Нани:Го изиграв најдобриот натпревар до сега

Стрелецот и најдобриот играч на натпреварот против Арсенал, Луис Нани, изјави дека ова било неговиот најдобар натпервар што воопшто го изиграл до сега.

Португалецот го отвори резултатот со фантастичен гол и продор меѓу 3 играчи на Арсенал и направи уште една асистенција кон Руни за Јунајтед да слави со 3-1 против Арсенал.

"Мислам дека ова ми е најдобриот натпревар до сега.Играв добро, дадов гол и направив асистенција.Беше фантастичен преформанс од целиот тим, и пресреќен сум што можам да помогнам.Секој ден имаме тешки тренинзи и пробувам да бидам фит што почесто за тимот.

Ја чувствувам довербата од соиграчите,фановите и тренерот, чувството е прекрасно, пресреќен сум, и се надевам дека ќе продолжам во оваа форма"

"Изигравме добар натпревар во средата против Сити, и тоа ни даде самодоверба да играме вака како што игравме денес.Сер Алекс исто ни рече, дека мораме да играме исто како со Сити ако сакаме да бидеме шампиони" - изјави Нани за Скајспортс.

Превземањето на Јунајтед се поблиску

Фудбалскиот финансиер, Кит Харис, изјави за ББС дека богати инвеститори се интересирале за купување на Јунајтед.

Навивачката група MUST имаше состанок заедно со друга група фанови за смена на раководството на клубот, поради незадоволството кое го имаат фановите предизвикано од големиот долг.

Кит Харс, кој досега беше вмешан во смена на газдите на дури 4 премиерлигашки тимови, смета дека времето дошло да се стави крај на теророт од страна на Глејзери.

"Се чувствува дека времето е дојдено да се прекине теророт кој го трпат фановите и клубот.Сите ги слушаме како викаат дека што е многу,многу е, но никој не помага, а тоа е штетно за овој тим како Јунајтед." - изјави Харис за ББС Спорт.

Јунајтед со помош на обврзници, неодамна, собра 500 милиони фунти за колку-толку да го исплати долгот од 716 милиони кон разни интернационални банки.Но овој потег беше многу фрустрирачки за фановите бидејќи е можно во иднина да им се врати дупло, така што фановите побараа итна смена на газдите.

Вчера(29.1.2010) MUST се состанаа со многу богати и влијателни инвеститори, каде што центар на вниманието беше токму Кит Харис, кој е фан на Јунајтед уште од своето детство.

"Имаме добиено понуда и ако со смена на раководството во Јунајтед, ќе направиме добро и за тимот и за светскиот фудбал, тогаш ќе го направиме тоа.Во овој случај се работи за Јунајтед, тимот за кој навивам од кога знам за себе, значи од пред околу 50 години, играат фантастичен фудбал и претставуваат светски бренд во фудбалот." - продолжи Харис.

Малколм Глејзер и другите членови од неговата фамилија го купија клубот во 2005 година, но во главно со позајмени пари.Парите коишто си ги користеја за персонални потреби го однесоа Јунајтед во уште поголеми долгови и на крај краишта по освојувањето на Премиер лигата по трет пат,Карлинг купот,2ро место во ЛШ и Светското Клубско Првенство, заедно со продавањето на Кристијано Роналдо за 80 милиони фунти, Јунајтед беше во профит само 48,2 милиони фунти.

Харис не е сигурен дали Глејзери ќе ја прифатат понудата, ќе ги земат парите и ќе ги дадат клучевите од Манчестер Јунајтед на другите газди или ќе продолжат да ги исцицаат од тимот и оние малку пари коишто останаа.

"Се зависи од Глејзер.Се покажаа отпорни на протестите коишто ги правеа фановите за време на превземањето, незнам дали ќе се откажат.Многу ретко одат да го гледаат Јунајтед, почесто се во Америка каде што сигурно ги имаат истите проблеми како и во Јунајтед."

По продавањето на Роналдо, Јунајтед и Дејвид Гил потврдија дека сите 80 милиони му се дадени на Сер Алекс за трансфер, но Јунајтед потроши само 20 милиони, иако изгуби 2ца од 5те најдобри играчи на тимот.Истотака беше изјавено дека тимот нема никакви проблеми со финансиите.

"Долговите се направени одамна и сега малку од нив се покриени но Јунајтед го кријат тоа бидејќи сеуште крајниот рок е далеку за исплаќање на нив (Февруари 2017).Сеуште не се знае колку пари ќе требаат за да се случи превземањето но инвеститорите се оптимисти.Но, не знаеме колку Глејзери ќе сакаат да слушнат за оваа понуда, иако се работи за многу сериозна работа и понуда од инвеститорите.Тие го сакаат тимот, и имаат пари и средства да го извададат од долговите и да му дадат доволно пари на менаџерот за трансфери.Ова станува многу сериозно." - заврши Кит Харис во интервјуто за ББС Спорт.

"Мојата иднина е во Јунајтед благодарение на Ферги" - Нани

Пред само неколку месеци по се изгледаше дека Нани дефинитивно го напушта Театарот на Соништата, но поради довербата и тактичките способности на Фергусон,Нани се подобри многу последните неколку натпревари и останува во Јунајтед.

Нани имаше проблеми оваа сезона како никоја до сега, со катастрофален старт.Но последните 3 натпревари ги изигра на многу високо ниво, со правење неколку асистенции и пробивање низ одбраната на противниците со центаршутевите и дриблинзите.

"Недела по недела тренерот ми покажуваш се повеќе и повеќе доверба и тоа многу ми помогна.Јунајтед не е тим каде што можеш лесно да си го добиеш назад добиеното место во првиот тим, бидејќи има многу други играчи кои играат на твојата позиција и мораш да се бориш и да даваш максимално за да го добиеш посакуваното.Сер Алекс ми кажуваш што сака и колку очекува од мене, и цело време беше позитивен.Ми покажа како треба а како не, и ми го крена моралот со тоа што ги изиграв последните 3 натпревари." - изјави Нани.

