"Луд сум по Јунајтед" - Усеин Болт

Олимпискиот рекордер и одамна познат фан на Јунајтед, Усеин Болт, изјавува дека ќе биде присутен на Вембли за финалето на Карлинг купот, и ќе седи заедно со фановите на Јунајтед да го бодри својот омилен тим.

Јамаскиот спринтер изјави дека сака да слави заедно со фановите на крајот на натпреварот и дека бил многу исфрустриран кога на почетокот на Јануари, неговиот омилен тим играл многу слабо.

"Сакам да славиме на крај.Кога ќе дојде Јануари, обично играме фантастично и така продолжуваме до крај на сезоната.Оваа сезона имаше и плусови и минуси, неможеме сеуште да ги најдеме перфектните стартни 11, коишто ќе се уклопат заедно.Еден фактор за тоа се повредите, но тим како Јунајтед не смее да се вади на повредите доколку не ја освојат Премиер лигата."

Светскиот рекордер бил толку изнервиран по поразот на тимот на Сер Алекс од Евертон што не отишол на тренинг истиот ден, а во вторникот задоцнил поради слична причина - го следел натпреварот Јунајтед-Вест Хем.

"Секогаш кога се Керик и Флечер во средина се чувствувам по сигурно.Исто, преферирам да не биде оставан Руни сам во нападот, подобро е да има уште еден до него, иако добро му оди сезонава.Прашањето е кој, бидејќи Бербатов сезонава не си ја врши задачата според очекувањата и сумата платена за него.Исто, сметам дека немаше да бидеме во ваква позиција доколку Рио и Немања беа фит цела сезона, но тоа е."

Болт ги следел Јунајтед уште кога бил мало дете на црнобел телевизор, и изјави дека Руд ван Нистелрој му бил најомилениот играч и идол уште од мали нозе.Усеин го посети тренинг центарот на Јунајтед, Керингтон минатата сезона.

"Бев и на натпреварот со Арсенал кадешто Јунајтед ја освоија титулата минатата сезона, и ја имав мојата видео камера со мене и снимав се.Сеуште го чувам видеото и тоа ми е едно од омилените нешта што ги имам." - заврши Болт.

Флечер:"Станав професионалец благодарение на Рој Кин"

Дарен Флечер верува дека станал професионалец и она што е сега најмногу благодарение на неговиот идол од детството, Рој Кин.

"Мислам дека станав професионалец поради Рој.Тој ме научи што е потребно за да се стане првотимец во Манчестер Јунајтед.Секој ден ми повторуваше што да правам и како, потоа се навикнав и откако си отиде ме водеа неговите зборови."

"Ако направев нешто лошо, ќе ми викаше и критикуваше, но кога ќе направев нешто добро, секогаш ме фалеше.Никој не го имаше слушнато Рој во тоа време како фали некој играч, бидејќи тоа го правеше многу тивко, да не речам шепкаше."

"Најважната работа за да останеш во тимот е да бидеш ментално спремен.Јас бев и сеуште сум еден од тие што иако се критикувани не се кријат веднаш и не се откажувам лесно.Константно си предизвикуван да се бориш за местото во Јунајтед.Сакам да останам тука до крајот на мојата кариера и сите да ме памтат откако ќе си заминам по добро." - заврши Флеч.

Најава:Јунајтед v Астон Вила

Карлинг куп, Финале|Недела, 27 Февруари 2010|Почеток: 16:00h

Стадион: Wembley,London

Уште едно финале со нашите херои, и шанса да се дополни, и онака полниот, кабинет со трофеи на Олд Трафорд, и конечно да им се одмаздиме за одземањето на 5 бода во лигата на Вила.

Ние имаме шанса да си го завршиме и така фантастичната недела за нас, со победа од 3-0 против Вест Хем, и пораз на Челзи од сограѓаниве со 2-4 на Стемфорд Бриџ.Чим стигнавме до тука, зошто и да не го освоиме купов, се измачивме со Спарси и Сити(x2) за да стигнеме до тука, а младинците со Барнсли и Волфс.Секако сите не погоди повредата на Андерсон и поразот од Евертон.Играчите беа/сеуште се изморени од густиот распоред што го имаме уште од декември, па можно е да бидат одморени некои клучни играчи, иако е финале.Ферги изјави дека на младинците им е потребно т.н "Вембли искуство" и дека е можно да го одмори нашиот најдобар стрелец Вејн Руни, кој стартуваше во сите натпревари на Јунајтед во 2010.Рио уште ни е повреден, Вида конечно ни се врати, Гигс уште 2-3 недели ќе биде во аут, а Харгривс "се враќа" уште од Декември.

За Вила ова е огромна шанса конечно да освојат еден трофеј, макар да е и Карлинг куп.Имаше гол парада во натпреварот со Блекбурн во борбата за место во финалето којшто заврши со вкупен резултат од 7-4 за Вила.Пред тоа го победија Портсмут, Сандерленд на пенали и Кардиф.Знаеме каков е нашиот, а и на другите екипи од големата 4ка,рекорд против Вила, само 1 бод од можни 6, не победија на ОТ и извадија реми на Вила Парк, се е можно да се случи на Вембли.Покажаа дека имаат квалитет за во ЛШ, заедно со Евертон и Тотенхем, и сигурно ќе биде тесна борбата за 4тото место со Ливерпул и другите.Со играчи како Агбонлахор,Милнер,Јанг,Петров,Даунинг покажаа дека се навистина опасна екипа и дека ќе се борат да го земат и овој трофеј.

