Јунајтед со најголема заработка во Европа за минатата сезона

Иако ѓаволите изгубија во финалето на Лигата на Шампионите во Рим, Манчестер Јунајтед заработи повеќе пари од кој било друг тим во Европа минатата сезона.

Според пресметките на World Soccer Magazine, Црвените Ѓаволи заработиле преку 11 милиони фунти повеќе од нивните противници во финалето, Барселона, со вкупно заработени 38 милиони фунти.

Сите учесници во Лигата на Шампиони минатата сезона, заработија 4,5 милиони фунти за стигнување до групната фаза, а за секоја победа тимовите добиваа од 257.000 до 514.000 фунти.

Манчестер Јунајтед се најде на првото место најмногу од парите добиени од ТВ правата.

Топ 15 заработувачи во Европа 2008-09

1. Манчестер Јунајтед – £38,281,000
2. Баерн Минхен – £29,618,000
3. Барселона – £26,544,000
4. Челзи– £26,492,000
5. Вердер – £25,143,000
6. Интер – £24,240,000
7. Арсенал – £22,928,000
8. Рома – £22,328,000
9. ПСВ Ајндховен – £21,904,000
10. Лион – £20,268,000
11. Ливерпул - £19,866,000
12. Јувентус – £18,950,000
13. Виљареал – £18,523,000
14. Реал Мадрид – £17,338,000
15. Панатинаикос – £15,859,000

Извор

Јунајтед 2 - 1 Арсенал!

Автоголот на Диаби става крај на 100% учинок на Арсенал во новата сезона и победа на ѓаволите на Олд Трафорд.

Абу Диаби беше човекот на моментот кога во 64-тата минута, по нафрлената топка од Рајан Гигс, која можеби и воопшто немаше да биде опасна, си ја смести сам во сопствената мрежа, 5 минути откако Руни го постигна израмнувачкиот пенал.

Во првото разочарувачко полувреме, единствената посериозна прилика Црвените Ѓаволи ја имаа преку Дарен Флечер, чиј волеј удар беше непрецизен кон голот на Алмунија.

После тоа следеа низа напади на Арсенал, од кои повеќето доаѓаа од Андреј Аршавин, кој веднаш после акцијата на Флечер првпат се закани кон голот на Бен Фостер.Исто, Аршавин, можеше многу полесно да го донесе својот тим во водство, откако Флечер во 38-мата минута со лизгачки старт стартуваше над Аршавин во 16-никот но судијата Мајк Дин не досуди пенал.Контроверзната ситуација беше набргу заборавена откако 2 минути подоцна токму Аршавин го донесе во водство Арсенал, со фантастичен шут надвор од 16-никот.

Во второто полувреме беше многу поразлично.На почетокот Бен Фостер го држеше Јунајтед во игра откако покажа добри рефлекси при шутот од петерецот на Ван Перси, кој го одбрани со нога.

Противничкиот голман му помогна на Јунајтед да го израмнат резултатот по стартот над Вејн Руни за пенал, којшто и тој самиот го реализираше

Дискутабилна одлука на Дин: Дали вистина имаше пенал?

Арсенал можеа да се вратат веднаш во 63-тата минута откако фантастичниот слободен удар на Робин Ван Перси ја затресе пречката на голот на Фостер.

Вториот гол за Јунајтед, што потоа се покажа и како победнички, го постигна Абу Диаби кога по нафрлената топка од Гигс, ја заби во сопствената мрежа.

Димитар Бербатов,Нани и Парк влегоа во второто полувреме, и првите двајца имаа 2 100% шанси за да ги смират нервите на сите фанови на Олд Трафорд, но за жал не реализираа. За кратко можеа да коштаат многу откако голот на Ван Перси во 95тата минута беше неважечки поради пасивен офсајд и Арсен Венгер беше пратен на трибинте на Олд Трафорд, каде што беше понижуван од фановите.

Арсен Венгер "топло" испратен од фановите

Головите:

0-1 Аршавин

1-1 Руни

2-1 Диаби (OG)

Интервју со Сер Алекс после натпреварот

Извор

Јунајтед против Вуверхамптон во Карлинг купот

Јунајтед ќе играат против екипата на Вулверхамптон дома, во првиот натпревар од третата рунда на Карлинг купот.

Бен Фостер беше херојот на Вембли минатата сезона, кога Јунајтед го дигнаа Карлинг купот по третпат во нивната историја.Англискиот репрезентативец беше човекот кој одбрани 2 одлучувачки пенали што му помогнаа на Јунајтед да го освои 3-иот трофеј минатата сезона.

Оваа сезона, ѓаволите ќе започнат во третата рунда со новите премиерлигаши Вулверхамптон, дома на Олд Трафорд, на 21 септември.

Извор

Несопирливиот

Сигурно е дека во сабота, Рајан Гигс ќе одигра многу важна улога против Арсенал. Не настапи на натпреварот со Виган, му беше даден слободен ден поради неговата одлична игра против Барнли во средата. Тоа е уште еден знак дека Фергусон го користи Гигс паметно.



Животот на Олд Трафорд без Рајан Гигс може да се каже дека е речиси незамислив. Но можеби ова лето си помисливте дека тоа е тоа. Едно последно ура за Гигс. Има речиси 36 години и неговата кариера е на залезот. Но игрите против Челзи, Барнли и Бирмингем веруваме дека ве демантираа.

Ова е 20та сезона како Рајан Гигс е во првиот тим на Манчестер Јунајтед, дебитирајќи против Евертон на крајот од сезоната 1990/1991, но тој продолжува да ги руши границите на возможното. Неговата борбеност е неверојатна и неговата енергија не ви дозволува да се запрашате колку години има всушност тој. Тоа можеби се должи на фактот што тој е вистински професионалец. Во едно интервју изјави дека одамна се откажал од алкохол, јаде риба многу често и редовно вежба јога, со што значително се намалиле неговите повреди на тетивите и мускулите кои често страдале додека бил помлад. С0 35 години, тој е најстариот играч на Манчестер Јунајтед. Има договор кој истекува на крајот од сезонава, но не е тешко да се верува дека управата на Јунајтед би му понудила уште еден едногодишен договор.


Колку повеќе Гигс игра и се напрегнува себеси за да прикаже што подобра игра, толку повеќе време ќе му треба за да се одмора помеѓу натпревари, но најважната работа што тимот ја добива од него е неговото лидерство и влијание кон тимот, нешто што му е од голема важност на Сер Алекс кога се во прашање младите фудбалери кои му се приклучуваат на тимот. Заедно со Пол Сколс и Гери Невил, Гигс ги „држи конците“ во соблекувалната и го има главниот збор, како на теренот, така и надвор од него. Кога се работи за Федерико Македа, Дени Велбек, Дарон Гибсон, Рафаел, Фабио и останатите играчи од Академијата и резервите, бенефициите од фактот дека се има Гигс во тимот се непроценливи.