"Но, како што кажав порано, јас сум Нани а не Кристијано Роналдо.Не сакам да ме споредуваат бидејќи нашиот стил на играње е различен."

За шпекулациите што го поврзуваат со трансфер во друг тим, Нани одговори:

"Мојата иднина е во Манчестер Јунајтед.Слушнав за шпекулациите кои кружат по весниците, но јас ќе останам во тимот и ќе помогам максимално за да освојувам трофеи.Тоа ми е предизвик, да играм што повеќе и се разбира да помагам.Знам што очекува тренерот од мене и ќе се уверите во следните натпревари дека ќе го оправдам." - заврши португалецот.

Најава:Арсенал v Јунајтед

Премиер лига, 24 коло|Недела, 31 Јануари 2010|Почеток: 17:00h

Стадион: Emirates Stadion, London

Како почеток на една голема серија тешки натпревари и за двата тима, доаѓа едно од најголемите дербиња во историјата на фудбалот.Арсенал против Јунајтед, Фергусон против Венгер, по којзнае кој пат еден против друг во уште еден епски дуел на теренот.На двата тима им требаат бодови и не за џабе самиот Сер Алекс го опиша натпреваров како најважен во целата сезона на Јунајтед.

Топџиите се моментално 3ти во лигата, со 49 поени и само 1 позади Јунајтед.Имаат 15 победи, од кои дури 9 на домашен терен, 4 нерешени и 4 порази.Последните 5 натпревари им се DLWWD, со победи против Болтон 2 пати, нерешена со Вила и Евертон и пораз од Стоук во ФА купот.Вермален се повреди со Вила но можно е да не игра на овој натпревар, со оглед на следните натпревари коишто им се против Ливерпул,Челзи и Порто.Истотака го немаат главниот напаѓач Робин ван Перси заедно со Едуардо.Играчот кој може да донесе најмногу неволја за Јунајтед, дефинитивно е Фабрегас.

Јунајтед моментално се 2ро место во лигата, 1 бод повеќе Арсенал и 1 помалце од Челзи кои имаат и натпревар помалце.Имаме вкупно 16 победи, 2 нерешени и 5 порази, но на гости играме многу полошо цела сезона, со само 6 победи и 4 порази.Последните 5 натпревари ни се WWLWD со победи против Сити,Барнли и Хал, пораз од Сити и нерешена со Бирмингем.

Лошите вести се дека Рио е суспендиран на 4 натпревари неиграње поради ударот врз Фаган на натпреварот против Хал, кој не беше забележан од судијата.Тоа значи дека Рио ги пропушта Арсенал,Портсмут,Вила и Евертон.Добрата вест е тоа што Ферги официјално потврди дека Видич ќе биде фит за овој натпревар, откако не ги изигра последните 6 натпревари поради проблеми со нервот во ногата.Многу важна ќе биде и тактичката поставеност на Ферги, минатата година игравме 4 пати со нив и имавме 2 победи 1 пораз и 1 нерешена, каде што и на двете победи игравме со 4-3-3 со Андерсон,Керик и Флечер во средината, Роналдо,Парк и Руни во нападот.Со овој сет на играчи е можно тоа, но е прашање дали Фергусон ќе ризикува со 4-3-3.

Можни состави:

Almunia

Sagna - Campbell - Gallas - Clichy

Fabregas - Song - Denilson

Arshavin - Bendtner - Rosicky

V

Rooney

Nani - Valencia

Anderson - Carrick - Fletcher

Evra - Vidic - Evans - Rafael

VDS

Мој тип:

Ќе биде преинтересно, премногу неизвесно и двата тима во добра форма и и на двата тима им е потребно тоа да продолжи.Битката на средината ќе биде неверојатна за гледање.Руни е во животна форма моментално и мислам дека тоа ни дава многу мала, иако сме на гости.

Арсенал 1 - 2 Јунајтед.

Андерсон поврзуван со Лион

Се прашувавте каде е Андерсон во последните натпревари?The Sun тврди дека е можна трампа на бразилецот со талентираниот голман Хуго Лорис плус пари.

Статиите во различни весници од Англија и пошироко, тврдат дека бразилецот без дозвола од тимот отишол на одмор во Бразил и ќе биде казнет со плаќање на неговата плата 2 недели откако ќе се врати.Беше поврзуван и со трансфер во Васко де Гама, но клубот веднаш го негираше тоа.

Сега пак, се верува дека бразилецот е во контакти со Лион и неговиот агент потврди дека има интерест од Лион за Андо.

"Моментално разговараме со Јунајтед за да знаеме дали ти е воопшто сакаат да го пуштат Андерсон.Би можело ова да заврши до крајот на неделата." - изјави агентот.

Се спомнува дека е можна трампа на нивниот прв голман, францускиот репрезентативец Хуго Лорис плус пари за Андерсон да пристигне на Стад Жерналд.

Видич се враќа за Арсенал

Сер Алекс Фергусон потврди денеска на прес конференцијата дека Немања ќе биде фит и дефинитивно ќе игра на "натпреварот на сезоната".

Србинот ги пропушти последните 6 натпревари на Јунатјед поради проблем со нервот во ногата, но дефинитивно ќе игра против Арсенал откако на Рио му беше потврден банот од 4 натпревари вчера.

"Немања беше фит и на натпреварот со Сити, но несакав да ризикувам и среќен сум што победивме и без него.Дефинитивно ќе ни фали Рио за Арсенал, но освен него нема некакви посериозни проблеми со тимот" - изјави Сер Алекс на пресот во Керингтон.

"Овој натпревар, ако ме прашувате мене и според табелата, најголемиот натпревар на сезоната за Јунајтед.Арсенал имаат веќе неколку добри натпревари по ред, и со тоа сега има многу тесна битка за првото место.Неверојатно е колку се измени лигата, ако победиш некоклу натпревари по ред имаш големи шанси да освоиш титулата, така да верувам дека тимот кој ќе биде најконстантен ќе освои." - заврши Ферги.

