манчестер ќе одигра натпревар на новиот стадион на Чивас против истоимената екипа.

"Презадоволен сум што успеавме да се договорима со Чивас за да го донесеме овој млад и многу перспективен напаѓач во нашите редови.Ќе биде од огромна помош во тимот и со нетрпение го очекуваме првиот мексиканец на Олд Трафорд летово.Исто, одушевени сме што ќе бидеме првиот тим што ќе игра на нивниот нов стадион." - изјави Фергусон.

Инаку досега Хернандез има постигнато 11 голови во Мексиканската прва лига со што е на 3то место и вкупно 21 гол од 28 натпревари.

Руни со повторно, но не толку сериозна, повреда на зглобот

Сер Алекс изјавува дека ризикувал што го играл Руни но посебно ги критикува одбрабените играчи, особено Ван Бајтен, коишто намерно го удирале по повредената нога што резултираше со повторна повреда.За среќа, овојпат не е толку сериозно.

"Имаше тренинг сесија вчера и направи се што побаравме од него.Медицинскиот тим сметаше дека ќе нема опасност, освен што би можел да осети болка во второто полувреме и јас го прифатив ризикот и го играв уште од прва минута."

"Повторно немаше среќа и си го повреди истиот зглоб.Имаше неколку фаули врз него коишто судијата не ги досуди а беа со намера, точно на повредениот зглоб.Судијата е тука за да ги штити играчите а тој во овој случај не ги штитеше, барем моите играчи.Сепак, мислам дека повредата не е сериозна, ткивото и крвните садови во ногата се проблемот.Ќе му дадеме потребен третман од утре и мислам дека ќе го пропушти натпреварот во недела, но ќе биде спремен за со Сити" - изјави Ферги.

Фергусон:Нема да давам енормни цени за играчи

Сер Алекс Фергусон изјави денес дека не планира да прави огромни промени во тимот на лето и дека е среќен со екипата којашто ја има моментално.

Сер Алекс вели дека нема троши многу иако го продаде Роналдо за 80 милиони фунти минатото лето.Се ова се повеќе доведува до шпекулации дека Глејзери го притискаат Фергусон да не троши многу пари летово поради големите долгови коишто ги има Јунајтед, околу 800 милиони фунти.Фергусон ги обнови договорите на близнаците Да Силва и Нани, а Дејвид Гил и други членови во Јунајтед тврдат дека Фергусон ги има на располагање сите пари коишто му се потребни.

"Не е потребен целосен ремонт во тимот.Имаме многу добар состав способен за освојувње трофеи, и само фалат да се пополнат некои дупки и тоа е тоа.Гледам огромен потенцијал во овој тим и не треба да се оценува од една сезона дека тимот не е добар, треба време за да се вклопат заедно и да се пополнат некои дупки - коишто нормално не кажувам кои се."

"Имам неколку идеи моментално, но нема да има многу нови играчи.Како и да е, цените во трансфер маркетот многу се кренаа и станаа многу нереални последнава година" - изјави Фергусон за InsideUnited.

Најава:Јунајтед v Баерн

Лига на Шампиони, 1/4 финале, 2 рунда|Среда, 7 Април 2010|Почеток: 20:45h

Стадион: Old Trafford, Manchester

Red Devils

Не баш најдоброто време за гостување на Баерн во Манчестер.2 натпревари, 2 големи тимови, 2 порази.Минатиот натпревар заврши со 2-1 за нив во Минхен, со гол во последната минута, но како што би рекле повеќето реални фанови на Јунајтед,заслужена победа на Баерн.Истото може да се каже и за натпреварот со Челзи викендов, иако многу поконтроверзен од овој со Баерн, 2 недосудени пенали за нас, еден за нив, гол од офсајд на Дрогба и гол со рака на Македа.За да биде уште полошо, Руни ни е повреден.Дефинитивно многу, многу лоша недела за фановите на Јунајтед, но треба да се земат и неколку работи во обѕир за овој натпревар.

1.Имаме гол во гости.Дали е можно да не дадат гол на ОТ?Повеќе од можно, но многумина според моменталната форма на двата тима сметаат дека е неизбежно.Како и да е, ние мораме да постигнеме гол за да победиме,макар и со 1-0.Да, 1-0 за нас е резултат кој не носи понатаму.Не изгледа толку далеку полуфиналето сега така?Како и да е, какошто кажа Сер Алекс, Јунајтед никогаш не ги прават работите на лесниот начин.