Можни состави:

VDS

Rafael - Evans - Vidic - Evra

Valencia - Carrick - Fletcher - Park

Rooney - Berbatov

V

Agbonlahor - Heskey

A.Young - Milner - Petrov - Downing

Cuellar - Dunne - Collins - Warnock

Friedel

Мој тип:

Очекувам да го додадеме трофејов во нашиот кабинет и да им покажеме дека нема заебанција со шампионот на Англија, да оставиме срце на терен и потоа заедно да се радуваме сите.

Јунајтед 2-0 Астон Вила.

Фергусон: На младинците им треба „Вембли искуство“

Менаџерот на Јунајтед планира на финалето во Карлинг купот да одмори неколку првотимци и на нивно место да стави некои од младите надежи во клубот.

„Сакам на младите да им дадам можност да го почувствуваат мирисот на успехот. Има двајца или тројца кои ќе ја добијат таа можност, тоа се Гибсон, Еванс и Рафаел. Тие мораат да добиваат многу повеќе шанси. Сакаме да победиме во финалето затоа што ги победивме сите досегашни конкуренти и штом сте стигнале до финалето, едноставно мора да го освоите. “, изјави Сер Алекс Фергусон.

Видиќ: Сакам да играм на Вембли

Немања Видиќ утринава изјави дека има голема желба да настапи за Јунајтед во финалето на Карлинг купот.

„Горам од желба да играм на Вембли. Сигурен сум дека стадионот ќе биде полн. Секогаш е преубаво да се игра на големи мечеви. Се надевам дека ќе играме одлично и сите во тимот сакаме да ја завршиме работата во 90 минути, не сакаме повторно пенал рулет како минатото финале.“, изјави Србинот.

Андерсон аут до крај на сезоната

И лошите вести пристигнаа, Андерсон го извиткал лигаментот што се наоѓа на коленото, т.е коските му биле свртени во различни насоки, и со тоа ќе биде во аут 6 месеци

21 годишниот бразилец во редовите на Јунајтед се повреди по само 10тина минути игра во натпреварот со Вест хем и сега испадна многу посериозно него очекуваното - има скршеница на чашката на коленото.

"Мислам дека треба да направам повеќе тестови но се плашам дека се работи за пукнатина.Многу сум разочаран, воопшто немам среќа сезонава." - изјави Андерсон по излегувањето од теренот во 18тата минута.

Инаку повредата којашто ја доби Андерсон е многу слична на онаа која ја имаа Рој Кин и Руд Ван Нистелрој додека беа во Јунајтед и тие останаа во аут од 6 до 9 месеци.

Оживеан интересот за Виља

По се` изгледа, не се откажуваме така лесно од играчот со кој најчесто бевме поврзувани цела сезона, Давид Виља.

Иако Фергусон многупати изјави дека Виља не вреди за 45 милиони фунти, минатиот викенд на натпреварот на Валенсија против Хетафе, тој го испрати неговиот брат и скаут на клубот, Мартин Фергусон да пренесе импресии од настапот на Виља. Виља на натпреварот погоди дури два пати.

Одлуката да не се брза со потписот на Виља на почетокот на сезоната на Фергусон му се покажа како одлична. Руни влезе во неверојатна форма, додека можеби главната причина која повторно е заинтересиран за Виља е слабата претстава од вториот човек задолжен за голови во тимот, рекордното трансфер засилување - Димитар Бербатов.

Шпанскиот клуб досега ја зголемуваше цената на Давид Виља, но по слабите игри и како што се чини, неможноста да се пласираат во ЛШ наредната сезона, ќе мора да попушти пред нападите со трансфер понуди од многу звучни клубови. Но, според Виља, најблиску до неговиот потпис се премиерлигашите, бидејќи тој изјави дека не сака да игра за Барселона и Реал Мадрид поради почит кон својот клуб и навивачите.

Кога мислевме дека конечно завршило...

...испадна дека не е така.Рио пак се повредил на тренинзите и ќе го пропушти финалето на карлинг купот.

Се очекуваше Рио да се врати денес на натпреварот против Вест Хем откако ја одлежа суспензијата од 4 натпревари, но тоа не се случи.Како што и самите видовме, не беше ниту во резервите ниту на трибините, повторно почувствувал силна болка во Керингтон тренинг центарот и ќе го пропушти финалето и не се знае за понатаму.

"Доби неочекувана болка сабајлево завреме на загревањето во Керингтон, го забележав и јас тоа.Не смеевме да ризикуваме, не му е прв пат да му се случува ова.Нема да игра ни во недела, а можно е и повеќе." - изјави Фергусон.

Освен ова, можно е да отсуствува на натпреварот на Англија со Египет следната среда.

Најава:Јунајтед v Вест Хем

Премиер Лига, 28 коло|Вторник, 23ти Јануари|Почеток: 21:00h

Стадион: Old Trafford, Manchester

Конечно назад во нашето гнездо по 3 тешки гостувања, а најтешко испадна она во Сабота, против Евертон.Победа дома сигурно е потребна и очекувана поради тоа што Вест Хем се борат во долниот дел од табелата, но откако го земаа Мидо и Меккарти изгледаат многу поопасни.Сепак, ако ние играме како против Арсенал или Милан не би требало да има проблеми.

За само 2 натпревари во ПЛ изгубивме огромни 5 поени и на таа сметка Челзи повторно се качија на 4 бода предност, па отсега докрај немаме право на кикс, мора да редиме победа до победа доколку сакаме титула.Со Евертон катастрофална игра, дури примивме и 3 гола.Мора веднаш да се вратиме од тој натпревар, а и играме против тимот кој во последните 6 натпревари на гости има 4 порази и 2 нерешени.