Фергусон: ВДС е најдобриот голман во ПЛ

Сер Алекс Фергусон го пофали Едвин ван дер Сар дека е најдобриот голман во Премиер Лигата.

39-годишниот Холанѓанец имаше тежок период од почетокот на сезоната, по скршеницата на двата прсти на пријателскиот натпревар со Баерн Минхен и отсуството од два месеца, па потоа уште 5 недели беше отсутен поради судир со Тим Кејхил на мечот против Евртон како и поради семејни проблеми.

„Едвин прави голема разлика“, изјави Фергусон. „Гледам дека во Лигата има уште неколку млади голмани кои се истакнуваат, но Едвин е најдобриот. Не е работата само во неговите одлични одбрани. Тој е секогаш сконцентриран на играта и знае што да направи со топката. Одлично е што ни се врати.“

Рио неигра дека е виновен за инцидентот

Дефанзивецот на Јунајтед, Рио Фердинанд, негира дека намерно го удрил Фаган на натпреварот со Хал, одлуката ќе се донесе утре за да се знае дали ќе игра против Арсенал.

Стоперот беше фатен од ФА откако ги погледнаа повторените снимки од инцидентот, како го удира со лактот напаѓалот Крег Фаган од Хал, за време на победата од 4-0 на Јунајтед.

Да ја прифатеше кривицата, Фердинанд можеше да не игра против Сити во Карлинг купот, и плус следните 2 премиер лигашки натпревари.Со ова значи дека Фердинанд има право да игра за Јунајтед до донесувањето на конечната одлука, т.е утре.

Ако успее со неговите намери ќе може да игра слободно на сите натпревари, но ако не му биде прифатено, тогаш ќе мора да ги преседи натпреварите со Арсенал,Астон Вила и Портсмут.

Најава:Јунајтед v Сити

Карлинг куп, полуфинале|Среда, 27 Јануари 2010|Почеток: 21:00h

Стадион: Old Trafford, Manchester

Дербито на Манчестер, втора рунда.Минатиот натпревар заврши со 2-1 победа на домашните но голот во гости ни помага многу во вторава рунда.Сега се игра на Олд Трафорд, театарот на соништата, каде што сигурно нема да останат рамнодушни фановите по реакцијата на Тевез и ќе ги бодрат нашите играчи максимално.А да, и Руни на минатиот натпревар даде само 4 гола така да очекувам да даде барем 1 гол вечер.

Реално гледано, нема да биде лесен натпревар каде што ќе се прошетаме низ одбраната, со оглед дека на 23ти игравме против Хал и на 31ви веќе имаме натпревар со Арсенал на гости.Последниве 5 натпревари ни се 2 победи,1 нерешна и 2 порази.Не изгледа воопшто сјајно но во последно време се повеќе ни се подобрува играта.Сити пак имаат само 1 пораз во последните 5 натпревари, сите други им се победи.

На натпреварот со Хал, видовме некои измени што би можеле да ни сугерираат на првите 11 кои ќе ги извади Сер Алекс денес.Фабио го замени Евра, Гибсон го замени Сколс и Берба на местото на Овен.

Можни состави:

VDS

Rafael - Brown - Rio - Evra

Valencia - Fletcher - Scholes - Nani

Rooney - Berbatov

V

Tevez - Robinho

Bellamy - De Jong - Barry - SWP

Boyata - Richards - Garrido - Zabaleta

Given

Мој Тип:

Што би можело да се очекува на едно Манчестерско дерби, многу нормално победа.

Јунајтед 2-0 Сити

Рио казнет 3 натпревари од ФА

Рио Фердинанд најверојатно ќе го пропушти натпреварот со Арсенал поради нападот кој го направи над Крег Фаган, во натпреварот со Хал и уште 2 од следните натпревари.

Иако судијата Стив Бенет не го забележа инцидентот, ФА го забележа и според ова за Рио ќе има автоматски бан од 3 натпревари.Откако ФА заедно со судијата ги прегледаа снимките од инцидентот, по барање од Хал, и самиот Бенет изјави дека да го видел сигурно ќе покажел црвен картон.

Фердинанд, кој се врати на натпреварот со Хал по 3 месечна повреда на грбот, му беше дадена шанса да го признае или да го одбие инцидентот до 18 часот утре, пред натпреварот со Сити.

Доколку биде казнет, ќе го пропушти и натпреварот со Портсмут на 6 Февруари и натпреварот со Астон Вила на 10ти Февруари.

Видео од инцидентот:

Тошиќ на позајмица во Келн

Според германскиот весник Bild, србинот Зоран Тошиќ е испратен на позајмица во германскиот прволигаш Келн.

Според артикл во германскиот весник Bild, Келн го добиле Тошиќ на 6 месечна позајмица, со опција да го купат на крајот на сезоната.Менаџерот на Келн, Ѕвонимир Солдо, изјави пред неколку дена дека сака во својот тим да додаде креативност и хрватот решил дека Тошиќ ќе му биде од голема корист, макар и на 6 месеци.

Трансферот за малку ќе колабираше минатата недела кога и Бенфика направија понуда за спрскиот интернационалец, но тој го избра германскиот прволигаш и се верува дека Јунајтед добиле 500.000 евра за оваа позајмица.Сеуште не е 100% официјално но се верува дека на прес конференцијата на Солдо, утре, ќе биде официјализирано.

Крис Смалинг нов играч на Јунајтед

Јунајтед ги договорија услугите на англискиот репрезентативец под 21 година за следното лето.

"Манчестер Јунајтед ги договори услугите на 20 годишниот Крис Смалинг од Фулам.Договорени се и тимовите меѓусебно и персонално со играчот, потписот е веќе ставен.Ќе остане до крај на сезоната и ќе се приклучи на Ѓаволите во летото на почетокот на сезоната 2010/2011." - изјави Бен Хибс за ManUtd.com

Досега има изиграно 8 натпревари за првиот од кои едниот и против Челзи сезонава и истотака беше повикан за репрезентацијата на Англија под 21 година.Првиот настап за Фулам го имаше во нерешниот резултат со ЦСКА Софија во УЕФА Купот во Септември 2009.