Но Гигс е повеќе од само лидер. Како што старее со текот на годините, така и неговата позиција на теренот еволуира. Од експлозивно крило, ја презема плејмејкерската палка, па во поново време е класичен играч од средината, за наскоро да стане моќна и влијателна замена, нешто слично како што се случуваше со Оле Гунар Солскер, кој ги проучуваше игрите на Манчестер од клупата па потоа своите идеи ги прикажуваше на теренот. Имајќи „Сер“ во тимот е нешто неверојатно. Но тој е исклучителен и затоа, што повеќе е тој во Јунајтед, толку подобро е за тимот.

Модрич отфрли преминување во Јунајтед!

Плејмејкерот на Спарси изгледа не го напушта Тотенхем

Лука Модрич се оттргна од шпекулациите кои го поврзуваат дека е мета на Манчестер Јунајтед.
Извештаите укажуваат на тоа дека менаџерот на Манчестер Јунајтед Сер Алекс ги рагледувал можностите за купување на малиот плејмејкер на Тотенхем.
Сепак, хрватскиот интернационалец тврди дека не знае за никаков интерес од Јунајтед и дека е среќен ако остане на Вајт Харт Лејн и во иднина.
“Не знам ништо за Манчестер Јунајтед и тоа што ме поврзуваат со нив”-рече Модрич за Спортски Новости
“За тоа прочитав во весниците, дури и прочитав дека сум изјавил дека сум среќен што се наоѓам на радарот на Сер Алекс Фергусон”
“Но вистината е дека ништо такво не сум изјавил на никому. Тоа не се мои зборови”
“Се чувствувам одлично во Тотенхем, и не сум посакал да преминам во друг клуб. Договорот ми истекува во 2013 година и единствено размислувам за останување”
“Нема да се изненадам и доколку Тотенхем ми понудат нов договор, и тоа е нешто што се случува постојано во Англија. Но и ако тоа не се случи, мојот однос нема да се смени”
“Среќен сум на Вајт Харт Лејн и ќе продолжам и во иднина да давам се од себе за Тотенхем, како што го правам тоа одсекогаш”
Модрич исто така се осврна и на импресивниот старт на сезоната со Тотенхем, и смета дека екипата на Хари Реднап е способна да влезе во топ-шест екипите на крајот на сезоната.
“Се е совршено, едноставно не можам да се пожалам’’-додаде Модрич
“Основна работа е што тимот остана непроменет и оваа година. Сега сме една година посилни, а и тренерот Хари имаше повеќе време да работи со тимот”
“Големата четворка сеуште е пред другите, а Манчестер Сити се сега голема опасност исто така”
“Но исто и ние имаме големи амбиции. Не зборуваме за борба со големата четворка, но нашата цел е да влезиме во првите шест на крајот на сезоната. Мислам дека сме доволно добри за да го сториме тоа”-заврши Модрич.

ИЗВОР

Видич:"Среќен сум во Јунајтед"

Немања Видиќ ветува дека ќе ја докаже својата пожртвуваност на теренот за Манчестер Јунајтед, за да ги негира шпекулациите со неговото заминување.

Агентот на србинот, Паоло Фабри, беше цитиран минатата недела, како изјавува дека сонот на Немања бил да игра за Барселона, кој потоа тој негираше дека воопшто некогаш изјавил такво нешто.

Дополнителен притисок беше тоа што и неговата жена, Ана, била несреќна со животот во Англија, па шпекулациите почнаа да се зголемуваат.Но Видич, инсистира дека е фокусиран на одбрана на титулата во Англија, со Манчестер Јунајтед.

"Никогаш не сум рекол ништо за Барселона, Реал Мадрид, Милан или кој било друг тим.Никогаш не зборувам за мојата иднина, а со тоа незнам ни зашто некој друг би зборел.Секој фан на Јунајтед мора да ме види како играм за да сфати колку се жртвувам на теренот." - одговори 27 годишниот дефанзивец.

Победата од 5-0 кај Виган, во саботата беше првиот настап за Видич во новата сезона, откако имаше повредa на зглобот на ногата.Видиќ збореше со Фабри и за заминувањето на Кристијано Роналдо и Карлос Тевез од тимот.

"Не сакам тоа да има некоe посебно влијание на тимот.Ја сум тука и ќе давам се од себе на секој натпревар.Ќе ви докажам со моите настапи" - продолжи србинот.

"Не е точно и дека жена ми е не е среќна во Англија.Незнам од каде излегле тие гласини, бидејќи таа никогаш не давала интервју или изјавувала нешто за некој весник, не сака да биде во јавноста." - заврши Видич.

Извор

Сите 101 голови на Вејн Руни за Манчестер Јунајтед

Ексклузивно, во чест на јубилејниот број на погодоци на нашиот омилен напаѓач, Вејн Руни, UnitedDevils блогот ви ги овозможува сите голови што го има постигнато, во целата кариера за Манчестер Јунајтед, за download

Сезона 04/05 (17 гола)

Сезона 05/06 (19 гола)

Сезона 06/07 (23 гола)

Сезона 07/08 (18 гола)

Сезона 08/09 (20 гола)

Сезона 09/10 (4 гола досега)

Нови договори за Видич и Парк?

Манчестер Јунајтед се подготвени да им понудат нови договори на незаменливиот спрски дефанзивец, Немања Видич и корејскиот играч од средината Џи Сунг Парк според англиските медиуми.

Договорот на Џи Сунг Парк истекува на крајот од тековната сезоната и несигурноста за неговата иднина почна да биде се поголема со тоа што Јунајтед ги одложи преговорите за нов договор пред почетокот на сезоната.

Агенцијата на Парк, JS Agency, изјави за Корејските медиуми дека на се ова може брзо да му дојде крајот, но признаа дека сеуште се во почетните фази на преговори.

На почетокот на Август, извршниот директор на Манчестер Јунајтед, Дејвид Гил, изјави дека очекува Парк да потпише нов договор до крајот на месецот.

Извор

Според Sunday Mirror Sport, Манчестер Јунајтед најверојатно ќе понудат нов договор за Немања Видич, поради се поголемата негова поврзаност со големи европски тимови.

За Видич беа интересирани Интер,Милан и Барселона кои се верува дека беа фаворити да ко добијат неговиот потпис, а уште еден фактор за негово заминување беше и неговата жена, Ана, која се верува дека не била задоволна со животот во Англија.

На Видич ќе му биде понуден нов договор со што, неговата плата од 60.000 фунти неделно ќе биде зголемена на 100.000 фунти неделно.Моменталниот негов договор завршува во 2012 година, а Јунајтед се спремни да му понудат 1 годишно зголемување.

Извор

Виган 0 - 5 Јунајтед!

Вистинскиот Јунајтед се покажува на виделина,специјален ден за Руни и Овен.

Фудбалерите на Манчестер Јунајтед ја завршуваат тешката недела со петарда во голот на Киркланд.

Ако Јунајтед изигра разочарувачки против Барнли, немаа милост на DW стадионот, кадешто во второто полувреме Јунајтед успеа да постигне 5 гола, со што би требало Сер Алекс да биде повеќе од задоволен што направи 7 измени на тимот што изгуби на Turf Moor.