Вест Хем моментално се 13ти со 30 бода помалце од нас и имаат вкупно 9 бода од последните 6 натпревари.За зимскиот преоден рок донесоа неколку опасни нови играчи како Мидо,Илан и МекКарти па заедно со Карлтон Кол во нападот, Диаманти и Бехрами во средината сигурно нема да поминеме лесно.Последниот натпревар им беше против Хул, и победија со 3-0 со головите на Кол,Бехрами и Фобер па сигурно ќе бидат мотивирани и на шампионот да му земат бодови.

Можни состави:

VDS

Rafael - Vidic - Evans - Evra

Valencia - Fletcher - Scholes - Park

Rooney - Berbatov

V

Cole - Mido

Diamanti - Kovac - Parker - Behrami

Tomkins - Spector - Upson - Faubert

Green

Мој тип:

Очекувам тесен натпревар и да ни создадат големи проблеми поради новите играчи коишто ги донесоа, сепак верувам во нашите момци и се надевам на победа.

Јунајтед 3 - 1 Вест Хем.

Андерсон:Сакам да останам на Олд Трафорд

Играчот за кој сите се прашуваме каде е и зашто го нема повеќе во првиот тим на Јунајтед, Андерсон, признава дека размислува за својата иднина во тимот, иако сака да остане на Олд Трафорд.

Иднината на талентираниот бразилец во Јунајтед дојде до прашање откако пред неколку недели, според шпекулациите, се скарал со Сер Алекс и заминал во Бразил на преговори со други тимови.

Андо нема изиграно натпревар за Јунајтед уште од поразот од Манчестер Сити во Карлинг купот на 19 Јануари и се шпекулира дека излегол од тренинзите и заминал во Бразил, со што многу го налутил Фергусон.Бразилецот признава дека отишол во Бразил за да размислува за својата иднина, но ни и за да преговара со други тимови.

"Разговорите со Фергусон се приватни,му кажав што мислам и му ја објаснив ситуацијата.Отидов во Бразил за да размислам за мојата иднина, не за да преговарам со други тимови.Еден од моите сонови е да го претставам Бразил на Светското Првенство, но ако не игра знам дека немам шанси да бидам во составот на Дунга."

"Моменталната ситуација воопшто не ми одговара бидејќи ми требаат минути на теренот во следните натпервари.Отсекогаш добро сум стоел со Фергусон, и тој побара да давам повеќе на теренот и го прифаќам тоа, но ми требаат повеќе шанси во првиот тим." - изјави Андерсон.

Тој истотака изјави и дека Јунајтед сеуште не го видел најдоброто од него, откога пристигна во тимот во 2007.

"Освоив многу титули со Манчестер, но фановите сеуште не го виделе најдоброто од мене.Не сум машина, не е возможно да давам 100% во секој натпревар и го прифаќам и знам за фактот дека не играв добро во некои натпревари, но тие не се доволни за да ме спречат да продолжам понатаму." - заврши бразилецот.

Нани и ван дер Сар со нови договори

Холандскиот голман, Едвин ван дер Сар изјави дека ќе потпише нов договор со Манчестер Јунајтед на една година, додека исто така и на Нани му е понуден нов 4 годишен договор со Манчестер Јунајтед, на кој во моментов се чека само конечниот потпис на Нани.

Во врска со одлуката со која го одолговлекува неговото пензионирање, ВДС изјави: „Сакам да продолжам да играм, затоа потпишав уште еден договор. Клубот сакаше да останам и јас се чувствувам многу кондиционо спремен и ништо не ме сопира да продолжам да играм.“

Додека за Нани, основата по која му беше понуден нов договор беше неговата значително подобрена форма на теренот во последните натпревари во ПЛ откако беше отстранет од тимот на Јунајтед од ноември 2009 поради несовесни изјави во јавноста за Сер Алекс Фергусон.

Гери МекАлистер - Флечер во класата на Иниеста и Чави

Легендата на Ливерпул, Гери МекАлистер, по мечот со Милан излезе со пофални зборови за играчот од средината на Јунајтед, Дарен Флечер, споредувајќи го со големите Иниеста и Чави.

„Нема двоумење дека Дарен Флечер прераснува во фудбалер од светска класа. Навистина го мислам тоа и во наредниве сезони верувам дека тој ќе го докаже тоа. Во моментов нема многу подобри играчи од средината од Чави и Иниеста и уверен сум дека Флечер е меѓу тие малкумина.

Има шанси Манчестер и Барселона повторно да се сретнат во ЛШ, како и фактот што Шкотска ќе одигра двомеч со Шпанија за квалификациите за наредното ЕП, па тогаш ќе видиме судир на овие фудбалери и ќе се увериме дека Шкотска му даде на фудбалот одличен фудбалер од светска класа“, изјави Мек Алистер.

Руни има капитенски амбиции

Напаѓачот на Манчестер Јунајтед, Вејн Руни, изјави дека иако Рио Фердинанд ја доби капитенската лента на англиската репрезентација, не губи надеж дека еден ден таа ќе биде негова.

Рио Фердинанд лентата ја наследи од Џон Тери. Руни за тоа изјави: „Не сум разочаран воопшто. Тоа е нешто што кога тогаш ќе се случи и јас ќе бидам капитен. Бев капитен на мечот против Браз и тоа беше специјален момент за мене. Би ми било многу драго да сум капитен еден ден, но сега во репрезентацијата има премногу искусни играчи и секако дека тие би требало да имаат предност.“

Велосо повторно на радарот на Јунајтед

Според The Mirror, Сер Алекс Фергусон планира да го донесе талентираниот португалец и специјалистот за слободни удари Мигуел Велосо во Јунајтед во летниот период.