Велбек на позајмица во Престон

Официјално денеска потврди и официјалната страна на Јунајтед, 19 годишниот Дени Велбек отиде на позајмица во Престон, кај синот на Фергусон, до крајот на сезоната.

Екстремно талентираниот напаѓач, Дени Велбек, станува првото засилување на Дарен Фергусон откако неодамна стана менаџер на Престон.Тој ќе го носи дресот со број 18 и и досега за Јунајтед има изиграно вкупно 24 натпревари и дадено 5 гола.

Престон моментално е на 17то место во Чемпионшип, 3 бода пред зоната за испаѓање и 10 бода под местото кое што носи во плејоф.Велбек тука ја гледа шансата да се истакне, да игра константно во првиот тим и да ја направи уште потешка одлуката на Сер Алекс за кој ќе биде викнат во првиот следната сезона, ако се земе во предвид новиот Диуф и Македа кој самошто се врати од повреда.

Руни: Ќе го подобрам мојот рекорд во постигнати голови

Вејн Руни вели дека оваа година ќе го сруши личниот рекорд во постигнати голови откако на вчерашниот натпревар со Хал 4 пати ја затресе противничката мрежа.

Со вчерашните 4 гола Руни стигна до бројката од 20. Тој сака да ја надмине границата од 23 која ја постави пред 3 сезони.

''Сигурен сум дека можам да го надминам мојот досегашен рекорд. Ќе бидам разочаран ако не го сторам тоа. Сепак има уште приближно 20 натпревари за да успеам.

Причината за мојата ефикасност е моето поголемо присуство во противничкиот шеснаесетник оваа сезона.'' - изјави Руни.

Тој доби и пофални зборови и од менаџерот Фергусон: "Руни еден од најважните играчи за нас уште oд моментот кога тој пристигна кај нас. Тој секогаш се труди да постигнува што е можно повеќе голови и тоа денес многу успешно го направи" - изјави Ферги.

Ферги бара лојалност од фановите

Сер Алекс со апел до фановите - ако го сакате Јунајтед, бидете лојални и покрај се што се случува.

Сер Алекс Фергусон бара од фановите и покрај големите долгови и финансиската криза на Јунајтед со која што е во долгови цели 716 милиони фунти, да останат лојални кон тимот кој го сакаат и почитуваат.

Вчера Јунајтед објави дека преку обврзници има успешно подигнато 504 милиони фунти и тоа 250 милиони фунти со една каматна стапка и друга со 425 милиони американски долари.Овие пари ќе се искористат за подмирување на долгот од 509 милиони којшто Јунајтед го имаше кон банките низ целиот свет и ќе треба парите земени преку обрвзници да ги врадат до 1 Февруари 2017.

Сега, Глејзери треба да доплатат уште 202,1 милион фунти исплата во натура.Покрај сево ова Фергусон сеуште тврди дека има пари за трансфери, но за нас фановите, додека не видиме нема да поверуваме.

Најава:Јунајтед v Хал

Премиер Лига, 23то коло|Сабота, 23 Јануари 2010|Почеток: 16:00h

Стадион: Old Trafford, Manchester

Уште еден натпревар како минатонеделниот против тим кој што најверојатно ќе се бори за опстанок во Премиер лигата па така ништо друго освен 3 поени би било задоволително, со оглед што Арсенал и Челзи играат сеуште во Фа купот па со победа ние ќе се најдеме пак на првото место, барем до среда.

Според најавите, Рио ќе биде фит за овој натпревар што претставува многу добра вест за целиот тим, додека за Видич ќе треба да почекаме уште малце, и тој е истотака многу блиску до враќање со што нашите проблеми во одбраната ќе бидат минимални.

Во средината верувам дека ќе искочиме со стандарните Флечер и Керик со Валенсија и можеби Обертан на крилата.Би требало да се испробаат и младите играчи на вакви полесни противници иако не треба да заборавиме дека ова е Премиер лигата и сигурно нема да се предадат од почеток, поготово кога играат против шампионот.Очекувам исто и Маме бирам Диуф да стартува, со оглед што даде хет трик за резервите вчера и се надева дека ќе добива повеќе шанси до крај на сезоната во првиот тим.

Инаку Јунајтед досега нема изгубено на Олд Трафорд од Хал и од 9 натпревари има 8 победи и 1 нерешена и Хал се моментално без победи на последните 7 натпревари (4 нерешни и 3 порази) и ако не победат против нас ќе го имаат рекордот за најмногу натпревари на гости без победа, 17.Вреди да се спомне и дека Бербатов ќе го игра неговиот 50ти натпревар за Јунајтед ако настапи и ова ќе биде 150тиот натпревар на Фил Браун на кормилото на Хал.

Можни состави:

Van Der Sar

Rafael - Rio - Evans - Evra

Valencia - Fletcher - Carrick - Obertan

Rooney - Diouf

V

Fagan - Altidore

Hunt - Ashbee - Barmby - Geovanni

Mendy - Dawson - Gardner - Zayatte

Myhill

Мој тип

Пред неколку недели не натераа да играме многу добро на КС стадионот, но не гледам дека би можеле да направат сезнација на Олд Трафорд.Мислам дека е време да се испукаме и конечно да сврземе неколку натпревари, со оглед што играме против Сити во среда.

Јунајтед 3 - 0 Хал.

"Невил е идиот" - Тевез

Напаѓачот на Сити и поранешниот играч на Јунајтед, Карлос Тевез, му го даде епитетот идиот поради што го покажал средниот прст на неговата прослава на голот во вторникот.

Аргентинецот ги постигна двата гола со што Сити сега се во подобра положба во следниот натпревар на Олд Трафорд, со резултат од 2-1.Откако го постигна својот втор гол, тој истрча до центарот на игралиштето за да прослави пред капитенот Гери Невил, кој му возврати со покажување на средниот прст.