После интересно но без голови, прво полувреме, Руни успеа да го скрши мразот со фантастичен удар со глава од нафрлената топка од Валенсија, со што го одбележа неговиот 100 гол за Јунајтед.Неколку минути подоцна Бербатов, по пасот од Сколс, ја префрли топката преку Киркланд и ја внесе во неговата мрежа.

Третиот гол Руни го постигна по ударот одбиен од телото на Марко Мелхиот и во оваа ситуација Крис Киркланд неможеше ништо да направи.Овен го замени Руни малку подоцна и успеа и тој да го постигне својот прв официјален првенствен гол со добро пласиран шут.

Веројатно и најдобриот гол дојде во продолженијата каде што, Нани со фантастичен слободен удар го заврши натпреварот.

Видео од головите:

Анализа на противникот:Виган

VS

Премиер Лига,Трето коло|Сабота,22 Август 2009|Почеток: 16:00 h

Стадион: DW - Stadium,Lancashire

Со три поени од двата изиграни натпревари,Виган имаат тежок испит пред себе, како што ги дочекуваат играчите на Манчестер Јунајтед на DW стадионот во сабота.

Така познатите "Latics",го изгубија нивниот последен натпревар со 0-1 од Волверхамптон во средата, а успеаа да ја победат Астон Вила со 2-0 во првото коло од новата сезона во Премиер лигата, кадешто голема улога имаше Пол Шарнер,којшто 2 пати ја извади топката од гол линијата.

Најверојатен состав:

Kirkland

Figueroa - Scharner - Edman - Melchiot

Gomez - Koumas - Thomas - De Ridder

Rodallega - Scotland

Н`Зогбиа и долго повредениот Оливиер Капо нема да му бидат достапни на Роберто Мартинез за овој натпревар.

Најмладиот менаџер во лигата е домаќин на најстариот и најтрофејниот менаџер моментално во лигата.

Манчестер Јунајтед имаат 100% рекорд против Виган во сите натпреварувања, со тоа што ги победиле сите 9 меѓусебни натпревари.

Но, тимот на Ферги влегуваат во второто северо-западно дерби со голем прашалник околу нивната шанса за да ја освојат титулата. Поразот од Барнли во средата на Turf Moor, беше прв пораз на Јунајтед од ново промовирана екипа во Премиер лигата во 4 години.Последните 2 сезона, Јунајтед успеаа да победат само 1 од почетните 4 натпревари а сепак да ја освојат лигата, но Фергусон не смее да си дозволи 2 порази за 4 дена.

Најверојатен состав на шампионите:

Foster

O'Shea - Vidic - Brown - Evra

Valencia - Carrick - Anderson - Nani

Berbatov - Rooney

Јунајтед имаат големи проблеми со повредите,поготово во одбраната каде што отсутни се Рафаел,Фердинанд,Еванс и Ван Дер Сар а останати повредени се уште Харгривс и Обертан.

Еве и неколку факти за утрешниот дуел:

Манчестер Јунајтед ги имаат победено сите 9 натпревари против Виган во сите конкуренции.

Руни има постигнато 6 гола во 9 натпревари против Виган.

Виган воделе во 3 од 4те домашни натпревари против Јунајтед, но ги изгубиле сите натпревари,а на гости не успеале да постигнат гол.

Јунајтед имаат постигнато 2 гола во последните 4 лигашки натпревари.

Манчестер Јунајтед имаат победено на 99 северно западни дербиња во Англија.

На Виган им требаат уште три гола за да стигнат до 50 гола во северно западните дербиња, но ова ќе им биде само 49тиот натпревар.

Вејн Руни има најмногу промашени удари(6) досега во сезоната,од кој било друг тим од големата 4ка.

Јунајтед имаат најголем број на удари со глави, девет.

Шампионите имаат примено само 3 корнери во 2та натпревари оваа сезона.

Виган имаат дадено 12 гола во 21 натпревар во Премиер лигата,што го прави најслаби до сега.

Вејн Руни има постигнато 99 гола за Јунајтед.

Мајкл Браун има играно 399 пати за Виган.

Немања Видиќ има почнато 99 пати како стартер за Јунајтед.

Виган немаат изгубено 2 пати по ред ниеднаш во Премиер лигата во 2009та година.

Судија на натпреварот: Howard Webb

Моја прогноза:

1-2

Родалега - Валенсија,Руни.

Ферги задоволен со составот

Менаџерот на Манчестер Јунајтед ги негираше шпекулациите дека планира да купи уште еден напаѓач.

Фергусон летово се ослободи од услугите на Кристијано Роналдо и на Карлос Тевез, а во тимот пристигнаа Луис Антонио Валенсија и Мајкл Овен како замени. Фергусон исто така изјави дека планира во тимот да ги вклучи и Федерико Македа и Дени Велбек како резерви, што наиде на многу критики во јавноста.
Но јавноста во Англија деновиве наголемо шпекулираше дека Фергусон планира да упати понуда до напаѓачот на Валенсија, Давид Виља, откако тимот постигна само еден гол по двата одиграни натпревари во Премиер лигата.

Фергусон ги отфрли овие шпекулации и изјави: „Дали јас ви кажав дека нема повеќе да купуваме фудбалери?. Толку беше. Веќе ја донесов одлуката и сигурен сум во тоа. Имам одличен тим.“

Извор

Рио во аут еден месец, се враќа Видич!

Фердинанд сеуште има проблеми со грбот

Одбранбениот играч на Манчестер Јунајтед изгледа ќе отсуствува од терените 3-4 недели поради проблемите со грбот.
Фердинанд играше во Комјунити Шилд овој месец, а изигра и 90 минути за репрезентацијата во пријателската против Холандија.
Потоа тој заработи мала повреда на грбот минатата недела во натпреварот против Бирмингем.
Сер Алекс првенствено мислеше дека ќе биде без Фердинанд околу 2 недели но се испостави дека ќе бидат повеќе.
“Рио ќе биде во аут 3-4 недели”рече Сер Алекс
Со ова тој ќе ги пропушти наредните три натпревари на Јунајтед и двата на Репрезентацијата наредниот месец.
Исто ќе биде неизвесен и за големото Манчестерско дерби кое ќе се игра на 20 септември.
Сепак има некои добри вести од таборот на Јунајтед, а тоа е дека партнерот од одбраната на Фердинанд, Немања Видич е подготвен да се врати на терените и да го има својот прв старт оваа сезона против Виган во сабота, а исто така и Гери Невил е во можност да игра.


“Немања тренираше со нас 10 дена и е подготвен за игра”-рече Ферги.
“Се надевам дека ќе биде добар до утре и тоа е позитивно за нас”
“Гери невил исто играше 15-20 минути во средата и исто е подготвен да ни даде доза на искуство во наредните натпревари”- заврши Фергусон.

ИЗВОР

Ферги:"Беше ноќ на Барнли"

Сер Алекс Фергусон верува дека беше само ноќ на Барнли,откако неговиот тим изгуби со 1-0 на Turf Moor.