2.Wake up call, the United style.Последните 2 натпревари ја немавме онаа победничка игра и менталитет, ја немавме желбата да освоиме бодови или трофеј.Неможеме да очекуваме победи против толку добри противници ако не дадеме 100% и играме најдобро.Ова е многу лошо, игравме против Челзи како да сме 10 бода пред нив.Јас се надевам дека поразите од Баерн и Челзи ќе бидат wake up call за играчите дека треба да се стегнат и да покажат кој е вистинскиот Јунајтед, дека не сме 1-man team и дека можеме и без Роналдо,Тевез и Руни пак да победуваме.

3.Ова е исто многу важно, враќањето на некои многу важни играчи на Баерн.Најголемиот проблем - Арјен Робен, сеуште е неизвесен за натпреварот и нема да се знае ништо до тренингот пред натпреварот утре, но ако мене ме прашувате Робен ќе игра 99%.Исто, тука е Ван Бајтен кој се повреди на натпреварот со Шалке и не се знае истотака дали ќе игра.Им се враќа Швајнштајгер, кој беше суспендиран поради црвениот картон со Фиорентина.Ќе бидат многу поопасни по крилата и не сум сигурен дали Рафаел и Гери Невил би можеле да ги сочуваат 90 минути и Рибери и Робен.

За составот, има 2 многу важни работи.Првата е дека САФ мора да го игра Нани прва постава а втората е дека Парк не смее да игра во први 11 до крај на сезона инаку ќе продолжиме со мизеријата.Нема против да игра заедно со Валенсија кога Руни е напред, но сега со Бербатов не смее никако да игра.Средината ќе биде многу важна, Флечер и Керик би требало да бидат тука, Валенсија и Нани по крилата и најверојатно Гигс како полушпиц па Бербатов пак сам како напаѓач.Мое мислење е дека Македа би требало да стартува покрај Бербатов дека видовме и самите како Берба се снаоѓа сам во напад и колку оживеа нападот по влегувањето на Македа, едноставно топката се лепи за детево, во вистинско место и време се појавува на големи натпревари.

Како и да е, се надевам дека ќе изиграме дрско и ќе покажеме дека Олд Трафорд е тврдина и нема што да бара тука, кој било тим на светот.Стигнавме до тука, нема откажување, идеме до крај.Come on UNITED!

Die Bayern

9 години се многу години за тим како Баерн да нема почуствувано како е да се освои Лига на Шампиони.Всушност, тоа е и последниот пат кога Баерн дошол до 1/2 финалето.Уште поголема коенциденција е тоашто тогаш Баерн стигна до 1/2 финалето откако го елиминарше Манчестер во 1/4 финалето со натпревар против Шалке меѓу 2та натпревари.

Во Бундес лигата против Шалке, Ван Гал извади неочекувани стартни 11 со што одмараше некои играчи коишто беа вратени скоро од повреди.Алтинтоп и Контенто играа,Швајнштајгер се врати, Олич и Милер во шпицот, Демикелис и Гомез не играа за да биде целосно спремни за овој натпревар а Робен не беше воопшто повикан.Иако го изгубија Ван Бајтен на почетокот на натпреварот поради повреда на главата, Баерн победија со 1-2 и тоа без Алтинтоп од 41та минута којшто доби црвен картон.

Ван Гал обично користи 4-2-2-2 систем кадешто некој од напаѓачите добива слободна улога да се движи на која било позиција а другиот е оној кон којшто се упатени сите топки.

Повторно нема да има промени во нашата одбрана којашто сеуште ни е најслаба алка.Бут,Лам,Демикелис,Ван Бајтен и Бадштубер би требало повторно да започнат.Доколку пак Ван Бајтен не биде спремен тогаш Бадштубер најверојатно ќе добие централна улога и Прањич или Контенто би играле како лев бек.Се молам дека ќе прават помалце грешки од натпревар во натпревар, Ван Бајтен е преспор, Демикелис зависи од расположение игра, Бадштубер беше уништен од Чамак а заедно со Контенто немаат никакво искуство.Баерн никогаш немале некоја првокласна одбрана но имале добар тимски дух и енергија со што знаеле да се затворат кога им требал резултат.