Тој вели дека прославата се состоела за да престане да зборува дека не вредел за парите коишто ги дале Сити и дека се согласува со Фергусон дека не вредел ни тие пари за кои што му беше понуден договор од Јунајтед, на што Гери возврати со средниот прст.

"Пред целата јавност Гери изјави дека ја поддржува одлуката на Фергусон да не даде 25 милиони за мене бидејќи не сум вредел.Мислам дека многу згреши и незнам зашто го кажал тоа и додека бев во тимот никогаш сум немал никаква расправија ниту кажано лош збор за него.Од поранешен соиграч многу боли, од тренерот не толку."

"Никогаш не би го прославил така голот кон фановите, беше наменето за Невил.Кога го постигнав пеналот и кога почнав да трчам накај Гери си реков сам себе си "Затвори ја устата, ќе се каеш подоцна".Мило ми е што се одмаздив со Сити, иако има уште еден натпревар" - изјави Тевез.

Рио се враќа во сабота

Рио Фердинанд во сабота ќе се врати во составот на Манчестер Јунајтед по 19 пропуштени средби и 3 месечна повреда во сабота на натпреварот против Хал на Олд Трафорд.

„Рио Фердинанд ќе игра утре, тоа е добра вест. Тренираше многу добро во последниве две недели, посветивме многу внимание на неговата издржливост, тајминг...беше одличен и сега е точниот момент кога треба да се врати. Неговото враќање ќе биде поттик за целиот тим.“, изјави Сер Алекс Фергусон.

Фергусон исто така изјави дека во сабота ќе се врати и Бербатов, додека Видиќ ќе отсуствува уште две недели. Што се однесува до Маме Бирам Диуф, реални се шансите и тој да настапи против Хал во сабота. Овен Харгривс се` уште не се знае кога точно ќе се врати во тимот иако започнал со тренинзи, но Сер Алекс изјави дека го вброил Англичанецот во неговиот тим за нокаут фазата во ЛШ.

Нов спонзор во Јунајтед

Манчестер Јунајтед денес потпиша спонзорски договор со авионската компанија Turkish Airlines.

Јунајтед потпиша 3.5 годишен договор со турската компанија која треба да ја замени Air Asia како официјален авионски превозник на клубот. Клубот потврди дека се работи за мулти-милионски договор, но не ја објавија точната сума.

Ова спонзорство се објавува само еден ден по објавата дека долговите на Јунајтед изнесуваат 716 милиони фунти. Турската компанија оперира и на аеродромот во Манчестер, годишно превезувајќи по 25.1 милиони патници низ светот.

О'Шеј аут до крај на сезоната

Повредата на Џон О'Шеј испадна дека е полоша од очекуваното и ќе биде аут до крај на оваа сезона, потврди Сер Алекс.

О'Шеј нема изиграно натпревар уште од средината на Ноември кога се повреди на натпреварот против Франција со својата репрезентација.

Уште кога дојде во Манчестер се мислеше дека е само ситна повреда на ногата и дека ќе се врати за отприлика 1 недела.Но по лекарската анализа се виде дека ќе биде отсутен неколку месеци и ќе се врати во Февруари.Сега, најновите анализи покажуваат дека страда од т.н blood clot со што ќе биде аут до крај на оваа сезона.

"Сите во тимот многу ги погоди последната анализа.На почетокот мислевме дека е само мала повреда и дека ќе се врати за 3 или 4 дена но сега испадна дека ќе биде во аут до крај на сезоната.Ако ги погледнете сите позиции во одбраната каде што имав проблеми сезонава, О'Шеј можеше сите да игра.Дефинитивно огромен хендикеп на тимот." - изјави Фергусон.

Симпсон се пресели во Њукасл

Дени Симпсон направи трансфер во Њукасл Јунајтед за сеуште необјавена сума по успешниот период кој го помина на позајмица во клубот од северна Англија.

Симпсон пред да потпише за Њукасл беше позајмен и во Антверпен, Блекбурн и Сандерленд. Беше позајмен на почетокот на ова година кај лидерот на Чемпионшип и тој денес потпиша 3 и пол годишен договор со клубот.

Менаџерот на Њукасл, Крис Хјутон изјави: 'Пресреќни сме што потпишавме со играч како Дени. Тој е кај нас од летото и досега игра фантастично. Тој веднаш се вклопи кај нас и е еден од најпопуларните играчи во соблекувалната, играч кој секако сакавме да го задржиме''- заврши Хјутон.

Манчестер Јунајтед му посакува среќа на Симпсон во понатамошната кариера.

Агентот на Красиќ во Англија

Агентот на Милош Красиќ, Дејан Јоксимовиќ, објави дека бил во Англија за да разговара за можни преговори за трансфер на Красиќ со неколку англиски клубови.

Крилото на ЦСКА Москва е еден од најзаслужните што тимот избори место во 1/8 финалето од ЛШ со неговите 4 гола во 6 натпревари и е прогласен за играч на годината во Србија, но челниците на ЦСКА Москва сакаат да го задржат Красиќ барем до на лето, за да можат да постигнат што поголем успех пролетва во нокаут натпреварите.

„Бев во Англија и можам да кажам дека има доста заинтересирани клубови за Красиќ, не само Манчестер Сити.“

Се верува дека меѓу тие клубови се освен Сити се и Челзи, Ливерпул и Манчестер Јунајтед.

Долговите на Јунајтед зголемени

Долговите на Манчестер Јунајтед се зголемија до 716.5 милиони фунти, според најновите пресметки кои беа извадени во среда.

Глејзери објавија дека тимот кој го водат е со зголемени долгови за 17 милиони фунти од јуни минатата година. Иако минатата недела беше објавено дека Манчестер го намалил долгот кон банките за околу 300 милиони фунти, севкупниот долг се` уште се зголемува.

Минатата година Јунајтед плати рати вредни 111 милиони долари, речиси исто колку што прими од Реал Мадрид за Кристијано Роналдо (132 милиони долари).