Барнли неочекувано, во 19 минута со фантастичниот волеј-гол на Роби Блејк го земаа водството на Turf Moor, и успеаа да го издржат притисокот од шампионите до крај на натпреварот.

Јунајтед можеа да израмнат при крај на првото полувреме кога токму Роби Блејк го фаулираше Евра и изнуди пенал, но голманот Брајан Јенсен успешно го одбрани пеналот од Керик.

После натпреварот, Фергусон изјави дека чуствува дека Јунајтед биле подобриот тим во поголемиот дел од натпреварот, но не изиграа како што најдобро знаат.

"Ние сме разочарни.Не беше добар преформанс од Манчестер Јунајтед, но велејќи го тоа, можеби само беше ноќ на Барнли" - изјави за SkySports.

"Не беа во Премиер лигата 30 години,можеби беше само нивна ноќ бидејќи толку многу шутеви и шанси имавме во шестнаесетникот, просто не ми се верува дека не дадовме гол."

"Да го дадевме голот од пенал пред полувремето, ќе имавме големи шанси да победиме, но сепак неможеме да им ја одземеме победата.Ги немаше долго време во Премиер лигата."

"Почетните 10 минути во првото полувреме играа многу добро и имаа неколку добро нафрлени опасни топки во нашиот шестнаесетник."

"Од фантастичниот гол на Блејк,игравме супер,целосна доминација во теренот и со оглед на нашето искуство требаше да изиграме подобро."

"Во врска со пеналот, имаше 2ца играчи кои што ги шутираа пеналите во последните неколку години, а Мајкл беше еден од нив.Се осеќаше сигурно и немам никаков проблем со тоа" - заврши Сер Алекс.

Еве го и видеото со целосната негова изјава

Извор

Агентот на Видич ги негира шпекулациите

Агентот на Немања Видич, Паоло Фабри негира дека изјавил дека сонот на Видич било да игра за Барса.

Српскиот дефанзивец потпиша за Јунајтед од Спартак Москва во 2006 година, и од тогаш си го осигура местото во почетните 11 на Сер Алекс.Токму поради неговата импресивна форма донесе шпекулации дека неколку Европски врвни тимови се интересираат за неговите услуги.

Според каталонските радио станици RAC-1 и El Mundo Deportivo, Фабри изјавил дека отсекогаш сакал да игра за Барса и би му бил остварен сонот ако успее да се префрли.

Како и да е, Фабри негираше било каква изјави, и наспроти инсистираше дека Видич е презадоволен од животот во Манчестер.

"Тоа не е точно,никогаш не сум го рекол тоа.Немања е среќен во Манчестер.Ако Барселона направат понуда за него, тогаш е до Јунајтед за да одлучи" - изјави Фабри.

Извор

Анализа на противникот: Барнли

VS

Премиер Лига, Второ коло|Среда, 19 Август 2009|Почеток: 20:45h

Стадион: Turf Moor - Burnley, Lancashire

Само 3 дена после првото коло, Ѓаволите патуваат за Барнли, каде што ќе играат со новите Премиерлигаши во второто коло оваа сезона од Премиер лигата.

Барнли завршија 5ти минатата сезона во Чемпионшип дивизијата, победувајќи ги Рединг со вкупен резултат од 3-0 во плејофот кој ги донесе во Премиер лигата.Истотака сигурно ги памтите нивните познати победи минатата сезона во Карлинг купот, против Фулам,Челзи и Арсенал.Докажаа дека можат да играат добро против екипи од големата четворка,што значи дека утрешниот меч ќе биде интересен.

На првиот натпревар од Премиер лигата против Стоук на гости изиграа многу лошо со 15 шута од кои само 2 кон голот,a нивниот голман Брајан Нелсен направи само една одбрана.

Најверојатно ќе искочат со следниот состав:

Jensen

Mears - Carlisle - Jordan - Kalvenes

Alexandr - Patterson - Elliott - McCann

Blake - Fletcher

Ќе бидат без Caldwell и Duff,a се надевам дека ќе можеме да го видиме поранешниот играч на Јунајтед, Крис Иглс во акција.

За нас очекувам да излеземе со следниов состав:

Foster

Fabio - O'Shea - Brown - Evra

Valencia - Fletcher - Scholes - Nani

Rooney - Berbatov

Одбраната ни е најголем проблем дефинитивно, со оглед на тоа што Рио ќе го нема уште 2 недели, Еванс се повредил на зглобот,Видич,Рафаел и Невил сите се повредени.Исто можно е место Сколс да игра Керик или Андерсон.

Судија ќе биде Phil Down.

Моја Прогноза:

0-2

Овен,Валенсија.

Се надевам дека ќе победиме и на вториот премиерлигашки натпревар сезонава :)

Средба со навивачите: Џулиан Лонг

Ќе ви презентираме интервју со еден од многуте верни навивачи на Манчестер Јунајтед. Тој еден од многуте е Џулиан Лонг.


Име: Џулиан Лонг
Возраст: 45 години
Потекло: Честер, Англија

Каде најчесто седите на стадионот? Долу, на северната трибина. (North Stand Lower)

Како станавте „Црвен Ѓавол“? Кога имав 4 години, ме касна кучето на месарот и како компензација, бев однесен да гледам натпревар помеѓу Челзи и Манчестер Јунајтед. Работите до ден денес не се изменети - се` уште ги сакам Манчестер и мразам кучиња.

Најубавиот фудбалски момент на Манчестер Јунајтед на кој сте присуствувале? Барселона, `99та. Целото искуство беше незаборавно. Градот, стадионот, па потоа и играта и оддавањето почит на денот како роденден на Сер Мет Базби. Човекот што седеше до мене, целите 90 минути седеше очаен, но јас му реков, „овој тим никогаш не е поразен.“ Фудбалот е ништо без надежта.


Омилен играч на сите времиња? Да ме прашавте како момче, ќе ви одговорев Стив Копел. Класично крило и модел како треба да се биде константен во играта. Но сега, како маж, тоа е Рој Кин. Од таму каде што седам на стадионот, можеа да се слушнат зборовите што им ги упатуваше на некои противнички играчи, како и аплаузите и мотивирачките зборови на помладите играчи од тимот. Морам да го истакнам и енигматичниот Кантона. Запрепастувачки е што на трибините се` уште се пеат песни со неговото име а тој е веќе одамна повлечен од фудбалот. Никогаш во животот не сум видел играч да има толку многу влијание на еден клуб. Апсолутно, тој е оригинален во секоја смисла на зборот.

Кое е најголемото патување на кое сте биле за да ги видите „Црвените“? Москва, 2009 - одење таму, натпреварот и враќање, ми се чинеше дека помина цела вечност а помина само ден. Но Најдоброто патување беше во Барселона, `99, кога возевме скоро цела недела низ Франција и Шпанија. Застанавме во еден бар во јужна Франција, каде што чувме познати гласови. Препознавме неколку навивачи на Манчестер кои на стадионот седат во близина. На неколкупати додека траеше патувањето налетувавме на познати лица. Имаше околу 100,000 фанови на Манчестер тогаш во Барселона. Еднаш го видовме Стив Брус во ресторант, кој ни помогна да порачаме јадење. Се` уште не знам и не сум сигурен што јадевме.