The Mirror во својата статија пишуваат дека Ферги пратил свои скаути на натпреварот од Европа лигата помеѓу Евертон и Спортинг Лисабон и дека уште еден скаут заминал за Португалија каде што ќе се игра реваншот помеѓу овие две екипи.Веќе неколку години се тврди дека Велосо е на радарот на Јунајтед, така да можно е да го видиме и него како Роналдо и Нани во Црвениот дрес.

"Го знаеме Велосо многу добро, уште од кога играше против нас.Одличен играч во средината, со огромен потенцијал." - изјави асистентот Фелан за португалски весник.

"Бевме преморени но тоа не е оправдание за поразот" - Евра

Патрис Евра признава дека Јунајтед се многу изморени поради густиот распоред, но не смее тоа да го прифатиме како оправдание за катастрофалниот пораз од Евертон.

"Сите сме многу разочарани и изнервирани од поразот.Би сакал да се оправдаме со тоа што бевме многу изморени поради натпреварот во ЛШ, но нема да го дадам, за ваков пораз не постои оправдание.Имавме можност да победиме."

"Бевме преморени, многу играчи беа изморени но не го сметам тоа како причината за којашто изгубивме.Сметам дека во нашиот менталитет не сакавме да победиме, имавме енергија но не верувавме доволно дека ќе победиме.Обично кога играме, или еве во последниот натпревар против Милан, во секоја секунда додека сме во дресот на Јунајтед веруваме дека ќе победиме.Денес тоа не се случи и изгубивме."

"Почнавме добро и постигнавме гол, но откако го дадоа израмнувачкиот гол се одеше кон лошо.Не го покажавме најдоброто што можеме и сите сме многу разочарани,исто како и фановите.Но, понекогаш и тоа се случува.Дали сум среќен што имаме натпревар веќе во вторник?И да и не.Од една страна имаме само 3 дена за одмор, но од друга страна треба да покажеме дека сме Јунајтед и да заминеме накај Вембли со 3 бода + во премиер лигата." - заврши Евра.

Красиќ сака трансфер пред Светското првенство

Талентираниот србин, Милош Красич изјавува дека сака неговата иднина да ја знае до пред почетокот на Светското првенство во Јужна Африка.

Српскиот репрезентативец го прифати вниманието на екипи од големата Европска елита, како Милан,Реал Мадрид,Манчестер Јунајтед,Ливерпул и Баерн Минхен и неговиот договор истекува на крајот од сезоната.Тој самиот вели дека трансфер во Реал,Милан или Манчестер бил остварување на неговите соништа.

"Сеуште сум играч на ЦСКА и немам потпишано за ниеден тим.Но, имам многу избори и ќе мора да решам пред почетокот на Светското, бидејќи не сакам да имам ништо друго за размислување освен понатамошен пласман со Србија.Каде би отишол?Сеуште незнам, тим со историја како Реал е многу тешко да се одбие, но тука се и Милан и Манчестер.Каде и да отидам би ми било остварување на соништата." - изјави Красич за Спортски Журнал.

Најава:Евертон v Јунајтед

Премиер лига, 27 коло|Сабота, 20 Февруари 2010|Почеток: 13:30h

Стадион: Goodison Park, Liverpool

Јунајтед ова коло гостуваат на мотивираниот Евертон, најверојано во најлошо можно време, најмногу поради победата која им ја нанесоа на Челзи минатото коло и Спортинг Лисабон во Европа лигата.

Јунајтед се во многу добра форма, можеби и најдобра од целата сезона, со само 1 бод позади Челзи и 1 нерешена само од последните 6 натпревари во ПЛ.Последниот натпревар ни беше против Астон Вила и заврши само со 1-1, и тоа Нани доби црвен картон уште 30та минута.Заедно со Рио и двајцата се суспендирани, додека Гигс сеуште е повреден.Затоа пак, според информациите Видич и Андерсон се враќаат во првиот тим, што е огромен плус за Јунајтед.Преформансите на гости против Арсенал,Вила и Милан дефинитивно ќе не мотивираат нас фановите дека можеме да го победиме и Евертон, којшто докажа дека Гудисон Парк не е лесна тврдина за освојување.

Евертон иако 9то пласирани, сега ја имаат една од нивните најдобри форми со само 1 пораз во последните 5 натпревари.Освен што Вејн се враќа против неговиот поранешен менаџер, не смееме да го заборавиме и Саха којшто помина 4 сезони во црвениот дрес и е во фантастична форма за Евертон, а тоа го докажува постигнувајќи 2 гола против Челзи и вкупно 13 досега во лигата.Добри вести за нас е дека Кејхил се повредил и ќе биде аут 3 недели и заедно со Фелаини коишто им ја држеа целата средина на Евертон ќе бидат аут, па најверојатно Артета и Пиенар ќе бидат единствените проблеми во средината.

Можни состави:

Howard

Neville - Yobo - Distin - Baines

Bilyaltedinov - Cahill - Arteta - Pienaar

Donovan - Saha

V

Rooney

Park - Scholes - Fletcher - Anderson - Valencia

Evra - Vidic - Evans - Rafael

VDS

Мој тип:

Како што кажав претходно на Гудисон сигурно дека нема да биде лесно а и Евертон се во добра форма, но да не забораивме дека Руни е во најдобрата форма во неговата кариера па мислам дека можеме да ги победиме.Ќе биде многу интересно без размислување, многу поранешни соиграчи еден против друг.