Бекам:"Сити никогаш нема да бидат бр.1"

Поранешната седмица на Јунајтед, Дејвид Бекам, изјавува дека Манчестер Сити никогаш нема да бидат поголеми од Јунајтед.

Денеска во 9 часот, градските ривали повторни играат едни против други, овој пат во четврт финалето од Карлинг купот.Милионите од шеикот кој го превзема тимот во 2008, му помогнаа на Сити да донесе неколку исклучително добри играчи со цел да станат подобри од другиот тим од Манчестер и да почнат да освојат трофеј, нешто што немаат видено од 1971.

Сепак, Бекам инсистира дека милионите никогаш неможат да бидат поголеми од историјата и големината на тим како Јунајтед.

"Сити никогаш нема да бидат поголеми од Јунајтед.Не се станува со пари еден од најголемите и најуспешните тимови во светот.Историјата се гледа, не парите, нешто што Сити никогаш нема да го имаат.Никогаш не би потпишал за Сити, и да се последниот тим на планетава" - изјави Бекс.

34 годишниот дополни дека никогаш во 7 години откако го напушти Јунајтед не рекол ни еден лош збор за тимот за кој навивал од мал и кој го направи ова што е сега.

"Нема да прославам ако дадам гол против нив во Лигата на Шампионите.Би ми требало само дел од секундата за да се смирам, бидејќи секогаш кога ќе дадеш гол добиваш желба да го прославиш." - заврши англичанецот.

Одбиена понуда од Тотенхем за Фостер

Според Скај спортс, понудата од Тотенхем за голманот Бен Фостер била одбиена од Манчестер Јунајтед бидејќи тие барале поголема сума на пари за да го пуштат.

Откако скоро целиот летен трансфер период беа поврзувани со трансфер на Дејвид Џејмс од Портсмут, сега Реднап го сврти погледот на херојот од Карлинг купот минатата сезона, Бен Фостер.

26 годишниот ја имаше шансата во првиот тим на Јунајтед откако Ван Дер Сар беше повреден и направи неколку големи грешки па сега е трет избор во екипата на Фергусон.

Се споменуваше негово можно заминување на позајмица во некој друг тим за да може да си осигура место во тимот на Капело за светското првенство годинава во Јужна Африка, но Сер Алекс ги негираше тие шпекулации.Се верува дека Тотенхем направиле понуда од сеуште непозната сума, но таа не ги задоволила побарувањата на Фергусон.

Тотенхем можеби треба да побрзаат бидејќи и Сандерленд покажаа одреден интерест за усугите на англискиот репрезентативец.

Менаџерот на Молде изненаден од Диуф

Менаџерот на Молде, Кјел Јонверт, е изненаден од инстантиот успех во Јунајтед на неговиот поранешен играч Маме Бирам Диуф.

"Многу ми е жал што не го видов голот на Диуф.Ми стигнаа околу 40 смс пораки во тоа време."

"Го гледав на тренинзите со тимот на Манчестер Јунајтед пред неколку недели и бев многу среќен што го гледам како тренира со големи играчи.Маме покажа дека е спремен да се бори за тимот.Слушнав дека го фалеле многу бидејќи успеал веднаш да постигне гол, но јас сум уште изненаден што толку бргу се проби во првиот тим на еден Манчестер."

"Маме е различен играч од Бербатов и останатите и тоа го прави специјален.Јунајтед имаат многу напаѓачи кои ја чекаат топката на тацна, но Диуф може да трча со неа покрај играчи и има многу силен шут.Да влезеш во второ полувреме и да дадеш гол во Премиер лигата е за сите пофалби, речиси е невозможно и ги инспирираше тоа и останатите играчи од мојот тим да се покажуваат повеќе, со надеж дека и тие ќе заиграат некогаш во тим како Јунајтед."

"Не очекувам во 2010 Диуф да биде главен играч на Јунајтед, но ако продолжи вака не би ме чудело и ако се најде во првиот тим од следната сезона" - изјави Јонверт.

Ван дер Сар ќе стане вториот најстар играч во историјата на Јунајтед

Едвин Ван Дер Сар ќе стане најстариот играч во периодот после војната што играл во Јунајтед,а со тоа и вториот најстар играч, доколку настапи денес на натпреварот со Барнли.

Ван дер Сар се врати на тренинзите оваа недела, откако му беше дозволено отсуство поради лошата здравствена состојба на жена му.Но, откако се откри дека повредата не била сериозна, Едвин се врати на терените и е можно да настапи против Барнли.

Доколку го направи тоа, со неговите 39 години и 79 денови ќе стане најстариот играч кој играл во Јунајтед после втората светска војна.Рекордот сеуште го држи уште еден холанѓанец, Реимон Ван дер Гув, кој го изигра неговиот последен натпревар против Чарлтон во Мај 2002 на 39 години и 48 дена.

Исто, Едвин ќе стане вториот најстар играч кој играл за Јунајтед во неговата историја.Првото место засега го држи Били Мередит, кој последниот натпревар го изигра на 46 години и 281 ден во Мај 1921 година.

Фановите на Јунајтед се обединија:"Глејзери, пазете се"

Групите состоени од фанови на Јунајтед кои се грижат за интересите на тимот, и се најверојатно единствениот официјален начин на кој пораките на фановите можат да стигнат до управата, MUST и IMUSA се обидинија и закажаа состанок утре, пред натпреварот со Барнли.

Откако до јавноста дојдоа документи според кои, освен тоа што го донесоа Јунајтед во трошоци од 500 милиони фунти, Глејзерите земале и 23 милиони фунти за персонални цели, навивачките групи MUST (Manchester United Supporters Trust) и IMUSA (Independent Manchester United Supporters Association) решија да имаат состанок, утре, пред натпреварот со Барнли со што после тоа ќе го преследат заедно дуелот.