Тетоважи од Јунајтед? „Имам белег од раѓање на грбот кој личи на карта на Австралија - верувам дека на почетокот личела на амблемот на Јунајтед, но со годините се изобличила.“, се насмеа Лонг.

Во колку земји досега го имате поддржувано Јунајтед? Во околу 6-7. Со стареењето, ми се зголемува потребата од сон и немам многу енергија за патување и долго неспиење.

Најдраго нешто од Јунајтед кое ви останало во главата? Имам цел музеј во главата и во срцето. Не наплаќам и отворено е 24/7.

Сте имале ли некогаш шанса за муабет со некој член од тимот? Сакам да држам дистанца. Хероите треба да бидат оценувани од далечина. Втора жена гледам во водителката на MUTV, Mandy Henry, која ги интервјуира играчите и персоналот и тоа е исто како и јас да го правам тоа.

Најдоброто нешто во навивањето за Јунајтед? СЕ`. ТОА Е ФАМИЛИЈАРНА РАБОТА, НЕШТО КАКО ВОЗЕЊЕ СО РОЛЕРКОСТЕР. КАКО ШТО ВЕЛИ ФЕРГИ, ОВОЈ ТИМ НЕКОГАШ МОЖЕБИ НЕ ГИ ЗАВРШУВА ЗАДАЧИТЕ СО ЛЕСНОТИЈА, НО БАРЕМ СЕКОГАШ Е ИНТЕРЕСНО.

Извор

3 играчи на Јунајтед номинирани за УЕФА наградите

УЕФА ги нагласи номинираните играчи за наградите во Лигата на Шампиони од минатата сезона.

Наградите ќе бидат доделувани за време на одбирањето на групите, во Грибалди форумот во Монако на 27 Август.

Гласањето ќе се базира на тренерите чии тимови (вкупно 16) стигнаа до осмина-финалето минатата сезона во Лигата на Шампионите, а истите тие номинираат играчи кои сметаат дека заслужиле да ја освојат наградата.

Минатата сезона Петр Чех,Џон Тери и Френк Лампард од Челзи ги освоија наградите за најдобар голман,одбрабен играч и играч од средината, а Кристијано Роналдо од Манчестер Јунајтед за најдобар напаѓач и воедно најдобар играч на натпреварувањето.

Оваа сезона 3ца наши играчи се номинирани за наградите.Еве ги сите номинирани играчи:

Голман на годината:

Петар Чех (Челзи)
Виктор Валдес (Барселона)
Едвин ван дер Сар (Манчестер Јунајтед)

Дефанзивец на годината:

Џерард Пике (Барселона)
Џон Тери (Челзи)
Немања Видиќ (Манчестер Јунајтед)

Играч од средина на годината:

Стивен Џерард (Ливерпул)
Чави Хернандез (Барселона)
Андрес Иниеста (Барселона)

Напаѓач на годината:

Самуел Ето (Барселона)
Лионел Меси (Барселона)
Кристијано Роналдо (Манчестер Јунајтед)

Хитон на позајмица во КПР,Клеверли во Ватфорд

Потврдено од официјалните страни, 23 годишниот резервен голман Том Хитон, преминува на 3 месечена позајмица во екипата на Квин Парк Ренџерс,додека пак 20 годишниот играч од средината Том Клеверли, преминува на 6 месечна позајмица во екипата на Ватфорд.

23 годишниот голман, кој има 3 Англиски репрезентативни настипи со екипата под 21 година и ќе се приклучи веднаш со составот на Џим Магилтон во натпреварот против Плејмаут во Чемпионшип дивизијата.

"Пресреќен сум што успеавме да донесеме голман од калибарот на Том.

Сите имаме големо мислење за него и го рангираме високо, и Сер Алекс Фергусон и нашиот голмански тренер Дејвид Роуз, кој долго време го следеше на Олд Трафорд." - изјави Магилтон.

Хитон ќе го носи дресот со број 22 и му е одобрено да игра во Карлинг купот со Ренџерите.

Извор

20 годишниот играч од средината ќе игра за Ватфорд до Јануари 2010 година и од утре ќе отпатува за да се приклучи со тимот за натпреварот против Нотингем Форест.

Клеверли играше и во Англиската репрезентација за играчи под 20 години, каде што во минатиот натпревар против Црна Гора успеа да постигне 2 гола, за Англија да победи со 5-0.

Тоа што му е омилено кај Клеверли, на менаџерот на Ватфорд е неговата разновидност во позициите коишто може да ги игра низ целиот терен.Без проблеми може да игра во која било позиција во одбраната, иако природна позиција му е централен среден играч.

Минатата сезона ја изигра во Личестер каде што успеа да постигне 2 гола за 10 натпревари и да го однесе тимот во Чемпионшип дивизијата.

Клеверли ќе го носи дресот со број 20.

Извор

Потпишан договор со Betfair

Betfair, најголемата светска организација за обложување, денес го претстави своето партнерство со фудбалскиот клуб Манчестер Јунајтед.

Наспроти тригодишниот договор кој го склучија двете страни (2009-2012), Betfair организираше натпревар помеѓу напаѓачите на Манчестер Јунајтед во постигнување голови за пари. Парите од оваа пресметка ќе бидат донирани во хуманитарни цели. Предизвикот помеѓу напаѓачите на Манчестер Јунајтед (Вејн Руни, Димитар Бербатов, Мајкл Овен) ќе се состои од целта - кој ќе постигне најмногу голови во сезоната 2009/2010. Со секој постигнат гол, во таа хуманитарна фондација ќе бидат инкасирани 1000 фунти стерлинзи. Со овој потег, луѓето од Betfair истакнаа дека ќе се појави ривалство меѓу фановите за да се обложуваат еден спроти друг. Освен оваа акција, Betfair креираа и вебсајт, www.betfairfootball.com - кој на фановите ќе им претставува моменти од „позади сцената“ на играчите, како и одблиску ќе ги запознава со клубот. Ќе бидат претставувани ексклузивни стории и снимки од играчите, тренерите, физиотерапевтите како и нивни прогнози и мислења за веќе направеното. Маркетинг директорот на Betfair, Оскар Нибоер, изјави: „Сакаме на навивачите и на играчите да им претставиме нешто ново и интересно. Кај ниту еден друг клуб во светот ова нема да биде толку возбудливо како кај Манчестер Јунајтед. Како еден голем плус ни дојде фактот што кај Манчестер оваа сезона напаѓачите треба да работат најмногу од сите други играчи, па ова ќе им биде огромен мотив за да ја погодат мрежата. Сакаме да го искористиме ова партнерство со Манчестер Јунајтед за да го наградиме клубот како и навивачите низ светот за одличните моменти кои секојдневно ни ги подарува овој клуб.“

Алекс Меклеиш: "Руни е новиот Зидан"

Откако неговиот тим доживеа мал пораз на Олд Трафорд, менаџерот на Бирмингем, Алекс Меклеиш го спореди Руни,кој го постигна победоносниот гол за Јунајтед,со легендата на францускиот фудбал, Зинедин Зидан.