Евертон 1 - 2 Јунајтед

Фергусон ја поддржува green and gold кампањата

Сер Алекс за првпат отворено зборуваше за green and gold протестите за барање на отказ на сопствениците на Јунајтед, Фамилијата Глејзер, и вели дека се додека навивачите навиваат за тимот и тимот игра добро, не е важно дали имаат зелено-жолти или црвени бои на нив.

Менаџерот пред неколку недели изјави дека протестите против американските сопственици се појавиле во лош и многу важен период за тимот.Но, дали случајно или не, се случи токму спротивното, Јунајтед влегува во една фантастична форма со фантастични резултати на гости и дома, заедно со Вејн Руни.Ферги вчера на прес конференцијата изјави како сето тоа покажувало колку на фановите им значи клубот и колку се грижат за него.

"Не сум загрижен за тоа, зашто би бил.Секој фан си има свое право да се буни за се што не му се допаѓа.И јас мислам дека тимот треба да се води според најдобриот пат а не најпрофитниот.Свесен сум и јас и целиот тим заедно со играчите за протестите и протестантите и знаеме поради што и од каде доаѓа тоа." - изјави Фергусон.

Кога беше прашан дали му е важно дали навивачите ке носат црвени или црно-бели шалови тој изјави:

"Воопшто не ми е важно, важно е дека навиваат сите за 1 тим а не за друг.Важно ни е стадионот да е преполн со навивачи кои го сакаат клубот." - заврши Ферги.

Мојс:Руни може да биде најдобар во свет

Менаџерот на Евертон, и поранешниот менаџер на Руни, Дејвид Мојс, изјавува дека Руни го има потенцијалот да биде најдобар играч во светот, и дека е само време додека ја добија најзначајната индивдуална награда за еден играч.

Руни беше најголемиот кошмар за сите коишто му застанаа на патот на Јунајтед, постигнувајќи вкупно 25 голови и Вејн ќе се посети на деновите кога ја градеше својата кариера во Сабота, кога Јунајтед му гостува на тимот на Дејвид Мојс.

Мојс го следеше развитокот на Руни уште од неговите 14 години се додека не го продаде на Јунајтед за огромна сума од околу 30 милиони фунти и Мојс тврди дека сеуште има огромен респект за Руни и се надева дека во иднина ќе стане најдобар играч на светот.

"Сметам дека Руни е играч од светска класа сега, но тој може да биде и многу подобар од ова што го гледаме.Додаде голови,разбирливост и прерасна во топ играч, тоа е она потребното за да се биде играч од најголем ранк.Мислам дека е само прашање на време кога ќе ја освои наградата за најдобар играч на светот." - изјави Мојс.

Дарен Флечер: Дури сега е невозможно да се сопре Вејн Руни

Дарен Флечер верува дека неговиот тимски другар Вејн Руни е несопирлив и дека тоа перфектно го докажа по вчерашниот натпревар против Јунајтед.

Дарен Флечер синоќа изјави: „Вејн Руни е несопирлив. Тој е секогаш опасен и се заканува, понекогаш делува исфрустрирано но неговата упорност секогаш се исплаќа. Вечерашниве два гола со глава беа прекрасни и дури сега ќе биде претешко да се сопре.“

Во врска со победата на гости, Флечер додаде: „Оваа победа не ги надмина нашите очекувања. Бевме самоуверени дека можеме да победиме и успеавме. Голот што го примивме на крајот малку не` разочара, но гледајте на светлата страна, имаме 3 гола на гости што ни дава покомотен реванш на домашен терен. На реваншот мораме да бидеме внимателни. Фановите ќе играат голема улога во тој реванш и бараме максимална поддршка од нив. Ноќите во ЛШ на Олд Трафорд се посебни и знаеме дека фановите ќе застанат зад нас. “

Најава:Милан v Јунајтед

Лига на Шампиони, 1/8 финале|Вторник, 16 Февруари 2010|Почеток: 20:45h

Стадион: San Siro, Milano

Епската битка помеѓу двата ѓаволски тима, двата европски гиганти, едниот со 7 шампионски титули, другиот со 3.За почеток во оваа малку подолга најава, да се потсетиме на минатото.Во 2006-07 сезоната, Милан ги исфрли Јунајтед од полуфиналето со вкупен резултат од 5-3, и потоа истата сезона успеа да ја освои и шампионската круна.Следната сезона, 07-08, Милан беа исфрлени од Арсенал во осминафиналето и Јунајтед накрај ја освоија својата третата шампионска круна.Минатата сезона, како што добро памтите, Јунајтед изгубија од Барса во финалето а Милан играа во УЕФА купот.

Каде се сега?Милан моментално се на трето место во Серија А откако нанижа 4 порази по ред конечно победи со Удинезе, додека Јунајтед се на второ место со само 1 бод позади Челзи.Јунајтед бараат одмазда, Милан цели кон 8ма шампионска круна, кој ќе биде поуспешен, ќе дознаеме утре.

IL DIAVOLO

Мисија - Во натпреварувањето во коешто се наоѓаат најдобрите тимови во светот, има многу малку тимови коишто би биле потешки за победување од Јунајтед, а уште помалку менаџери коишто би го надитриле Сер Алекс.Но тоа е судбината на Милан и Леонардо сезонава, Јунајтед е тешката задача којашто им е дадена на Росоњерите како предизвик уште во осминафиналето.Дали можат да го поминат?Досега го направија еднаш, но тој Милан беше многу поразличен од овој сега, но истиот случај е и кај Јунајтед.Во двата наврати Јунајтед беа/се фаворити, а Милан се еден вид на аутсајдери, поубаво кажано underdogs.