Освен членовите на двете групи, ќе бидат присутни и многу фанови коишто ќе ги обединат фановите да протестираат за Глејзери да го продадат клубот.Изјавата испратена до фановите вели:

"MUST и IMUSA, двете независни и демократски групи на фанови, ги повикуваат сите фанови на Манчестер Јунајтед, на состанок пред натпреварот со Барнли за да се зборува за Глејзерите и како го уништуваат Манчестер Јунајтед.Овој состанок беше поттикнат од финансиските вести коишто дојдоа од брошурата направена од Глејзери којашто гласи дека треба да направат 500 милиони фунти за да излезат од трошоците."

"Овој состанок има за цел да им се понуди на сите навивачи да го кажат своето мислење и сите ние да бидеме вклучени во оваа кампања.Ни требаат идеи и енергија".

Еднаш им успеа на фановите на Јунајтед да спречат превземање на тимот од BSkyB во 1998, но за жал не им успеа во 2005, кога не успеаа да ги оттргнат Глејзери од тимот.Неодамна се појави милијардер од Азија којшто изјави дека би инвестирал 1 милијарда фунти во клубот, но Глејзери не сакаа да го продадат.

Eвра: „Секако дека ќе ја освоиме титулата"

Патрис Евра верува дека целиот тим е обединет и дека има многу големи шанси да ја освојат повторно ПЛ и да бидат првиот тим што ја задржал титулата цели 4 години.

Јунајтед се вратија по 5 дневен престој во Катар, каде што на сонце одржаа неколку тренинзи, се одморија и ги разгледале целите и плановите за вториот дел од сезоната. Ако го прашуваме Патрис Евра, тој вели: „Сигурен сум дека ќе ја освоиме титулата оваа година.“

Евра изјави: „Мислам дека беше одлично што поминавме неколку дена во Катар. Убаво е кога ќе се разбудиш и ќе видиш сонце надвор. На тренинзите работевме напорно и при разговорите сфативме дека имаме многу голема шанса во натпреварите што претстојат да ја освоиме ПЛ и да дадеме се` од себе да го направиме тоа по 4ти пат и да станеме единствен тим што го направил тоа. Објектите каде што имавме тренинзи се извонредни и верувам дека постигнатото ќе го видите уште во сабота, против Барнли.“

Јунајтед во последно време не е во најдобра форма, но се` уште е еден од главните фаворити за титулата. „Не сакам да бидам арогантен, ниту па да барам оправдувања за нашата игра во последно време, но кажете ми кој друг тим што изгубил дури 9 одбранбени играчи се наоѓа во позиција за титулата во која сме ние? Никој, само Манчестер Јунајтед, затоа што ние го имаме тимскиот дух. Сега кога ќе се вратат Едвин, Рио, Видиќ и другите ќе се опорават 100% ќе бидеме многу посилни.“

Евра верува и дека ако сите играчи беа неповредени, моментално ќе беа лидери на табелата и ќе имаа поолеснета работа. „Многумина зборуваат за силината на нападот на Јунајтед. Погрешно, нашата сила отсекогаш била во одбраната. Кога одбраната е силна, можеме да го победиме секого. Ако го погледнете натпреварот на Јунајтед со Барселона пред две години на Камп Ноу, ќе заклучите дека кога играме на тој начин, обединето, сме најсилни и тоа беше наш најдобар натпревар. Оваа година не сакаме да ја испуштиме ПЛ. Знаеме дека со тоа ќе влеземе во историја и ќе се трудиме да го направиме тоа.“

„Ви кажувам, не се плашиме од никого. Само гледаме да го одржуваме победничкиот дух и да победуваме во натпреварите. Јас сум среќен и со досега постигнатото оваа сезона иако многумина не` критикуваа, но ниту еден друг тим не изгуби 9 одбранбени играчи. Кај нас во Франција велиме, на крајот го плаќаш тој што ја свири музиката, така да критиките и пофалбите се оставаат за крајот.“

Најава:Јунајтед v Барнли

Премиер лига, 22 коло|Сабота, 16 Јануари 2010|Почеток: 16:00h

Стадион: Old Trafford, Manchester

Да не комплицираме многу, одиме право на факти.Ние сме 2ри, Барнли 14ти.Имам 14 победи оваа сезона, исто колку и Челзи, а Барнли имаат 5.Го играме натпреваров на домашен терен каде што имаме 8 победи со 1 нерешна и изгубена, но за само 3 дена играме во Карлинг купот против Сити, на кој што би требало да се фокусираме повеќе, иако Фергусон рече дека ќе излезе со млади играчи.

Оваа сезона имаме изгубено дури 5 натпревари и имаме 2 нерешени.Со Бирмингем нерешено, кога најмногу ни требаа 3 бода, така да ако зборам во името на сите фанови, ќе се согласите дека се помалку од победа тука би било премногу разочарувачки.

Бербатов треба да оди на операција на коленото, но сепак е можно да игра изјави Сер Алекс на пресот денеска, а Харгривс и Ван Дер Сар се многу блиску до враќање на терените, но не се знае дали ќе играат утре.Се надевам дека нема пак да играме со Руни сам во нападот, дека видовме како завршија последните натпревари каде што играше сам.Исто Флечер е суспендиран за натпреваров така да би требало Андерсон и Керик да се во средината.

Вреди да се спомене дека последниот бод на Барнли од Олд Трафорд е победа во 1962 со 5-2 и во последните 10 гостувања, на дури 7 од нив не успеале да дадат гол вклучувајќи го и поразот од 2-0 од Евертон пред 2 недели, со што веќе имаат 3 по ред.Исто до сега само еднаш не била затресена мрежата на Барнли во последните 17 натпревари и се 9 натпревари без победа.Им замина стариот менаџер Овен Којл, па ќе видиме како ќе им тргне со новиот, Брајан Лос.

Можни состави:

Kuszczak

Rafael - Brown - Evans - Evra

Valencia - Carrick - Anderson - Giggs

Rooney - Diouf

V

Nugent - Fletcher

McDonald - Gudjonsson - Guerrero - Eagles

Duff - Bikey - Alexander - Caldwell

Jensen

Мој тип:

Како што реков, би било крајно разочарувачки се освен победа.