Руни, кој сеуште е млад и има само 23 години, очекува да има една од најдобрите сезона во неговата кариера и да ја потполни дупката создадена од заминувањето на Роналдо во Реал Мадрид.

Меклеиш воопшто не се воздржуваше со пофалбите кон Англискиот репрезентативец, споредувајќи го со француските легенди, Зидан и Платини.

"Руни успева да ја искористи секоја мала грешка во одбраната,брз е и може тешко да ги казни сите грешки,што го прави тежок за чување.Тој е природен фудбалер, како Платини и Зидан."

Во меѓувреме, Сер Алекс изјави дека може да се очекува многу од Руни сезонава.

"Се надевам дека ќе ни помогне многу оваа сезона,кога се работи за голови. Повеќе од способен е да придонесе 20 голови сезонава.Не го бараме невозможното од детето и се надеваме дека ќе успее" - заврши Сер Алекс.

Извор

Руни презадоволен од играта на Јунајтед

Напаѓачот на Англија беше задоволен што зазеде учество во денешната победа...


Напаѓачот на Манчестер Јунајтед изигра одлично денеска и придонесе за позитивен старт на Олд Трафорд денеска со постигнувањето на победничкиот гол против Бирмингем.
Напаѓачот смета дека неговата екипа прикажала добар фудбал и заслужила да победи, но потенцира дека противничките играчи направиле работите да не бидат толку лесни за нив.
“Мислам дека изигравме одлично. Очигледно, Бирмингем се бранеа доста во текот на првото полувреме и беше многу тешко да играме, но направивме доволно шанси за да победиме”-рече Руни за Скај Спортс
“Добро е што ги освоивме трите бода”
“Одбранбените играчи на Бирмингем играа добро и ако дадевме втор гол ќе ја умртвевме играта, но со резултат 1-0 секогаш е ризично и може да не победите и затоа знаевме дека ќе е тешко”
Голот Руни го постигна по удар со глава при што топката удри во стативата и повторно се врати до него. Оваа сезона сите очи ќе бидат вперени кон него поради заминувањето на двајца клучни играчи од нападот, па затоа е добро што почна уште рано да постигнува голови.
“Да бидам искрен мислев дека е гол по првиот удар но среќа се врати топката до мене и постигнав гол за водство и сум презадоволен со тоа. Подоцна му создаде и шанса на Овен кој влзе од клупа но не успеа да се запише во листата на стрелци.
“Сите фанови се задоволни што тој игра кај нас”-додаде Руни
“Сите забележавте како се движеше од кога влезе во игра. Не сум сигурен дали беше офсајд првата ситуација, но ако се најде во шанса како при втората ситуација, верувајте, ќе почне да ги користи”.

ИЗВОР

Перспективата на Фелан

Во следниов пост, ќе ги претставам коментарите на Фелан, помошникот на Сер Алекс, во врска со играчите на Манчестер Јунајтед кои ќе настапуваат во натпреварите во претстојната сезона, почнувајќи од напаѓачите па се до голманите.

НАПАЃАЧИ

7 Мајкл Овен: Години 29 Настапи 1 Голови 0

Во овој дел од неговата кариера, мислам дека Овен е возбуден што е дел од ваков тим и верува многу дека ќе успее да ја воскресне неговата кариера и убиствена форма која често беше попречувана од неговите повреди. Има извонредни квалитети како напаѓач и верувам дека ќе се вклопи во стилот на игра на Јунајтед многу брзо. Среќни сме што го имаме во тимот.

9 Димитар Бербатов: Години 28 Настапи 44 Голови 14

Бербатов е многу вешт и технички надарен фудбалер. Многу е почитуван од целиот тим и мислам дека по поминатата една сезона со нас, ќе почне да станува се` подобар и подобар.

10 Вејн Руни: Години 23 Настапи 238 Голови 98

Вејн е ѕвезда во фудбалот уште по неговиот прв премиерлигашки ден и го брани тој епитет секој ден оттогаш. Мислам дека од него досега видовме само мал дел од она што тој знае и може да го направи со топката но тој сега зрее како играч и во наредниве години се повеќе ќе не убедува во своите квалитети

41 Федерико Македа: Години 17 Настапи 5 Голови 2

Популарниот Кико треба се` уште да се развива и зрее и на психички и на физички план, но несомнено ги освои срцата на навивачите по неговите неколку минатогодишни настапи за Манчестер и неговиот гол против Астон Вила со кој им ја донесе победата на Црвените Ѓаволи. Наша обврска е овој талент да го следиме и да се погрижиме дека ќе се развие правилно и дека еден ден Македа ќе биде ѕвездата на Јунајтед.

СРЕДИНА

13 Ји Сунг Парк: Години 28 Настапи 124 Голови 12

Парк е еден од оние играчи кои изненадуваат кога најмалку очекувате. Неговата енергија се чини дека никогаш не се троши, неговата концентрација е секогаш на ниво. Совршен играч од средниот ред и единствено нешто кое го бараме од него е да дава повеќе голови. Но тој работи на тој случај и се надевам дека наредната сезона ќе ни докаже на сите дека ја подобрил својата ефикасност. Тој е многу вреден играч и кога ќе побарате нешто од него, секогаш гледа да го направи тоа најдобро што може. Интелигентен играч кој присвоил многу квалитети додека играше во холандската лига.

16 Мајкл Керик: Години 28 Настапи 145 Голови 12

Мајкл е извонредно талентиран техничар кој може подеднакво добро да ги користи и левата и десната нога и да го диктира темпото на играта. Ме радува и фактот што има и прогрес во неговата игра. Неговите настапи сега се многу подобри отколку почетните, кога дојде во овој клуб. Тој е играч од доверба и полн со сигурност во себе.

24 Дарен Флечер: Години 25 Настапи 215 Голови 13

Флечер е играчот кај кој минатата сезона беше забележан најголем прогрес од сите. Освен начинот на игра и неговиот карактер почнува да излегува од сенка и да се издвојува од сите. Минатата сезона на неколкупати се истакна како поединец и ја земаше играта во свои раце, едноставно самиот го диктираше темпото на игра. На крајот, мислам дека навистина тој ни фалеше во Рим.

8 Андерсон: Години 21 Настапи 76 Голови 0

Андо е многу, многу талентиран фудбалер кој во играта го прикажува бразилскио менталитет. Сака да игра секоја недела и да извршува секакви задачи на теренот, но му треба уште многу работа за да стане премиерлигашка ѕвезда. Тука е различна играта во споредба со Португалија. Андо се` упте се развива како ѕвезда. Пред да дојде во Јунајтед тој беше млада ѕвезда, но сега е само еден од многуте талентирани фудбалери во клубот. Можеби ќе му треба малку повеќе време додека стане вистинска ѕвезда, но се` што му треба, го има во овој клуб.

