Фердинанд, кој беше отсутен поради постојаниот проблем со грбот од 25 Октомври, е можно да се врати за натпреварот со Барнли следната сабота.Би требало да почне со активни тренинзи со топка уште во недела.

Откако растеа шпекулациите дека Видич бил намерно изоставен од натпреварот со Лидс поради расправија со Сер Алекс, конечно вистината дојде на виделина.Немања ќе биде отсутен 10 дена поради проблем со стапалото, изјави Бен Хибс.Со тоа останува на Браун и Еванс, коишто истотака се веќе опоравени од повредата да играат централни дефанзивци, со Евра на левата бековска позиција и Рафаел на десната бековска.

Едвин е сеуште во Холандија поради неговата жена која беше хоспитализирана, и на 4 јануари напишавме дека се враќа за 10 дена, така да ќе почекаме уште малце за да го видиме на голманското место.

Харгривс тренира активно, но со резервниот состав на Јунајтед.Најверојатно прво ќе изигра 1 или 2 натпревари во резервниот тим како што направи Браун кога се опорави од повредата која го држеше надвор од терените целата мината сезона.

О'Шеј ќе биде сеуште надвор од терените, и тоа подолго, се верува дека околу крајот на Февруари би требало да се врати на терените.

Денес момците имаат тренинг од 2 часот во Керингтон тренинг центарот, и веднаш после тоа тргаат кон Бирмингем