Швајни се враќа со што многу му се олеснува задачата на Ван Бомел.Очекувам на крилата да бидат Робен и Рибери, иако првиот сеуште е неизвесен и нема никакви новости за него иако отпатува со тимот.Милер или Алтинтоп би играле на негово место доколку не игра, Тимошчук и Прањич на клупа.

Многу е полесна работата за Ван Гал во нападот.Сите се фит, Гомез се очекува дека ќе почне и се виде колку проблеми му создаде на Манчестер за малото време дадено од тренерот во Минхен.Можно е да го видиме Милер напред заедно со него, па сите топки да идат кон Гомез а повеќе слобода да има Милер.

Мора да го зголемиме нивото на концентрација за овој натпревар.Ова е Лигата на Шампионите, се е можно, имаме водство, мораме да го искористиме.Не смееме да правиме глупави грешки како во Бундес лигата бидејќи Јунајтед ќе казни.

Можни состави:

VDS

Rafael - Rio - Vidic - Evra

Valencia - Fletcher - Carrick - Nani

Giggs

Berbatov

V

Muller - Gomez

Robben - Van Bommel - Schweinsteiger - Ribery

Badstuber - Demichelis - Van Buyten - Lahm

Butt

Нема да ризикуваме со Руни - САФ

Сер Алекс изјави на пресот денес дека нема да ризикува со Вејн Руни против Баерн утре вечер, иако потврдува дека има напредок во неговата ситуација и можно е да биде резерва во натпреварот со Блекбурн.

Руни си го повреди зглобот на ногата минатата недела во поразот од Баерн во Минхен од 2-1 и според изјавата на Фергусон во петокот тој ќе биде аут од 2 до 3 недели.Имаше многу шпекулации дека Руни посетувал посебни третмани и дека би можел да направи сензационален камбек и да игра против Баерн, но Сер Алекс ги отфрли тие шпекулации на прес конференцијата денес.

Кај Руни има огромен напредок и Сер Алекс го пофали одличниот медицински персонал, но вели дека не би сакал да ризикува со Вејн уште сега.Најбрзо што фановите би можеле да го видат би било како резерва во натпреварот со Блекбурн во недела.

Кога беше прашан дали има шанса Руни да игра утре тој одговори:

"Не.Но, досега има добар напредок, најмногу благодарение на медицинскиот тим кој си ја врши работата перфектно и најдобро што можат.Не сме спремни да ризикуваме со Руни бидејќи не е 100% фит.Би можел да биде фит со Блекбурн, а сигурно за градското дерби со Сити.Има напредок но, сепак, тоа е повреда на зглобот, ништо различно од било која друга повреда на зглобот."

Кога пак, беше прашан дали би можел да седи барем на клупа тој одговори:

"Многу тешко, не верувам.Можеби ќе успее да ме наговори но најверојатно нема да успее." - изјави Фергусон.

Тимот којшто тренираше:

Training squad: van der Sar, Kuszczak, Neville, Rafael, Ferdinand, Vidic, Evans, Evra, De Laet, Valencia, Park, Fletcher, Carrick, Scholes, Gibson, O'Shea, Giggs, Nani, Obertan, Berbatov, Macheda.

Диуф не тренирал поради повреда, за Харгривс уште не се знае причината.

Рио:"Сакам да бидам запамтен како легенда"

Рио Фердинанд се изјавува дека сака да ја заврши својата кариера во Јунајтед и да биде запамтен како легенда на Олд Трафорд.

Столбот на одбраната во Јунајтед, Рио Фердинанд ќе ја заврши својата осма сезона во црвениот дрес, откако пристигна од Лидс за рекордни 29 милиони фунти во 2002 година.Откако пристигна, тој освои 4 Премиер лигашки титули, 1 ЛШ титула и 2 од Карлинг купот.Фердинанд изјави дека се надева на многу повеќе успеси и признава дека сон му е да биде запамтен како легенда од фановите.

"Сакам да ја завршам кариерата во Јунајтед.Би било фантастично да се оствари нешто што Гери,Рајан Гигс и Пол Сколс го направиле, целата своја кариера ја поминаа во еден тим.Завршувањето на мојата кариера во Јунајтед би било остварување на мојот сон.Уште кога пристигнав за прв пат тука знаев дека местово е специјално и дека многу ќе ми биде важно во иднина" - изјави Рио за Inside United.