11 Рајан Гигс: Години 35 Настапи 805 Голови 108

Нема што многу да ви зборувам за Рајан. Се` што имал во него досега, го покажа на теренот и се` уште сака да покажува и да се докажува уште повеќе. Вистинска легенда. Има навика да се предизвикува самиот себеси и со тоа се мотивира уште повеќе. Минатата сезона повеќе го форсиравме да игра на средината на теренот, од каде што би можеле да извлечеме што повеќе од него. Со годините, се гледа дека тој ја губи својата брзина, но токму на средината од теренот ги има сите потребни атрибути за игра.

17 Нани: Години 22 Настапи 73 Голови 11

Нани е играч од кој очекуваме отсега па натаму секој натпревар да изненадува со своите добри игри во дресот на Јунајтед. Сето она што тој досега го покажа беше само како најава за она што треба да го покажува од оваа сезона. Нани е еден од играчите што ги купивме поради тоа што во нив видовме голем талент кој добро би му дошол на тимот. Сепак, Нани е се` уште млад и треба уште да се развива.

25 Антонио Валенсија: Години 24 Настапи 1 Голови 0

Немавме многу можности да го видиме Валенсија во дресот на Манчестер Јунајтед затоа што летово неколкупати играше за репрезентацијата, но тој е фудбалер кој имаше настапи на високо ниво за Виган и се надеваме дека во играта на Манчестер ќе внесе нешто ново и вредно. Затоа и инвестиравме во него и веруваме во тоа дека ќе блесне како играч, прво затоа што е навикнат на англискиот фудбал а како второ, затоа што има нов предизвик - Манчестер Јунајтед.

18 Пол Сколс: Години 34 Настапи 606 Голови 142

Сколс е еден од најискусните играчи не само во Манчестер, туку и во англискиот фудбал воопшто. Надвор од теренот тој е многу смирен и тивок човек кој остава неговите резултати да зборуваат за него. Некои од неговите настапи во кариерата се вбројуваат како историски во светскиот фудбал, па затоа лесно можеме да го сместиме Сколс меѓу најдобрите светски фудбалери општо. Оваа сезона, тој ќе се обиде да биде регуларен и стандарден првотимец и нешто слично како Гигс, да не` убеди дека се` уште може да игра како во неговите најдобри денови во младоста.

ОДБРАНА

2 Гери Невил: Години 34 Настапи 569 Голови 7

Гери е еден од најискусните фудбалери во тимот - ја има освоено секоја награда што постои а со Англија има играно на сите можни континентални и светски натпреварувања, но напротив, тој продолжува да си поставува предизвици за надминување. Неговото искуство ни треба, па верувам дека и тој како нас ќе сака да помине сезона без повреди.

21 Рафаел: Години 19 Настапи 28 Голови 1

Рафаел е играч кој многу брзо се поврза со навивачите, лесно се инспирира себеси и има премногу ентузијазам - клучни работи за играч од овој тим. Но тој е млад и треба да покаже уште прогрес за да стане првотимец. Сето знаење и вештини што треба да ги добие - ќе ги добие во овој клуб. Тој е интелигентен, брзо учи и сака да победува. Карактерно е многу цврст и се надевам дека тоа ќе му помогне да се развие во вистински одбранбен фудбалер.

22 Џон О` Шеј: Години 28 Настапи 343 Голови 14

Не знам зошто, но многу други играчи го потценуваат О` Шеј. Напротив, тој е еден од играчите кои на теренот го дава срцето за клубот и најмногу се труди. Освен како дефанзивец, тој е докажан и како добар голман, па затоа е прв избор ако се повреди голманот а нема повеќе измени на натпреварот. Тренира напорно и досега никој не кажал лош збор за неговиот став и приод кон играта. Го сака клубот и затоа го почитуваме. Сега тој е и регуларен репрезентативец, па затоа очекуваме од него да си ја зацементира неговата позиција во првиот состав.

5 Рио Фердинанд: Години 30 Настапи 311 Голови 7

Рио дојде во клуб кој му одговара, клуб кој секогаш го извлекува најдоброто од него. Со него квалитетот на нашата одбрана дојде на ниво, квалитет кој го немаат многу екипи. Тоа е причината што инвестиравме многу време, пари и нерви за да го доведеме на Олд Трафорд. Има многу одлични централни дефанзивци во Англија, но Рио и според многумина е се` уште број еден.

15 Немања Видиќ: Години 27 Настапи 153 Голови 12

Партнерството во одбраната на Немања и Рио се покажа како полн погодок за овој тим во последните неколку сезони што резултираше со титулите во ПЛ и онаа во ЛШ пред една сезона. Тој е силен, моќен и може уште да се развива. Неговата агресивност само го прави вистински централен дефанзивец. Освен во одбраната, му се наоѓа на тимот и на другата половина од теренот, особено по изведените корнери, со неговите моќни удари кон голот и неговата извонредна игра со глава.

6 Вес Браун: Години 29 Настапи 318 Голови 4

Вес не пропушти многу игри сезоната 2006/2007 и сезоната кога ја освоивме Лигата на Шампионите, но минатата сезона за него беше вистински малер. Ме радува тоа што преку летото тој работеше напорно за да го надополни отсуството и се надеваме дека во оваа сезона ќе биде повторно стандарден во тимот.

23 Џони Еванс: Години 21 Настапи 38 Голови 0

Џони е висок и одличен дефанзивец. Психички е многу силен и етички граден фудбалер, особини кои го донесоа на ова ниво на кое што е сега. Многу интелигентен фудбалер и на теренот и надвор од него. Одличен е со топката и не` радува тоа што многу добро соработува и со Рио и со Немања.

3 Патрис Евра: Години 28 Настапи 147 Голови 2

Патрис сега се промовира себеси во еден од најдобрите леви бекови во Европа. Тоа се должи на напорите кој тој ги вложи откако пристигна во Англија во 2006тата. Тој е меѓу ретките кои ќе ви признаат дека на почетокот животот во Англија и играта во ПЛ му беа тешки, но многу малку му требаше да се привикне и набргу се вљуби во клубот. Во денешните натпревари, бековите неретко знаат да го решат натпреварот, а Евра ги има сите квалитети за да го прави тоа што почесто. Знае да ја повлече играта нанапред, добар е во одбраната, игра добро со главата... и сите овие квалитети ги разви во овој клуб.

ГОЛМАНИ

1 Едвин ван дер Сар: Години 38 Настапи 191

Едвин е меѓу најискусните играчи во тимот, па затоа многу ќе ни недостига додека се опорави од повредата. Самиот многу знае колку е почитуван во овој клуб, па затоа во секој натпревар сака да ни врати за почитта со неговите одлични одбрани. Беше одличен голман кога му се приклучи на Јунајтед, но со текот на времето, стана уште подобар. Со секоја измината сезона е се` подобар и подобар, па затоа, тој е голема инквизиција за нас.