Pato - where amazing happens

Форма - Се до Derby Della Madonina, Милан изгледаа непобедливо.Дури и без Александре Пато, Росоњерите успеаа да постигнат 12 гола во 3 натпревари, вклучувајќи и 3-0 победа на гости против Јувентус.Но златното правило во фудбалот се покажа уште еднаш - формата не важи за дерби натпревари.И така Милан со нанижени неколку добри резултати и победи гостуваше на Интер кој имаше неколку слаби натпревар изиграно, но се виде дека претходните натпревари немаат никакво значење на вакво дерби, па Милан изгубија 2-0 на Џузепе Меаца.По тоа, следеа 2 нерешни и елиминација од Копа Италија од Удинезе.Но, минатиот петок конечно ја прекинаа таа низа со победа од 3-2 против тимот кој ги елиминраше од Копа Италија, Удинезе.Пато и Неста се вратија, заедно со нив и Милан.Хунтелар даде 2 гола, еден Пато, а со 3 асистенции заврши Роналдињо.Но дали се Милан во најдобра форма?Не, не се.Но, она што е важно е дека Пирло,Роналдињо,Пато и Неста играат добро, и ова за Милан претставува најголемиот натпревар што ќе го играат сезонава, ако не поминат понатаму се разбира.

Деби на Леонардо во нокаут фазата

Заклучок - Јунајтед ќе мораат да ги чуваат многу добро Пато и Роналдињо, бидејќи ако им се остави простор можат многу лесно Милан да дојдат до шанси за гол.Одбраната на Јунајтед, особено бековите, ќе мора да изиграат перфектен натпревар против овие двајца.Откако сјаеше против Удинезе, најверојатно Хунтелар ќе започне од првата минута.Ќе мора да го изигра многу добро, но на играч како него не му е потребно многу место или многу време за даде гол, голот може да дојде од никаде.Неста и Силва ќе ја имаат моментално најтешката задача на светот - да го чуваат Вејн Руни.И за крај, едноставно Дида.

Коментар - Ќе биде претешко, дури и невозможно, да се запрат Јунајтед од постигнување на гол.Ќе треба Милан да го изигра најдобриот натпревар сезонава за да му успее нешто такво, и + да победи.Најслабата позиција ни е одбраната на чело со Абате и Антонини, и не верувам дека ќе можат да ја воздржат јаката средина на Јунајтед.Како и да е, Гатузо,Сидорф и Пирло ќе бидат тука, и сигурно дека и средината на Јунајтед ќе има голем притисок.Роналдињо и Пато мораат да играат најдобро, поготово играч од светска класа како Пато кој дефинитивно ќе биде тежок за чување за било кој од бековите на Јунајтед.Леонардо е неискусен, но знае да ги направи потребните потези во потребното време и таа негова смиреност може да го победи Сер Алекс.Милан дефинитивно можат да победат тука.Милан 1 - 0 Јунајтед, Forza ragazzi!

THE RED DEVILS

Мисија - Милан се едно од најголемите имиња во европскиот фудбал, фактот дека имаат 7 титули самото го кажува тоа, нели?Сан Сиро дефинитивно е еден од најопасните стадиони на којшто Јунајтед или било кој друг тим има гостувано, но мора да ја земеме иницијативата уште од почетокот.Сигурен сум дека сите знаеме дека ова нема да биде лесно, се осеќам како Милан да се тим кој во ЛШ може да направи се, ама баш се.Сите се сеќаваме на 2007ма, мислевме дека е наша година но испадна дека не е баш така.Милан и момчето со име Кака ги испреврте Хајнце и Евра на невиден начин досега и не посрамотија во Милано.Но сега сме 2010, многу работи се сменети, нема Кака, нема Роналдо, и нема да дозволиме еден пензионерски тим да не посрамоти пак, така ли е?Значи, мораме да почнеме од почеток со напаѓање и по можност еден брз гол да дадеме и после работите сами ќе си дојдат на свое место, макар и примиме после тоа.

Најважното: Тимска игра

Форма - Можеме да кажеме дека сме во добра форма, имавме 6 победи по ред се до натпреварот со Астон Вила каде што заврши 1-1, но бевме со 10 играчи од 30тата минута.5-0 со Портсмут,4-0 со Хал, 3-1 со Арсенал, 3-1 со Сити.Мора да го издвоиме Вејн Руни, 7 гола за 5 натпревари, 22 вкупно во лигата, најдобар стрелец моментално.Фантастичен скор,за фантастичниот Руни, неверојатно игра и дефинитивно Милан му доаѓаат во најдобро можно време.

Напад,напад и напад!

Заклучок - Мораме да играме како тим.Најважното нешто и најпотребното нешто ни е тоа, и мораме да се држиме за тоа.Минатиот натпревар Роналдо можеби премногу солираше и не кошташе елиминација но доколку играме како тим, како што игравме против Арсенал и доколку добро ги чуваме главните играчи мислам дека имаме огромни шанси.Мораме да се осигураме дека играчите како Пато не добиваат премногу простор и шанси.Свесни ме сите дека оваа сезона во ЛШ играме некако по дефанзивно и можеби поради тоа се должат и слабите резултати досега, иако завршивме први во групата, изгубивме од Бешикташ и изигравме 3-3 со една ЦСКА.Мораме да ја играме напаѓачката игра со Нани и Руни, што ја игравме минатите неколку кола во Премиер лигата.