Јунајтед 4 - 1 Барнли

"Јунајтед е бесмртен" - Манчини

Очигледно новиот менаџер на Сити, Роберто Манчини, не сака да упадне во расправии со Сер Алекс и пробува да има пријателски односи меѓу градските ривали Јунајтед и Сити, изјавувајќи дека иако има многу проблеми, Јунајтед е бесмртен.

Јунајтед сеуште се на второто место во Премиер лигата, со само 1 поен позади Челзи, иако ова лето го загубија главниот играч Кристијано Роналдо и сеуште се во криза со повредите кои ги носат низ целата сезона.

Мачини изјавува како му се восхитува на Јунајтед и би било катастрофално за кој било тим да ги потценува гигантите од Олд Трафорд по секоја цена.

"Им кажувам на луѓето да не ни се шегуваат со тоа што Јунајтед е во криза со повредите и со долговите, бидејќи тие се предобри што и покрај тоа продолжуваат да освојуваат трофеи."

"Ако постои тим кој може да се каже дека е бесмртен, тогаш тоа би бил Јунајтед.Само погледенете го продадоа најдобриот играч на светот за милионска сума и пак продолжуваат да победуваат.Се восхитувам на проектот на Јунајтед." - изјави Манчини.

Сити и Јунајтед ќе се сретнат во Карлинг купот следната среда,но ќе има и реванш на Олд Трафорд подоцна месецов.

Фергусон не размислува за пензионирање

Најлошото што можеше да му се случи на Јунајтед во овој период, кога сме со долгови пуни до гуша и со неколку слаби резултати по ред, е да се изгубеше легенда како Сер Алекс на кормилото на Јунајтед.Тоа за наша среќа нема да се случи.

Доколку на лето дојдеше некој друг менаџер кој воопшто незнае како стојат работите во Јунајтед ќе биде дефинитивно многу тешко, но за наша среќа Ферги не ни размислува за пензија, туку повеќе за следниот натпревар и тешкиот распоред на Јунајтед.

"Кога се менаџер во фудбал и на екипа од калибарот на Јунајтед, и ќе стигнеш на мои години, ти треба добро здравје пред се.Знам дека очекувањата се секогаш големи.Јас сум во мојот перфектен тим, најдобриот тим и така се мотивирам да бидам во овој тим се додека нозете не ми попуштат.Имам сеуште енергија за да менаџирам тим како Јунајтед и да го носам кон нови титули." - изјави Сер Алекс, инсистирајќи дека сеуште не е време за пензионирање.

Јунајтед пристигнаа во Катар

Можеби не го уживавме најдобриот старт на новата 2010 година, но Сер Алекс решава да ги однесе играчите на краток одмор во Катар, за се одморат од игрите и снежните денови со неколку минимални тренинзи до Четврток.

Сер Алекс и играчите, меѓу кои и Едвин Ван Дер Сар и Маме Бирам Диуф, денеска неочекувано пристигнаа во Катар, во градот Доха, каде што ќе тренираат неколку дена на топлото сонце.

Ќе се вратат во Четврток, 2 дена пред натпреварот со Барнли во Премиер лигата.Само поен позади Челзи моментално но Челзи имаат и натпревар помалку и со победа можат да имаат и 4 бода предност.Истотака, Јунајтед после Барнли ќе има задача против Сити во Карлинг купот на гости, и во Февруари против Милан во лигата на Шампионите.

Тимот има добри сеќавања од патувањата на сред сезона во потопли краишта.Пред 10 години Јунајтед отпатуваа за Бразил каде што освоија Светското клубско првенство и по враќањето освоија уште една домашна титула.Исто и минатата сезона, отпатуваа за Азија, се вратија со трофејот од Светското клубско првенство и ја освоија Премиер лигата.

Јунајтед со 48 милиони фунти годишен профит

Манчестер Јунајтед на својата официјална страна објавија дека имаат заработка од 48,2 милиони фунти за 2009 година, и исто објавено е дека има намера да се соберат 500 милиони фунти за да излезе Јунајтед од долговите.

Со продажбата на Кристијано Роналдо во Реал за 80 милиони фунти, Јунајтед ги вклучи во профитот за 2009та година кој изнесува 48,2 милиони фунти, а од парите од Роналдо беа дадени 41,9 милиони во борбата против долговите направени од Глејзерс коишто изнесуваат енормни 509,5 милиони фунти.

Јунајтед во 2008 имаше профит од 80,4 милиони фунти, коишто дојдоа со освојувањето на Премиер лигата и Лигата на Шампионите, а во 2009 се собрани вкупно 91,3 милиони фунти.

За да се ослободи Јунајтед од огромните долгови , клубот прави планови на кој начин ќе направат 500 милиони што поскоро.Се најавува дека ќе имало точен распоред и шема која ќе се следела се додека не се ослободи клубот од долговите.

Во ова спаѓаат и донирања од приватни инвеститори и компании коишто би понудиле повеќе од 14 проценти коишто досега ги има.Да не беше продаден Роналдо, Манчестер Јунајтед, 2009 ќе беше одбележана со изгуба од уште 31,8 милиони фунти, иако беше освоена Премиер лигата,Карлинг купот,Светското клубско првенство и стигнување до финалето на Лигата на Шампионите.

Харгривс го одигра првиот меч по 16 месеци

Долго повредениот играч на Јунајтед Овен Харгривс вчера го одигра својот прв натпревар по пауза од 16 месеци.

Харгривс одигра меч кој беше специјално организиран во тренинг ценатрот Керингтон. Ова беше негов прв натпревар, иако неофицијален од септември 2008 година и ремито со Челзи 1-1.

Иако имаше мислења дека Харгривс никогаш повторно нема да заигра сепак тој вчера ги издржа сите 90 минути. Харгривс има хронична повреда на коленото и мора внимателно да се следат сите промени кои би можеле да го попречат неговото враќање кое се очекува за неколку недели.