12 Бен Фостер: Години 26 Настапи 11

Бен на тимот му се приклучи малку покасно, но тоа не го оспорува неговиот голем потенцијал. Се` уште има многу да учи и да напредува на сите полиња, но мислам дека во овој клуб со квалитетниот тренинг што го добива и со ван дер Сар како негов тутор ќе стане одличен голман. Има многу голем потенцијал и прашање на време е кога ќе го покаже со дела. Беше малку несреќен со неколкуте повреди што ги имаше, но сега му се отвора простор да стане и број еден голман во англиската репрезентација, што веруваме ќе му даде мотив да стане уште подобар.

29 Томас Кушчак: Години 27 Настапи 37

Мислам дека Томас е првиот Полјак кој заиграл за овој тим и неговите одговорности и обврски кон клубот ги прифати многу добро. Се наоѓа во клуб каде што сите голмани конкурираат за бр. 1 местото во стартниот состав и сега за сега секогаш кога бил прв голман за Манчестер бил во висина на задачата. Се надевам дека ќе продолжи каде што и застана минатата сезона, уште подобро ако ни докаже дека напреднал.

“Ќе постигнувам голови и ќе го надополнам отсуството на Тевез и Роналдо”-Руни.

Вејн Руни сака Ферги да го остави да игра на централната напаѓачка позиција со тоа што си постави за цел да постигне 25 погодоци.

Напаѓачот на Манчестер Јунајтед и Англија ја отвори својата серија со израмнувачкиот гол во натпреварот против Челзи на Вембли и го одведе мечот од Комјунити Шилд на пенали. Тој ја продолжи формата од квалификациските натпревари кога за Англија постигна три гола.
23 годишниот фудбалер смета дека допрва следува најдоброто и дека тој и Димитар Бербатов ќе ја пополнат празнината во нападот на Јунајтед која настана летово на Олд Трафорд.
“Да постигнам 25 голови е реално, тоа е цел која се надевам дека ќе ја остварам. Секогаш велам дека можам да постигнам повеќе голови и се надевам дека тоа ќе го сторам оваа сезона”-рече Руни
“Среќен сум што ќе играм понапред зошто тоа го сакам, да играм повеќе по средината”.
“Не сум сигурен дали Ферги ќе ме игра постојано во нападот. Може да се премисли во секој момент и да ми пронајде друга позиција. Сепак се надевам дека нема да е така. Ако постигнувам голови, тој ќе е задоволен”
Головите на Руни че бидат од огромно значење за Јунајтед во обид да стигне до 19-та титула во Премиер Лигата, со оглед дека Ферги не сакаше летово да троши пари за Виља или Агуеро кои беа преценети од нивните клубови.
Сепак поранешниот напаѓач на Евертон кој лани за клубот и репрезентацијата постигна 27 погодоци не чувствува дополнителен притисок.

“Имав големи очекувања од самиот себе претходните седум години. Не е важо дали е Роналдо тука или не, јас сеуште ќе ги имам истите очекувања. Никогаш не сум се чувствувал како главен играч. Играта е тимска и не се однесува на мене туку на тимот.
Руни смета дека со доведувањето на Овен и Валенсија, Јуанјтед ќе има поинаков стил оваа година што се виде и на натпреварот против Челзи кога Руни и Берба комбинираа во средината на нападот , а Нани постигна гол за водство за Јунајтед.
“Во првото полувреме игравме добро, а во второто Челзи се врати во игра. Имаше добри моменти во нападот и мислам дека требаше да постигнеме уште некој гол”.
“На тренинзите и на подготвителните натпревари можеше да се види дека Берба изгледа одлично. Изгледа попосветен, се враќа назад да помогне на одбраната. Дефинитивно повеќе работи и сака да импресионира. Тој е брилијантен фудбалер”.
Повредата на Нани го стави на листата на повредени пред неделниот натпревар о почетокот на Премиер Лигата против новајлијата Бирмингем.
Руни смета дека за највисок пласман повторно ќе се пори големата четворка.
“Ливерпул имаа добра сезона лани, Челзи секогаш се конкуренти, а со Арсенал никогаш не се знае, непредвидливи се. Се надевам дека познатите четири тима ќе се борат за врвот, но Манчестер Сити многу купуваа и ќе очекуваме да видиме што ќе се случи”.


Голгетерските достигнувања на Руни за сезоните кога играл за Манчестер Јунајтед

2002/2003- 8 goals
2003/2004- 18 goals
2004/2005- 17 goals
2005/2006- 21 goals
2006/2007- 20 goals
2008/2009- 27 goals
2009-2010-?

ИЗВОР

Сакаме 4 по ред!

Сер Алекс Фергусон изјави дека сака со Манчестер да сруши уште еден рекорд и да ја освои Премиер Лигата по 4ти пат и дека овој пат тоа би било нешто специјално за него.


„Освојувањето на лигата 4ти пат по ред би било големо достигнување и секако дека сите во тимот сакаме тоа да се оствари. Знаеме колку е тешко да се освои оваа лига. Минатата сезона се справивме со предизвикот наречен Јапонија и Светскиот куп, по кој што заостанувавме со натпреварите скоро до крајот на сезоната, но се повративме и ја освоивме титулата. Годинава, го немаме тој проблем, иако јас би посакувал да го имаме. Како и да е, предизвикот пак е голем.“

На прашањето кој ќе биде најголемиот ривал на Манчестер Јунајтед оваа сезона, Фергусон одговори: „Тешко е да се каже. Мислам дека ние (големата англиска четворка - Јунајтед, Челзи, Арсенал, Ливерпул), цело време со голем интерес следиме што се случува со Манчестер Сити и како тие ќе пристапат на следнава сезона. Ние бевме „мирни“ во трансфер периодот со имињата кои ги доведовме, па затоа интересот е насочен кон „Граѓаните“ и како тие ќе се справат со шопингот кој го остварија.“

Извор

К. Роналдо можеби немаше ни да стапне на Олд Трафорд ако го доведевме Роналдињо

Сер Алекс Фергусон откри дека ако трансферот на Роналдињо во Манчестер Јунајтед се реализираше успешно, можеби тие никогаш немаше да потпишат со Кристијано Роналдо.


„Мислев дека се` беше завршено и отидов во Париз за да се сретнам со Роналдињо. Но таму, друга приказна. Неговите луѓе со кои се сретнав ми се жалеа дека настанале некои недоразбирања во договорот и дека трансферот е одложен. Наредниот ден, Роналдињо отиде во Барселона. Премногу бев разочаран.“ Вака се изјасни Сер Алекс пред англиските медиуми. „За Роналдо, (кој истото лето беше доведен на Олд Трафорд), со Спортинг имавме потпишано преддоговор за негов трансфер во Манчестер Јунајтед, така да веројатно беше дека и тој ќе му се приуклучеше на тимот, но не толку брзо ако потпишевме со Роналдињо.“ Во врска со недостигот на К.Роналдо во тимот, Фергусон додаде: „Точно е дека изгубивме голем играч, но таа празнина ќе ја пополниме со смена на тактиката и ротации во тимот.“

Извор