Коментар - Не сакам да не правам нас фаворити или аутсајдери.Да, имаме подобар скор во последните неколку натпревари од Милан, но Милан си е Милан, никогаш не смееш да ги потценуваш.Нема фаворити и нема аутсајдери според мене.Го имаат она искуство во ЛШ и знаат што како треба за да се победи.Нервозен сум, возбуден и навистина се надевам дека ќе победиме утре.Имаме добар состав, можеме да победиме, мораме да напаѓаме уште од почеток.Мора да ја држиме средината и контролата на натпреварот, се надевам нема да излеземе како против Барса во финалето.Едвај чекам, ќе биде пре интересно, и мислам дека ќе успееме да победиме. Милан 0 - 1 Јунајтед. COME ON UNITED!

Можни состави:

Dida

Abate - Silva - Nesta - Ambrosini

Gatusso - Seedorf - Pirlo

Pato Ronaldinho

Huntelaar

V

Rooney

Park - Fletcher - Carrick - Scholes - Nani

Evra - Rio - Evans - Brown

VDS

LET THE SHOW BEGIN!

Подготвен сум да го поминеме Милан

Сер Алекс Фергусон вели дека е подготвен да го поминат Милан и дека им соопштил на неговите играчи дека имаат одлична шанса да станат херои.

Откако Јунајтед викендов немаше натпревари, утре, ќе одлетаат за Милано каде што во вторник ќе се одигра првиот дел од долго очекуваниот двомеч помеѓу Манчестер Јунајтед и Милан.

Фергусон изјави: „Во одлично време играме со Милан. Тие играа овој викенд, ние не. Го изгубија Кака, а кај нас Руни, Нани и Валенсија се секој ден се` посилни. Тие имаат неколку повреди, кај нас се враќаат Рио и Немања. Ги имаме и Керик и Флечер кои ја играат сезоната на својата кариера, додека Сколс покажува зошто потпиша договор на уште една година. Не велам дека Милан немаат одлични поединци, но ние имаме колектив кој може да победи.

Ја сменија својата формација откако замина Кака. Го користеа Кака како лидер на тој дијамант систем, но сега играат 4-3-3 со три играчи на средината на теренот.

По искуството од Милано пред три години, само во едно сум сигурен. Нема да доминираат така лесно на теренот.“

Роналдо:Еден ден, би се вратил во Јунајтед

94 милиони вредниот играч и легенда на Јунајтед, изјавува дека би сакал некогаш да се врати во Јунајтед и дека сеуште чувствува љубов кон тимот кој го направи најдобариот играч на свет.

Португалскиот ас се вклопи фантастично во тимот од Мадрид, постигнувајќи 17 гола во 17 натпревари во белиот дрес, а се запиша и вчера во листата на стрелците и тоа два пати, против последно пласираниот Ксерез.

"Секако дека ми фали Јунајтед.Таму играв 6 години и ми фалат сите, играчите,тренерот и фановите.Сеуште го гледам секој нивни натпревар и никогаш не се знае, можеби ќе се вратам некој ден во Манчестер."

"Се разбира, среќен сум во Мадрид и сакам да го изиграм моето и тука, но откако ќе ми помине договорот, којзнае што ќе се случи.Би сакал повторно да се сретнам со играчите,тренерот и дел од мојата фамилија којашто остана таму, но сега морам да се фокусирам на Реал Мадрид." - изјави Роналдо.

Саха сеуште е Ѓавол

Откако постигна 2 гола против Челзи и му помогна на Јунајтед во борбата за титулата, Саха си призна - "Сеуште сум црвен ѓавол".

Иако со помош на Саха, Евертон успеаа да ги победат Челзи, Јунајтед не ја искористија ни таа шанса за победа и искачување на првото место, туку изиграа само 1-1 со Астон Вила.Следниот меч на Јунајтед е токму против Евертон и Саха изјавува дека се надева дека Јунајтед ќе освојат и 4та титула по ред.

"Би сакал да кажам дека Евертон ќе ја освојат лигата, но тоа знам дека нема да се случи.Челзи се многу силни, но Јунајтед се посилни и лично се надевам дека ќе освојат лигата повторно.Иако носам сино, во душата сеуште сум црвен ѓавол."

"Сеуште контактирам со многу играчи од Јунајтед, најмногу со Евра.Руни и Харгривс истотака ми се многу блиски пријатели и често си правиме муабет по телефон." - изјави Саха.

Јунајтед поврзан со Давид Луиз

Денешните весници излегуваат со нова приказна во која што, дефанзивецот на Бенфика, Давид Луиз е поврзуван со трансфер во Јунајтед летово.

Според Дејли Меил, 22 годишниот талентиран бразилец би можел да премине во редовите на Јунајтед за сума од 12 милиони.Освен како централен дефанзивец, Луиз може да игра и лев бек.Важи за многу важен играч за Бенфика уште одкако пристигна во 2007.

Во последно време Јунајтед се почесто е поврзуван со дефанзивци, откако се повеќе се шпекулира дека Немања Видич ќе го напушта тимот во летото.Веќе го купија Крис Смалинг од Фулам кој ќе се приклучи во летото и има многу талентирани играчи во резервите, но само Ферги знае дали некој од нив ќе успее да се пробие во првиот тим.

Сер Алекс:Судијата беше во право

Менаџерот на Јунајтед,Сер Алекс Фергусон изјави дека смета дека вчершната одлука на Питер Волтон да му даде црвен картон на Нани била исправна.

На португалецот му беше додаден црвениот картон откако со старт со две нозе влезе на играчот на Вила, бугарот Стилијан Петров и сега ќе го пропушти финалето од Карлинг купот истотака против Астон Вила, откако му беше доделена суспензија од 3 натпревари од ФА.

"Му влезе со 2 нозе - чист црвен картон.Наивен старт од играч којшто не е толку агресивен но судијата немаше друга опција.Смешното е што ние требаше да добиеме фаул секунди пред овој старт кога Агбонлахор стартуваше над Браун, но ние не го добивме, дојде топката до Нани, па му избега и со цел да ја врати направи многу лош старт." - изјави Ферги.

Кога беше запрашан што мисли за влегувањето на Валенсија во игра во второто полувреме Ферги одговори

"Морам да признаам дека Валенсија одигра фантастично.Мислам дека имаше голем удел во нашата игра по црвениот картон и имаше многу добри шанси од десната страна." - заврши Фергусон во интервјуто за Скај Спортс.

Гигс во аут 4 недели

Рајан Гигс ќе биде аут 4 недели поради фрактура на десната рака во натпреварот со Астон Вила, потврди Јунајтед на својата официјална страна.

Велшанецот мораше да биде заменет од Бербатов во 74 минута откако еден од противничките играчи во еден скок го удри по раката.Денешните x-реј анализи покажуваат дека му била скршена десната рака и ќе пропушти многу важни натпревари на Јунајтед.

Од сега се знае дека Гигс ќе ги пропушти натпреварите против Астон вила во финалето на Карлинг купот, првиот натпревар со Милан,Евертон,Вест Хем и Волфс.Сер Алекс се надева дека ќе биде фит до 10 Март, кога е вториот натпревар на Јунајтед против Милан.

Освен оваа повреда, ФА потврди дека Нани добива казна од 3 натпревари не играње поради директниот црвен картон, што значи дека ни тој нема да игра против Вила во финалето.Рио се враќа за натпреварот со Вест Хем.

Јунајтед истотака има доста збиен распоред почнувајќи од вторник со Милан, сабота со Евертон, вторник со Вест Хем и на 28ми во недела финалето на Карлинг купот.

Најава:Астон Вила v Јунајтед

Премиер лига, 26то коло|Среда, 10 Февруари 2010|Почеток: 20:45h

Стадион: Villa Park, Birmingham

Јунајтед пред уште еден тежок предизвик во борба за првото место, овој пат против Астон Вила, тимот којшто изненадувачки успеа да не победи на Олд Трафорд.Седмо пласираната Вила, во своите амбиции оваа сезона има завршување во топ 4 тимовите, што и е не е така невозможно доколку се земе бодовната разлика.Тие до сега имаат фантастичен скор против сите тимови од големата четворка, со победи против нас,Челзи и Арсенал.

Последните 6 натпревари и се 2 пораза 3 нерешени и само 1 победа и според моменталната форма е една од најслабите екипи.Едвај извади реми со Тотенхем на Вајт Харт Лејн, иако домаќините имаа неверојатни 33 шута на гол.На тоа се должи многу и Фридел којшто направи неколку неверојатни одбрани и 100% шанси за Тотенхем.

За разлика од нив, ние сме во најдобрата форма од цела сезона, 16 од 18 бода во последните 6 натпревари, т.е само 1 реми и 5 победи.Играме многу добро, Руни влегува во нечовечка форма, Нани блесна одеднаш и нареди 4-5 добри натпревари и целиот тим игра добро, иако во одбраната сеуште фалат стандардните Рио и Немања.Ни следуваат неколку важни натпревари против Евертон,Милан итн. заедно со овој.Многу ни е потребна победа и мора да се држиме во чекор со Челзи и да чекаме на евентуален нивни кикс.

Можни состави:

Friedel

Cuellar - Dunne - Collins - Young

A.Young - Downing - Milner - Petrov

Heskey - Agbonlahor

V

Rooney

Park - Carrick - Fletcher - Scholes- Nani

Evra - Evans - Brown - Rafael

Van Der Sar

Мој тип:

Очекувам многу тесен и тежок натпревар и се надевам на победа на Јунајтед, бидејќи ни е многу потребна.

Вила 1 - 2 Јунајтед

Фергусон задоволен од одлуката на Капело

Сер Алекс Фергусон е задоволен од одлуката на Фабио Капело капитенската лента да му припадне на Рио Фердинанд.

31 годишниот одбранбен играч од заменик капитен беше промовиран во прв лидер на тимот на својата земја по непријатностите кои му се случија на Џон Тери.

„Ние сме задоволни од него како и од што играч на Манчестер Јунајтед е капитен на земјата. Во изминативе години ги имавме Гери Невил, Боби Чарлтон и Брајан Робсон па овој момент не` прави многу среќни.“, изјави Фергусон.

Бекам: Нема да прославувам против Јунајтед

Играчот од средината на Милан, поранешната ѕвезда на Манчестер Јунајтед, Дејвид Бекам, изјави дека нема да прославува при евентуален негов гол во двомечот против Јунајтед кој ќе се одигра на 16ти овој месец.

По одиграни 394 натпревари во дресот на Јунајтед, Бекам смета дека би било невкусно и непријатно за него да се радува на гол против неговиот поранешен тим. Ова е прв пат како Бекам се враќа на Олд Трафорд и вели дека останува благодарен на поддршката на навивачите кога беше исклучен против Аргентина на СП во 1998.

„Понекогаш, кога постигнуваш гол, наеднаш емоциите излегуваат од тебе но овојпат ќе се контролирам. Го почитувам клубот и навивачите. Врската која ја имам со нив се` уште ми е важна.“, изјави Бекам.